หน้าที่ 3 จากทั้งหมด 5 หน้า หน้าแรกหน้าแรก 12345 หน้าสุดท้ายหน้าสุดท้าย
กำลังแสดงผล 21 ถึง 30 จากทั้งหมด 41

หัวข้อ: ความประทับใจกับอาชีพพ่อค้า

  1. #21
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย

    อ้ายเต็ม>>>"นู๋น้อยเอ้ยอ้ายอยากถ่ายรูปมาหลายๆอยู่ แต่ว่ากล้องน้อยๆอายสิโชว์ฮูบ ฮ่าๆ ให้เบิ่งส่ำนี่ละเนาะ
    ขี่ไก่เดียนบ่มีดอกครับนาท่งนี้มีตะหมากหอยเชอรรี่กับหอยจูบ
    ส่วนเมนูอาหารว่าสิเหมา มาชิมโลดเด้อ ย้านตะกินจนเบื่อพู้นละครับ ฮ่าๆๆ"


    ตอบอ้ายเต็ม กล้องน้อยๆ แต่ฝีมือการถ่ายทอดบรรยากาศต่างๆผ่านภาพที่เห็น ยังคงชีวิตคือเก่า ละจ้าอ้าย ภาพมันสดใส ได้บรรยากาศ จริงอิหลี ...

    บ่มีขี่ไก่เดี้ยน ...?? ฮอยอิหยาง นั้น


    :,1- เรื่องกินบ่ต้องห่วง จ้า จักมื่้อรับทอสับแหน่ด้า 5555 กินละกะ จะล้างถ้วยจ้างดอก

  2. #22
    ศึกษาหาความรู้ สัญลักษณ์ของ " แคน ชัยภูมิ "
    วันที่สมัคร
    Apr 2012
    กระทู้
    220
    เอ๋าหายหน้าหายตาไปโดนเติบ...กลับมารอบนี้ เซาเป็นคู่รักตะลอนทัวร์แล้วบ่ พ่อใหญ่จ่อย จั่งดั่ยเอาใจซอยคือเก่าละครับ ...สนใจเมนูกะปูกับหมกปลาในถ้วยแมะ เป็นตาปั้นคำข้าวฮ้อนจ้ำจักบาดเด้เนาะ :*- ขอบคุณสำหรับภาพบรรยากาศครับ ปล. นางแบบไปทางดั่ยละครับใหญ่จ่อยคือบ่เห็นเข้ากล้อง

  3. #23
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    ขอให้เจริญรุ่งเรืองต่อไปครับ ขายดีๆเด้อครับ เป็นกำลังใจนำ ภาพแนวกินเป็นตาแซบทุกอย่างเลย มีโอกาสยามได๋ซิแวะไปยามเด้อครับ ภาพบรรยากาศบ้านๆเฮายามนี้เห็นแล้วคิดออดบ้านแฮง

  4. #24
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    369
    บ่มีควมยากจนในหมู่คนขยัน ยกเว้นขยันนอน อิอิอิ... ชื่นชมในวิถีชีวิตเป็นตาออนซอนเนาะคับ อาชีพค้าขาย เมื่อยแต่กะมีความสุข มีอิสระ เป็นนายของโตเอง เก็บเล็กกำน้อยจักมื่อนึงกะคงสิฮอดฝั่งฝัน สู้ต่อไปเป็นแฮงใจให้เด้อคับ ขายของกินรับรองว่าบ่ อดตายแน่นอน 5555...

  5. #25
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1

    หาฮอยตีเป็นโตเลขงวดต่อไป...เดอจ้า55555

  6. #26
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    คึดไว้คือกันล่ะครับ สำหรับแนวทางในการดำเนินชีวิตภายถาคหน้า ตอนนี้กะกำลังก่อร่างสร้างตัวอยู่
    ยามกลับไปอยู่บ้านเฮากะว่าสิค้าขายหนิล่ะครับ ประกอบกับปลูกผักปลูกหญ้าไปนำ
    เลี้ยงทุกอย่างที่กินได้ .... อีกบ่โดนครับ
    ขอบคุณหลายๆเด้อ สำหรับภาพบรรยากาศท่งนา เห็นแล้งสบายตาดีคัก

  7. #27
    แบ่งปันความรู้และประสบการณ์ สัญลักษณ์ของ หลอดปอดป่อง
    วันที่สมัคร
    Jun 2012
    ที่อยู่
    สุดเขตชายแดน
    กระทู้
    189
    แนวกินกะเป็นตาแซบ นาเป็นตาดำม่วนน้อครับ

  8. #28
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5
    ขอบคุณสำหรับกำลังใจจากพี่น้องบ้านมหาของเฮาซุคนเด้อจ้า
    ยินดีต้อนรับพี่ไผ่หวานและพี่น้องทุกคนที่อยากมาเยี่ยมมายามทุกท่านนำ
    แล้วกะขอส่งกำลังใจกลับคืนไปสู่พี่น้องบ้านเฮาเช่นกันจ้า

    ขามป้อมกับอ้ายเต็มกะถือว่ากำลังอยู่ในช่วงเริ่มต้นหลังจากที่ลองผิดลองถูกกันมาโดนเติบกับการประกอบอาชีพที่มั่นคงให้กับเจ้าของ
    ล้มลุกคลุกคลานกันกะหลายเทื่อหลายที แต่กะย้อนกำลังใจและควมซ่อยเหลือจากเพื่อนพ้องน้องพี่หลายๆท่านจั่งเฮ็ดให้มีมื้อนี้ได้
    น้ำใจอันดีงามของพี่น้องซู่คนเฮาสองคนสิบ่มีมื้อลืมจ้า

    จุดเริ่มต้นของการเปิดร้านอยู่กับเฮือนเจ้าของนั้นกะมาจากการที่พากันเดินสายไปหาขายเสื้อผ้าหลายๆพื้นที่นั้นล่ะจ้า
    รู้สึกว่าร้านตำบักหุ่งที่รสชาติดั้งเดิมสิหากินยากคัก ส่่วนมากจิออกหวานๆ(ทั้งๆที่สั่งแล้วว่าบ่ต้องใส่น้ำตาล)
    ก๋วยเตี๋ยวที่นัวๆน้ำต้มกระดูกแบบที่แทบสิบ่ต้องปรุงเลยสำหรับคนบ่ค่อยกินรสจัดจ้านกะแทบสิบ่มี
    คันบ่ปรุงกะบ่แซบ ห่าลังเทื่อปรุงไปปรุงมากินบ่ได้กะมี ฮ่าๆ

    ผัดกะเพรา ข้าวผัดหรืออาหารตามสั่งแบบเร่งด่วนส่วนมากกะสิพ้อแต่ข้าวบานๆแฉะ บ่ซั้นกะข้าวบ่สุกไปเลย
    ผัดกะเพรากะน้ำโหลงเหลง ได้จ่มกับอ้ายเต็มกะหลายเทื่อ ลังเทื่อกะว่าเฮ็ดเฮือนแล้วนี่ล่ะ สิเปิดร้านเองโลด
    แต่กะคึดไปคึดมา ร้านตำบักหุ่ง ก๋วยเตี๋ยว ลาบก้อย ที่เป็นเพิงหมาแหงนข้างทางเด้ล่ะที่ขายดิบขายดีนั่นน่ะ
    ประกอบกับการขายเสื้อผ้ามันกะอยากสิฝืดๆ ลงทุนแต่ละเทื่อเป็นหลักหมื่นขึ้น เฮาขายบ่ออกทุนกะจมอยู่กับเสื้อผ้านั้นล่ะ

    แต่ขายกับข้าวนี้ต้นทุนบ่หลายถ้าเทียบกันแล้ว กะพอดีกับเป็นช่วงพักเดินสายกับธงฟ้าประมาณเดือนครึ่งก่อนปีใหม่
    เลยปรึกษากับเฒ่าแม่ว่าสิลองเปิดฮ้านขายตำบักหุ่งน้อยๆก่อน ทอดกล้วยทอดมันไปนำ ซำพางได้แล่นงานขายผ้า
    ถ้ามันเป็นท่ากะสิเซาเดินสาย

    กับการเริ่มต้นเทื่อแรก กะเป็นธรรมดาที่เสียงวิพากษ์วิจารณ์สิหลาย หวังดีกะมี ประสงค์ร้ายกะหลาย
    ลังคนกะว่า "คึดจั่งได๋สิเป็นแม่ค้าตำบักหุ่ง บ่สมไปร่ำไปเรียนมา"
    "มันสิขายได้อยู่บ่ เห็นขายหลายคนแล้วเด้ล่ะตำบักหุ่ง แต่กะเซาไปหลาย จักเป็นย้อนอิหยัง"
    หรือ "คือบ่ค่อยเห็นมันเว้านำคน มันสิแม่ค้าจั่งได๋ ไผสิไปซื้อนำมัน" อันนี้กะแว่วๆมา (หึยข่อยเป็นฮอดดีเจบ้านมหาพุ้นเด้อหมู่เจ้าบ่ฮู้ซื่อๆ อิอิ)
    "สิไปซื้อนำมันลองเบิ่งอยู่คันแซบกะจั่งสิซื้ออีก บ่แซบกะแล้วโลดเด้อ" ฯลฯ

    แต่เฒ่าแม่อยู่เฮือนเชียร์อย่างเดียว "ขายโลด บ่ลองกะบ่รู้ดอก ว่าแต่อย่าคร้าน อย่าหยุดดู๋ ขายให้สม่ำเสมอ"
    ผู้ย่าเฒ่าอยู่ในเมืองอุดรฯ เลาเคยขายก๋วยเตี๋ยว ตำบักหุ่ง ซาลาเปาส่งลูกเรียนจนเป็นเจ้าเป็นนาย
    เลากะฝากกำลังใจทางไกลมาว่า "บอกมันสู้อย่าถอย เอากำไรน้อยๆแต่ขายได้นานๆ"

    เจ็ดเดือนผ่านไปเร็วปานตั๋วกัน ตอนนี้ขามป้อมเป็นแม่ค้าตำบักหุ่งแบบเต็มโตแล้ว เสียงวิพากษ์วิจารณ์กะเริ่มหายไป
    เหลือแต่เสียงแตกแซวๆยามมื้อเช้า เสียงเด็กน้อยไห้อยากกินข้าวต้ม เสียงสั่งตำบักหุ่งยามบ่ายๆ เสียงจ่มยามแม่ค้าปิดร้าน
    แต่แม่ค้ากะยังบ่ทันได้รวยดอกจ้า พอได้กินได้ใช้(หนี้) แต่กะซำบายใจที่ได้อยู่เฮือนเจ้าของ ได้กินปูกินปลา กินเห็ด กินหน่อไม้ตามฤดูกาล
    ผักนางอางหญ้ากะเก็บนำฮั้วนำฮาวเจ้าของนั้นล่ะ เอิ้นได้ว่ามีความสุขตามอัตภาพ


    แต่ปานนั้นกะยังมีผู้หวังดีแนะนำว่า "คือบ่ไปหาทำเลดีๆในเมืองเปิดร้าน มันจั่งสิรวยเร็ว?" ,"คือขายถึกแถะได้กำไรอยู่ติ ยามได๋สิรวย?"?
    หลายคนกะหลายควมคิดพี่น้องเอ๊ย ขามป้อมกะได้แต่บอกว่า "ข่อยมีความสุขและพอใจซ่ำนี้ล่ะ ว่าแล้วกะเอามากู้เฮ็ดทุนแหน่น๊าจักสี่ซ้าห้าหมื่น"
    ท่อนั้นล่ะกะบ่ค่อยเห็นมีผู้ได๋หวังดีอีกเลย ฮ่าๆ


    ตอบอ้ายแคนชัยภูมิก่อนบาดทินี้ อ้ายเอ๊ยคันคึดฮอดนางแบบกะอดเอาซะก่อน ช่วงนี้นางแบบเข้ากล้องบ่หลมย้อนว่าซิมดู๋โพด
    ว่าแล้วกะเอาหมี่น้ำตกมาสู่ซิม










    เซิญนั่งซะก่อน แต่ว่าก่อนสินั่งกะพินาเก้าอี้ก่อนเด้อผู้ได๋อวบๆกะดาย กำลังสั่งเก้าอี้รุ่นพิเศษอยู่ซ่างเฮ็ดบ่ทันแล้ว ฮ่าๆๆ

  9. #29
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    909
    อยากกินเบิดสุอย่างมีแต่แนวเป็นตาแซบ สุดยอดเลยจ้าแม่ค้า

  10. #30
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    ฮ่าๆๆ น้องป้อม คนแถวบ้านน้องป้อมก็คล้ายคนตำบลบ้านพี่นี่หล่ะ
    ชอบวิจารณ์ ชอบดูถูก ถ้าบ่มีตังค์บ่ทัก บ่เว้า นำเด๊ะ สู้ๆน้อง
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

หน้าที่ 3 จากทั้งหมด 5 หน้า หน้าแรกหน้าแรก 12345 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •