ถามข่าวผู้สาวเก่า

[ทิดจ่อย]

หล่านางเอย.....
เห็นสายฝนรินหลั่งย้อย เป็นฝอยพรมขี้ฟ้าหม่น
ฟ้าเบื้องบนมืดครึ้ม ให้หนาวเนื้อหน่วงใน
จากกันไปแต่คราวนั้น ความสัมพันธ์ขาดหวิ่น
คือจั่งดินและฟ้า บ่อมีมื้อสิจอดกัน
เป็นจั่งใด๋นอทางฝ่ายนั้น ซำบายดีหรือว่าบ่อ
อยากสิไปพบพ้อ ย้านแฟนน้องเผิ่นสิเคือง
ย้านได้เปลืองน้ำตาย้อย ย้านเห็นฮอยน้ำตาหม่อ
อ้ายสิขอถามข่าวเจ้า ผ่านทางบ้านถิ่นมหา......ดอกเดอจร้า

หล่านางเอย......
แม่นสิเหิงเลิงล้า หลายพรรษาที่พ้นผ่าน
อดีตกาลที่ผ่านแล้ว ยังหวนพ้อคิดเถิง
จากไปเหิงบ่อเห็นหน้า มีบุตตาแล้วล่ะไป่
หรือบุตตรีใหญ่แล้ว หลายล้นอั่งเฮือน
มาเยี่ยมเยือนด้วยคำเว้า มาเยี่ยมยามด้วยความห่วง
เขาฮักหวงน้องหล่าเสมอต้นดั่งเดิม แหน่บ่อนอ
หรือว่าเขาตอแหลลิ้น บ่อจริงจังมีใจแบ่ง
เขาหน่ายแหนงด่าฮ้าย ตบตีเจ้าให้ทุกข์ใจ
หือเขาไสเสียถิ่ม ซิมสาวบ่อเห็นค่า
อ้ายกะคึดไปซั่นดอกหล่า ประสาคนฮ้างฮักบ่อสม
คันแม่นเขาบ่อหลอกต้ม ดูแลนางปานหน่วยไข่
น้องไปได้ดีอ้ายกะดีใจแล้ว ถามข่าวเจ้าย้อนห่วงนาง.....ดอกนา

[นู๋น้อย]

...อ้ายเอ้ย ถึงเวลาสิผ่านพ้น ใจของคนกะคือเก่า
ห่างจากเจ้าบ่พบพ้อ ใจงอโค้ง..ซ้ำอ่วยคือ
ใจมันฝืนบ่ได้อ้าย ถึงว่ากายไปเป็นอื่น
ใจยังฝืนคึดฮอดอ้าย หลายมื้อบ่ส่วงเซา

คำอ้ายเว้า มื้อกินข้าวป่านาดอกจาน
ใจยังหันหวนคิด จิตอาลัยบ่วายเว้น
อ้ายเอ้ย..ทุกข์ลำเข็ญอยากเห็นหน้า ฟังวาจาเอิ้นถามข่าว
ถึงผู้บ่าว((เก่า)...คืออ้าย เป็นใด๋น้อ อยากต่าวถาม


เพลงประกอบโดยแม่นก..น้อย ให้แจมนำแหน่ หุหุ

ลิขสิทธิ์บน YouTube Credit By : https://www.youtube.com/watch?v=VX9U8bGgfxI

[หญ้านาง]

อ้ายเอ๊ย
เจ้าผุเพียงสะโนน้ำ
ก้ำแก่งคลองเหมือง
ใจนางเคืองคองหา
บ่าวพี่ชายบ่วายเว้น
นางนี้จำเป็นแหล่ว
แนวนามบ่สมพี่
บ่าวผู้ดีซู้ผู้ฮู้
ผะลานางบ่ส่งยู้
กะเลยได้แต่ห่างตา

[ทิดจ่อย]

นางเอย...

บุญ อ้ายนี้ไปหลงคาค่องหนองโสนวังน้ำใหญ่
วาสนา ผัดไปคาเฮอะไม้ เขาวางล่อเฮ็ดเญาะปลา
ผลา ชายกะหล่อยล้า ขอนคาขวางน้ำแก่ง
ซาตา แซงแข่งบ่อได้ เลยหลงไห้ฮ่ำคนิง

[ไก่น้อย]

อ้ายจ่อยเอ้ย
ย้อนว่าบุญผลาสร้าง บ่ถมทางให้น้องท่อง
บุญบ่สมมาดป้อง มาดึงน้องห่างพี่ซาย ..สั่นแหลว
สมหัวใจอินางหล่า อยากหยับมาให้ถามข่าว
ว่าผุสาวคนเคยใกล้ บาดไลล้าง อยุ่จางได่
แนวว่ามีลูกน้อย แขวนเอว มาฮ้องแอว
เว่ากันดนบ่ได้แหลว บักหัมน้อย แอ่วกินนม พะนะ อ้ายเอ้ย
( ปล .....จั่งเว่ากันใหม่เด้อ เอาลูกกินนมก่อน อิอิ )

[ทิดจ่อย]

ไก่น้อยเอย...

บุญผลาสร้างถมทางให้น้องท่อง
แปลงทางให้ท่องแล้วทางน้องบ่อท่องเทียว
เทียวกะเทียวบ่อสุดเส้น นางเห็นเป็นป่าฮก
ฮกกะฮกขอบพุ้น กลางทางนั้นผัดเปล่าแปน....ตั่วล่ะนาง

[pcalibration]

ไฟบ่ทันเหมิ๋ดเชื้อกะคือเกลือสิเค็มต่อ
หูกหากทอบ่แล้วฟืมสิเอิ้นบอกกะสวย
ผักพีพวยหากชูช่อบักถั่วดอกะอยากขึ่นค้างเถิ่ม
ซู้เก่าเดิมผู่เค้าทางเจ้าสิหว่าจั่งได๋น้อน๊างเอ้ย...เอ่อ เฮอะ เฮ้ย..
:,1-:,1-

[ทิดจ่อย]

อ้ายพีเอย....

เผิ่นนั้นว่า โดนนนน กะสิสิสิสิถ่าน้องงงงงง อิ อิ

วาสนากล้าบั้งบ่อได้หยั่งนาคำ
วาสนาหมอลำได้เมียครูมานอนซ้อน
ครูไปสอนหมอลำนอนอยู่บ้าน
กลางคืนครูอยู่บ้านหมอลำไปฮ้องแอ่ว
จักว่ายามใด๋แหล่วสิได้พบพ้อ...ลูกน้อยใ่ส่อู่ไกว

[พล พระยาแล]

เห็นอ้ายดำขี่หลี่อย่าฟ้าวขี่เฮือกลาย สายตาเฮาพ้อกันอยู่เทิงฟ้า

มากินเข่าเซามีแฮงสาก่อน บักสบหล่อนอยู่บ้านกะขายได้ดั่งกันเด้อนาง

(ออย...จักพาไปแนวใด๋บุ กลอนกะดาย...555)

[toyota1001]

ให้ตัดใจชะเถาะอ้าย แนวชินลายเฮาบ่อแม่น เพิ่นเป็นหงส์อยู่ช่ำฟ้า วาสนาเฮามีบ่ม้มบ่สมเจ้าเพิ่นดอกนา .....