** ------------------------------ คือใจที่ฮักพี่เด้อ ---------------- **

**น้องแพรจ้า** · 01-07-2007, 07:09

คันแม่นบุญทานสร้าง สิเป็นทางพอได้เที่ยว ขอเกรียวฮักอ้าย มาพันไม้ได้จั่งเครือ
หากมื้อได๋หนาวเนื้อ สิหาสื้อพอได้ห่ม คันหนาวลมฮักอ้าย ไผสิย้ายมาห่มนาง
กอดแต่ความอ้างว้าง คือความห่างตางแขน ได้แต่คำว่าแฟน มาอยู่แทนโตอ้าย
มื้อได๋แสงแดดย้าย ทาบลงกายพอได้อุ่น หากได้หนุนแขนอ้าย คือสิคล้ายผ้าห่มนวม
ได้ฟังความฮักอ้าย คือลมก่ายแล้วจากจร ใจอาวรณ์ครวญหา กะบ่มาเป็นโตได้
ซังเด๊ความชิดไกล้ คนอยู่ไกลนั่นคือพี่ แนวอยู่ไกล้น้องนี่ คือใจที่ฮักพี่เด้อ

**sompoi** · 01-07-2007, 07:41

...ใจอาวรณ์ครวญหา กะบ่มาเป็นโตได่...นิแหมมมมมม..มักคัก.. 8) 8)แจ่มๆอิกแล่วน้องหล่า..

**น้องแพรจ้า** · 29-01-2008, 23:13

มื้อออ่นไหวหัวใจล้า ใจโหยหาแท้เด้อพี่
ได้เว้านำจักนาที คือสิดีใจฮ้าย หวังคำอ้ายเว้าส่งมา
อยู่ไกลคนละขอบฟ้า หวังเห็นหน้าเงียบมิดหมี่
ทางหัวใจบ่เคยหนี จักนาทีบ่ห่างเจ้า ใจยังเฝ้าแต่คิดถึง
เฝ้ารำพึงแต่นำหน้า ได้เหงามาพอเป็นหมู่
มื้อคิดฮอดดู๋ดู๋ น้ำตาพรูลงไส่แก้ม แถมสะอื้นเข้าไส่หมอน
ถึงยามนอนคิดพ้อเจ้า บ่เคยเซาลงจักเทื่อ
คือฮักเจ้าเอาเหลือ มาซ่างเฟือไส่ใจน้อง จนหมองเศร้าบ่ซ่างซา แท้เด๊

**sompoi** · 01-02-2008, 17:57

คึดฮอดหลายเด้อ้ายเป็นจังได๋สำบายบ่อ
กินแซบหลับดีอยู่บ้อฮู้บ่อน้อคึดเถิงเด้อ
หวังสิได่พบเจอผญาแต้มส่งแซมข่าว
ย่อนหลงคึดนำแต่เจ้าผญาเค้าควมเก่าหลัง
อย่าฟ้าวซังเด้ออ้ายอย่าเปิดหน่ายไล่หนี
ขอเพียงอ้ายคนดีมีไมตรีตอบบ้างใจอ้างว่างคือสิใส
มีบ่อน้อทางในอ้ายเคยคึดไว่บ่อน้อพี่
ฮู้บ่อคนทางนี่มักอิหลีหลงฮักเจ้า..อยากซวนเข่าฮ่วมพา..พุ่นแหลว..