<<< ฮั ก แ ท้ คื อ แ ม่ น า ง >>>

[ตะวันนา]

ได้ยินข่าวว่าฝนแล้ง ทางขอนแก่นแดนอีสาน
ฟ้าประทานความหมอง น้ำตานองอาบสองแก้ม
แนมเหลียวเบิ่งเทิงฟ้า หมู่เมฆาบ่ไหลอ่วย
ด้วยความทุกข์ยากฮ้าย อาลัยแท้โชคชะตา
ฟ้าเอ๊ยฟ้า....จั่งบ่ตกลงมา ล้างน้ำตาชาวนาแหน่
มาแล้งฮ้ายหลายแท้..แท้ ชาวนาแย่ฟ้าบ่เห็น
เป็นจั่งได๋ละฟ้า... สะใจเจ้าแล้วไป่
เฮ็ดชาวนาอาลัย.........ฮ้องไห้นำต้นกล้า........ สิตายแล้วฟ้าบ่สน


................ซ่างเป็นน๊อ...ฟ้าน๊อ..................

[เซียงข่อล่อ]

เอื้อยเอย................

แนวเซียงข่อล่อนี้บวชแต่น้อย สัตย์ซื่อถือศีล
บ่แม่นคนสะเลลอน ห่อนสิเป็นปานนั้น
คำที่สัญญาหมั้น สัญญากันบ่ให้หล่า
ตายเป็นผีมื้อฮ้อยครั้ง อย่าหวังถ่อน่าสิไล
คันสองเฮาตายแล้ว ลงขุมเดียวฝังฮ่วม พุ้นแหล่ว
คันแม่นยังเป้นคนก็ได้อยู่ส้วม นำเอื้อยกล่อมสอง เนอะ

ว่านำสาวสำน้อยขึ้ค้ายออย ว่านำนักเรียนขี้ฟอยขี้ค้านตื้อ
ว่าน้ำสาวเอื้อยลางมื้อ สิซงคือกัวบ่น้อ .....

[ตะวันนา]

. . . พ ร ะ คุ ณ แม่ ล้ น ฟ้ า ย า ก แ ท้ ไ ผ สิ เ ป รี ย บ

เ ที ย บ บ่ ไ ด้ แ ม้ ห น่อ ย คุ ณ นั้ น เ พิ่ น ห ล า ย . . . แ ท้เ ด๊ แ ม่ น า ง เ อ้ ย . . . .

[โป้ยก่าย]

อันว่าคนเฮานี้มีเทิงดีมีเทิงซั่วรับรองโตบ่ได้ไผแท้กะดังกัน
บางวันใจดีแท้ บางวันกะใจต่าง บางวันคิดอยากก่อสร้างกุศลไว้ใส่โต
บางวันโมโหฮ้ายปานไฟเผาจับจูด เฮ็ดหน้าบูดหน้าบึ้งเป็นฮ้ายหน่ายระอา
อดทนเอาเด้อน้องหล้าคันหากแม่นบุญนำพากะสิได้ยู้ส่ง
อานิสงส์ที่เฮ็ดไว้คือความกตัญญูกตะเวทีที่เฮ็ดนั่นไปหน้าฮุ้งเฮองน้องหล้าเอ้ย

[ตะวันนา]

...ยามลูกเจ็บป่วยไข้ แม่โอบคอยถนอม
เฝ้าโอบอ้อมคองฮัก ลูกเซาหายเจ็บได้
ยากลูกท้อแท้ใจ แม่บ่เคยซ้ำเติม
แอ่งแต่เพิ่มฮักลูก คอยยู้ส่งใจ...ฮักแท้น๊อ...แม่นางเอ้ย....

[โป้ยก่าย]

บ่มีแนวสิเทียมได้บุญคณแม่มีหลาย
เอาเม็ดหินเม็ดทรายก่ายกองเทียมฟ้า
เอาธารานะทีกว้างทะเลหลวงรอบโลก
เอาแผ่นดินแผ่นฟ้ามาโอมท้อนกะบ่ปาน

คิดฮอดเด้คิดฮอดแม่อยู่บ้านปานนี้อยู่สันใด๋
ใจกระสันหวนคิดฮ้ำคนิงมารดาเจ้า
แต่กะพอทุเลาได้โทรศัพท์ติดต่อ
พอได้ฮู้เหตุเรื่องเสียงสะท้อนต่อสาย

บอกน้องนุ่งอยู่บ้านดูแลแม่เฮาให้ดี
อย่าสะมีความเลวให้อั้งใจมารดาเจ้า
คันแม่นยามกินเข้าให้เอาใจตั้งต่อ
ขอแต่เพียงท้อนีมารดาเจ้ากะซุ่มใจ เด้อน้องเด้อ.....อ้ายกะคิดฮอดแม่เป็นห่วงแม่

[ตะวันนา]

...ก้มลงกราบแทบเท้า เฒ่าพ่อ-แม่ทั้งสอง
เพิ่นประคองแก้มใส ส่งยิ้มให้พลังสู้
เป็นจั่งได๋ลูกหล่า เฮ็ดงานเมื่อยบ่
พ่อ-แม่อยู่ทางบ้าน ได้แต่ยู้ส่งใจ

เป็นแรงใจให้ลูกก้าว เป็นแรงเงาคอยยู้ส่ง
พ้อหนทางเปลี่ยวโค้ง นำทางให้อยู่บ่เซา
ลูกขอเอาใจตั้งมั่น คิดทำแต่ความดี
เพื่อศักดิ์ศรีพ่อแม่นาง สิ่งศักดิ์สิทธิ์คอยปกป้อง....

อ.โป้ย.........สุดยอด.......... 8) 8) 8)

[เซียงข่อล่อ]

ความฮักพ่อท่อแผ่นฟ้า คุณมารดาดังสิเนรุ

สำนี้หล่ะ สั้นๆ

[ตะวันนา]

.............ฮักอีแม่หลายๆ.....................สั้นๆ นำกัน ซั่นน่ะ.........

[ตะวันนา]

....สองมือเนาว์ยอตั้ง ก้มหลังอภิวาท
กราบแทบบาทแม่เจ้า มาลัยเย้ายอถวาย
จิตต่อตั้งทั้งใจกาย ขอวอนไหว้เทพสถิต
ให้นิมิตแต่ความสุข ทุกข์อย่ากรายมาใกล้เจ้า
บุญคุณเค้าคักแท้ พระคุณแม่หาได๋เทียบ
เปรียบจั่งฟ้า-นทีกว้าง ธรณีนี้ กะบ่ปาน.......ซั่นเด๊......แม่นางเอ้ย..........