อีกบ่ถึง 24 ชั่วโมงคือวันที่ 29 พฤษภาคม เวลา 23.00 น.เอื้อยพวงพะยอมสิได้บินด่วนเมือบ้านไปดูแลแม่ที่ป่วยจ้า เป็นโอกาสได้ตอบแทนพระคุณของท่านในยามเจ็บไข่ได้ป่วย
หว่างต้นปีก็พาน้องพิมเมือบ้านมาแล้ว ตอนนี้ต้องบินเดี่ยวเพราะพ่อต้องดูแลลูกสาวหล่าที่ใกล้จะสอบปลายภาคและจบเกรด 10 ในเดือนหน้า ต่างมีภาระหน้าที่ต้องซอยกันน้อจ้า
เอื้อยมีวันลาป่วยสะสมเก็บไว้ได้เกือบสี่เดือนที่มีสิทธิลาเวลาเจ้าของและสมาชิกในครอบครัวป่วย แต่หัวหน้าไปรษณีย์ผู้หญิงเพินว่า no no you can't เพราะเพินมีนัดสิเข้าผ่าตัดในวันที่ 14 มิถุนายน เอื้อยต้องกลับไปรักษาการณ์แทนเพิน
การทำงานก็เป็นหน้าที่คือกันน้อจ้า ทั้งหน้าที่แม่บ้านของสามี แม่ของลูกๆ และลูกของแม่ นี่แหละชีวิตจ้า บ่ได้โรยด้วยกลีบกุหลาบ แต่ความสุขสงบใจของเอื้อยก็สิสร้างได้ในทุกสถานการณ์
ทุกปัญหามีทางแก้เสมอน้อจ้า
เอื้อยเตรียมหนังสือไปอ่านนำจ้า พระอาจารย์ที่วัดได้แจกตำราธรรมศึกษามาให้อ่านล่วงหน้าก่อนเรียนในเดือนกันยายน พอได้ธรรมะมาคุ้มครองชีวิตให้มีสติในทุกก้าวย่างจ้า บ่กล้าเฮ็ดบาปหรือผิดศีลอีหยังเล้ยจ้า อยากไปอยู่กับแม่ ดูแลเช็ดตัว ป้อนข้าว ซักเสื้อผ้า เฮ็ดแนวกินให้เพิน ได้เมือบ้านยามใด๋ก็มีความสุขทุกเทือน้อจ้า ตามประสาคนไกลบ้าน แล้วเอื้อยสิส่งข่าวกับภาพมาฝากเด้อจ้า
Bookmarks