สวัสดีจ้าพี่น้องบ้านมหาทุกท่าน
มื้อนี้พ่อบ้านของเอื้อยเพินว่าอยากตัดผมจ้า เอื้อยเคยไปเรียนตัดผมชายและหญิงที่วัดไทย
อาจารย์ผู้สอนเป็นสตรีไทยที่มีอาชีพช่างตัดผมในนิวยอร์ค
เอื้อยได้ลองตัดให้พ่อกับลูกมาหลายเทือแล้ว ค่อยสะสมประสบการณ์ไปเรื่อยๆน้อจ้า
พอได้ประหยัดเงินไปหลายเหรียญ และเป็นความสุขของแม่บ้านอีกอย่างหนึ่ง นอกจากเฮือนสามน้ำสี่ตามที่ผูเฒ่าได้สอนลูกหลานมาน้อจ้า
ตัดผมให้พ่อบ้านเป็นความสุขเล็กๆน้อยๆที่เฮาคอยเติมความหวานชื่นในชีวิตคู่ให้กันและกันจ้า
การปรนนิบัติเอาใจกันและกัน บ่เอาแต่ใจเจ้าของ พยายามเอาใจเขามาใส่ใจเฮา เมื่อ
ในบ้านทุกคนมีความรัก มีความสุข สบายใจ บ่มีไผอยากไปสร้างปัญหาครอบครัวดอกจ้า
อายุเป็นเพียงตัวเลข เทคนิคการครองใจคนรักทั้งกายและใจ และบวกกับศีลธรรม คุณธรรมด้วย ชีวิตคู่ก็สามารถครองคู่กันได้ยาวนานจนถือไม้เท้ายอดทองกระบองยอดเพชร เวลาอยู่ในบ้าน สามีภรรยาควรมอบคำพูดที่ไพเราะ อ่อนโยนต่อกัน ไผมักงานอดิเรกแบบใด๋เฮาก็บ่ไปจุ้นจ้านไปบังคับเขา เช่น พ่อบ้านเอื้อยมักเบิ่งรายการกีฬา โทรทัศน์มีเครื่องเดียว เอื้อยบ่ไปขัดใจ อยากเบิ่งก็ตามใจ เอื้อยก็มีแนวมักของเจ้าของต่างกัน เฮาก็อยู่ในห้องนั่งเล่นนำกัน หยอกกันไปแน้ หัวนำกันแน้ ถึงยามกินข้าว เอื้อยก็เฮ็ดแนวกิน เอิ้นพ่อลูกมากินนำกัน ลูกล้างถ้วยชาม พ่อเอาขยะไปถิ่ม
บ่ต้องรวยมากมายแต่พอมีพอกิน ทำมาหากินซอยกันเลี้ยงลูก บ่ไปมีบ้านเล็กบ้านน้อยก็พอเพียงตามอัตภาพน้อจ้า นับว่าเอื้อยโชคดีที่สามีฮักซำถึกรางวัลที่หนึ่งทางใจเด้อจ้า บ่แมนทางวัตถุดอกจ้า
พ่อบ้านจัดเตรียมสถานที่ตัดผมจ้า มีผ้าปูพลาสติคผืนเก่าที่บ่ได้ปูโต๊ะกินข้าวแล้ว เก้าอี้หนึ่่งโต
ชื่อร้านพวงพะยอมลมโชยเกศาจ้า
เตรียมปัตตาเลี่ยนเสียบปลั้กไฟ ระวังไฟดูดเด้อพ่อ
เอื้อยพวงพะยอมใช้แนวไถเบอร์ใหญ่ก่อนจ้า
พ่อบ้านมานั่งเด้อจ้า ผมพ่อบ้านก่อนตัดจ้า
ไถเทือละครึ่ง เอาด้านขวาก่อนน้อจ้า
ไถครบสองด้านซ้ายขวา เปลี่ยนแนวไถเป็นเบอร์น้อยลงเพื่อเก็บรายละเอียดเล็กๆน้อยๆจ้า
พ่อบ้านเข่าไปแย้งแวนในห้องน้ำ (ปานเพินจะไปเล่นหมอลำ พะนะ)
เพินว่าให่แก้ไขส่วนบนที่หัวล้านแล้ว อันนี้ช่างเกศสยองบ่สามารถซอยเหลือได้เด้อจ้าคุณพี่จ๋า
เสร็จแล้วเพินก็ไปอาบน้ำ ลงมานั่งเบิ่งเคเบิ้ลรายการกอล์ฟจ้า
เอื้อยก็มีมุมโต๊ะทำงานของเจ้าของ นั่งในห้องเดียวกันจ้า เข้ามาลงรููปลงเรื่องในบ้านมหาที่แสนฮัก
ทักทายคุยกันกับพี่น้องบ้านมหา บางเทือก็เข้าไปในยูทูปฮ้องเพลง อรวี ตั๊กแตนชลดา ตามประสาจ้า
บางเทือก็เย็บปักถักร้อย ซ่อมแซมเสื้อผ้าที่กระดุมหลุด ซิปแตก หัดเรียนตัดเย็บเสื้อผ้าจ้า
มื้อใดมีงานบุญอยู่วัดก็ไปซอยงานทุกงานจ้า
Bookmarks