กำลังแสดงผล 1 ถึง 10 จากทั้งหมด 10

หัวข้อ: ฟิตซ้อมร่างกายและจิตใจหลังหายป่วย

  1. #1
    Moderators
    วันที่สมัคร
    Feb 2013
    กระทู้
    1,094
    บล็อก
    2

    ฟิตซ้อมร่างกายและจิตใจหลังหายป่วย

    สวัสดีจ้าพี่น้องบ้านมหาทุกท่าน

    เอื้อยพวงพะยอมบ่ได้ลงกระทู้ที่แสนรักมาหลายมื้อแล้วย่อนว่าป่วยจ้า คึดฮอดทุกคนอีหลีจ้า
    หลังจากเดินทางบินไปหาน้องพิมกลับมาก็ไอ เป็นไข้ เจ็บคอ หลอดลมอักเสบ หมอให่นอนพักกินยาอยู่ หนึ่งสัปดาห์ ซดน้ำข้าวต้มทุกมื้อ แบบว่าบ่อยากกินหยังเล้ยจ้า พ่อบ้านเพินต้มข้าวใส่หมูสับกับกุ้งให่กินสุมื้อ เตรียมยากับน้ำให่พร้อม ลูกสาวหล่าก็ติดจากแม่เป็นไข่คือกัน พอเอื้อยเซา พ่อกับลูกเป็นต่อจ้า
    ซอยผลัดกันดูแลกันไปน้อจ้า

    มือนี้ไคแน่หายแบบว่าปกติ วันเสาร์ที่ผ่านมากลับไปทำงานได้จ้า มีอีหยังต้องรับผิดชอบมากมาย ถ้าร่างกายบ่ฟิตจะเป็นอุปสรรค จิตใจก็ต้องพร้อม ดูแลทั้งลูกค้าและเพื่อนร่วมงานอีกสามคน ต้องเฮ็ดบัญชีการเงิน เฮ็ดรายงาน เมลต้องจัดให้ทันตรงเวลา

    เช้านีิ้อากาศดีสดชื่นเย็นสบายจ้า เอื้อยไปยางออกกำลังรอบๆที่พัก เดี๋ยวสิไปจ่ายตลาดหาแนวมาเฮ็ดกินแบบแซ่บๆคือตำบักหุ่งใส่ปลาร้า
    กับแกงฟักทองใส่ปลาย่างฮ้อนๆ

    มรสุมชีวิตก็ผ่านไปได้ด้วยดี เจ็บไข่ได้ป่วยบ่มีไผอยากเป็นน้อจ้า แต่เมื่อล้มก็ต้องลุกขึ้นสู้ชีวิตต่อไป ท้อแท้หรือขี้คร้านบ่ได้ดอกจ้า มีภาระมากมาย ทั้งงานหลวง งานราษฎร์ งานบุญกุศล เพียงแค่ยอมรับในสิ่งที่เป็นปัจจุบันทำหน้าที่ต่อไปด้วยทัศนคติบวก ใจสงบสุขก็พอเพียงน้อจ้า บ่ต้องห่วงกังวลกับอนาคต หรือคึดหาอดีตที่ผ่านมา อะไรจะเกิดก็หลีกเลี่ยงไม่ได้ อาศัยหลักธรรมะครองชีวิตจ้า

    เย็นวันเสาร์ที่ 18 พฤษภาคม เอื้อยเฮ็ดขนมหม้อแกงเผือกไปซอยงานวัดจ้า
    กับไปซอยงานเหรัญญิกคือเก่า หน้าตาแบบเพิ่งหายไข้จ่้า

    ฟิตซ้อมร่างกายและจิตใจหลังหายป่วย

    ฟิตซ้อมร่างกายและจิตใจหลังหายป่วย
    แก้ไขครั้งสุดท้ายโดย พวงพยอม; 21-05-2013 at 17:21. เหตุผล: เพิ่มรูป

  2. #2
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,206
    เบิ่งแงงโตกะของแนเด้อ บ้านเขามันบ่คือบ้านเฮาเด๋....

  3. #3
    Moderators
    วันที่สมัคร
    Feb 2013
    กระทู้
    1,094
    บล็อก
    2
    ขอบคุณเด้อจ้าอ้ายภูค่าว ปีนี้ฮู้สึกว่าเฒ่าลงจ้า กำลังวังชาถดถอย
    อาศัยกำลังใจเข่าไว้สู้ต่อไปน้อจ้า
    แก้ไขครั้งสุดท้ายโดย พวงพยอม; 22-05-2013 at 00:47. เหตุผล: แก้คำผิดจ้า

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    ครับพี่บ่เห็นพี่พวงพะยออมเข้ามาทักทายพี่นอ้งบ้านมหาหลายมื้อยุครับแม้นพี่บ่สบายน้อครับจังใด๋กะดูแลโตเองแหน่เด้อพี่เฮามีอายุแล้วหมั่นออกกำลังกายเช้าแลงเพื่อสุขภาพเฮาครับข้าวหนมหม้อแกงเป็นตะแซ่บน้อพี่เฮ็ดได้คักยุครับ อนุโมทนาสาธุบุญด้วยคนครับ

  5. #5
    Moderators
    วันที่สมัคร
    Feb 2013
    กระทู้
    1,094
    บล็อก
    2
    สวัสดีจ้าน้องณัฐ ภูไท

    ขอบคุณหลายๆเด้อจ้าที่แวะมายามถามข่าวเอื้อย
    เป็นขาลงที่สุขภาพเอื้อยย่ำแย่จ้า นอนซมหลายมื้อ ยิ่งนอนยิ่่่่งบ่เซา
    เลยต้องลุกขึ้นต่อสู้กับมัน ถ้าเฮาล้มแล้วบ่ลุกแฮงแย่ลง พอแข็งใจว่าบ่ยอมแพ้
    ก็ได้ผลเฮ็ดให่เซาไวขึ้น การที่มีนั่นมีนี่เฮ็ดให้ชีวิตมีค่าดีคือกันน้อจ้า พอกำลังใจมากำลังวังชาก็มานำจ้า

  6. #6
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    369
    สุขภาพบ่ค่อยร่างกายเนาะซ่วงนี้ อิอิ...น้องโม้ กะเปื่อยคือกัน เจ็บเข่า ไปออกกำลังเตะบอลมา ว่าแม่นจ่ะของเป็นบ่าวส่ำน้อยซั่นแหล๋ว แหล่นแข่งกับเด็กน้อยปรากฎว่าบักสะบ้าหัวเข่าพลิก หงายท้องทั้งยืน เข่าบวมว่าแม่นอึ่งพองลม อิอิ... มื่อแลงสิไปหาหมอเกิ่น หย่างบ่ได้มันเจ็บหลาย สงสัยสิต้องโดนจ้ำเข็มเป็นแน่นอนเลย...เฮ่อ...สังขารเนาะเอื้อยเนาะ

  7. #7
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    กะเบิ่งแงงเจ้าของดีๆเด้อยกเว้นครอบครัวญาติพี่น้องเฮาแล้วกะบ่มีไผใส่ใจเฮาดอกแต่
    พี่น้องกับญาติๆกะอยู่ไกลโพดอดสาเอาเน๊าะ.กะธรรมดาลืมมากะเฒ่าหน้าเฒ่าหลังแล้วฅน
    เฮาน่ะสิมีอ่ะหยัง.อยู่ดีมีแฮงฮักแพงกันไว้กะดี.คืออ้ายฅนภูค่าวเลาบอกไว้หั่นหละ

  8. #8
    Moderators
    วันที่สมัคร
    Feb 2013
    กระทู้
    1,094
    บล็อก
    2
    สวัสดีจ้า

    น้องcommo :) ขอให่น้องเซาไวๆเด้อจ้า ร่างกายคนเฮาคือกับรถยนต์น้อจ้า
    ใช้ไปโดนๆก็สึกหรอ มีอุบัติเหตุก็ต้องซ่อมนั่นซ่อมนี้ นี่แหละชีวิตจ้า

    คุณลุงใหญ่ :) ขอบคุณหลายๆเด้้อจ้าที่พวงพะยอมได้รับคำแนะนำดีๆจากลุงใหญ่เสมอ
    ยามเจ็บไข่ได้ป่วยสิคึดฮอดบ้านหลายจ้า แต่ต้องอดทนไปจนกว่าสิประสบความสำเร็จน้อจ้า

  9. #9
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829
    ดูแลสุขภาพเด้อครับเอื้อย...
    งานหนัก ภาระหลาย การพักผ่อน อาหารการกิน การออกกำลังกาย สภาพจิตใจ มีผลอย่างหลายกับสุขภาพครับ...
    ยังดีเนาะครับ มีครอบครัวที่อบอุ่น ดูแลกันและกันในต่างบ้านต่างเมืองแบบนี้ ถึงสิหนักสิเบา กะยังมีกำลังใจที่ดีเนาะเอื้อย...

  10. #10
    Moderators
    วันที่สมัคร
    Feb 2013
    กระทู้
    1,094
    บล็อก
    2
    สวัสดีจ้าน้องเซียงเหมี่ยง

    ขอบคุณหลายๆเด้อจ้าสำหรับกำลังใจให้คนไกลบ้านอย่างเอืิ้อย ตอนนี้คนที่เป็นแทนคือพ่อบ้านจ้า แต่เพินบ่ยอมลาป่วยเพราะงานก็หลาย วันเสาร์นัดให้น้องฝนพาพ่อไปหาหมอเพราะเอื้อยได้ตำแหน่งใหม่ลาวันเสาร์บ่ได้เล้ยจ้า วันอาทิตย์หมอบ่เปิดคลีนิค น้องพิมเรียนจบแล้วยังต้องทำงานต่อจนกว่าจะสิ้นเดือนกรกฏาจ้า
    น้องพิมเพิ่งสอบใบขับขี่ได้ พอดีหมู่ของอ้ายจะขายรถให่ อ้ายเลยสิซ่อมให้หลานเอาไปใช้จ้า
    คนที่แข็งแรงกว่าคือแม่อยู่ร้อยเอ็ด เพินปรุงยาสมุนไพรสูตรพ่อใหญ่กินเองเฮ็ดจากบอระเพ็ด
    ดีกว่ากินยาสมัยใหม่อีกเด้อจ้า เพินสวดมนต์สุมื้อ น้องพิมยังเอารูปที่ถ่ายกับยายไปลงในอินสตาแกรมว่า
    The strongest woman I 've ever known รูปนี้จ้า

    แก้ไขครั้งสุดท้ายโดย พวงพยอม; 23-05-2013 at 09:25.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •