กำลังแสดงผล 1 ถึง 4 จากทั้งหมด 4

หัวข้อ: คิดฮอดคราวเฮียนหนังสือ

  1. #1
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201

    ความเยือกเย็น คิดฮอดคราวเฮียนหนังสือ

    พี่น้องเอ๊ย
    คิดฮอดตอนเรียนอยู่บ้าน เคยหนีครูแม่นเข้าป่า
    ตามประสาวัยรุ่น หนุ่มน้อยบ่คิดหยัง พุ่นเด้
    พากันนั่งหลบลี้ หนีครูเพิ่นมาไล่
    แล่นเตะจี๋เห็ดไค เหยียบฮอดไข่เห็ดระโงก อยู่ในโคกในดอน
    หยังออนซอนบ่สุดสิ้น พากันปีนเครือผีผ่วน
    หน่วยแดงๆเฮ็ดล่วนค่วน ชวนให้ได้คิดนำ
    หน่วยดำๆหมากฮวดข่า สอยลงมากินกับหมู่
    มองแลดูปากเจ้า คือแหล่แท้เสี่ยวเอ๊ย
    ตาเว็นเลยลาลับแล้ว พากันแจวพากันย่าง
    ลัดผุสาวอยู่กลางทาง แล้วกะจีบจาเว้า นำเจ้าคนผุงาม
    ผุสาวถามเทิ่งมิดเมี่ยน เจ้าหนีเรียนอีกแม่นบ่
    เดี๋ยวครูให้ติด ร. ติด มส.บ่ได้แก้ บ่จบซ้ำทันหมู่เขา
    พอได้ฟังนางเว้า ย่านผุสาวเขาตีจาก
    หากเขาจบก่อนแล้ว นางแก้วคงสิลืม
    อ้ายยืนขรึ๋มขาบ่ก้าว ย่านผุสาวเขามีใหม่
    บาดนี้ต้องตั้งใจ สิบ่ไปเข้าป่าแล้ว นางแก้วอ้ายสัญญา แง๊บ แง๊บ
    คิดฮอดคราวเฮียนหนังสือคิดฮอดคราวเฮียนหนังสือคิดฮอดคราวเฮียนหนังสือ:,1-:,1-:,1-


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    หล้าเขียนไปดีแล้ว ถ้าปรับเรื่องขนาด วรรคและสีตัวหนังสืออิกนิดเด้อจ้า
    มันสิส่อยเฮ็ดให้น่าอ่านขึ้นอีกจ้า
    จั่งได๋เอื้อยกะติดตามอ่านเสมอๆล่ะจ้า ให้กำลังใจน้องเด้อ :b-b

  3. #3
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    เอื้อย ส่มป่อย ผมเปลี่ยน ขนาด กับ สี ตัวหนังสือ บ่เป็นครับ บ่องตง
    จังใด๋กะขอ ขอบพระคุณหลายๆเด้อครับ

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    เข้าไปตรง "ใช้งานขั้นสูง" เด้อจ้า แล้วลองกดหม่องนั่น หม่องนี้ ลองเบิ่ง เป็นแน่นอนจ้า คั่นบ่ค้าน ฮ่าๆๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •