ข่าวดีจากน้องพิมจ้า
สวัสดีจ้าธุจ้าพี่น้องบ้านมหาทุกท่าน
เมื่อวานนี้เอื้อยได้รับข่าวดีจากน้องพิมจ้าว่าได้รับการตอบรับเข้าเรียนแพทย์จากสถาบันในนิวยอร์คที่มีชื่อที่น้องพิมรอคอย หลังจากสอบได้ของรัฐฟลอริด้า 2 แห่ง และ Kansas City 1 แห่ง ในที่สุดความฝันของน้องพิมก็เป็นจริงจ้า
ได้อยู่ใกล้พ่อแม่และน้องฝน เพราะออกจากบ้านไปเรียนไกลมานาน 6 ปีแล้วจ้า
ตอนนี้ต้องซอยลูกหาเช่าอพาร์ทเมนท์ใกล้ที่เรียนของทั้งน้องพิมกับน้องฝน เพราะต้นเดือนสิงหาสิเปิดเทอมแล้วจ้า พ่อแม่ดีใจหลายพากันนอนบ่หลับ วางแผนว่าสิเฮ็ดอาหารใส่กล่องไปส่งลูกๆ เพราะอยู่บ่ไกลกัน ขับรถประมาณชั่วโมงครึ่งถ่ารถบ่ติดบนทางด่วน บ่เกินสองชั่วโมงถ่ารถติด อยู่บนเกาะ Long Island คือกันแต่คนละเมืองจ้า น้องพิมอยู่exit 36 ส่วนพ่อแม่อยู่exit 73 บนถนน Long Island Expressway
เอื้อยว่าสิไปค้างนำลูกคืนวันจันทร์ เพราะวันอังคารเป็นวันหยุดสิได้เฮ็ดแนวกินไว้ถ่าลูก
แต่พ่อว่าไปวันเสาร์หลังแม่เลิกงานบ่ายสอง
เฮ็ดแนวกินใส่กล่องให้ครบ 5 มื้อใส่ซ่องแข็งไว้ให่ลูกอุ่นใส่ไมโครเวฟ เฮ็ดจากบ้านเฮาไปเลย
เมนูตามสั่ง เช่น ผัดกระเพา แกงเขียวหวาน
แกงพะแนง ผัดเปรี้ยวหวาน ข้าวมันไก่ ข้าวหมูแดง ผัดซีอิ้ว ให่ลูกหุงข้าวกับทอดไข่เจียว ไข่ดาว กันเองแบบง่ายๆ วันหยุดไปฮับลูกกลับบ้าน น้องพิมมักเฮ็ดอาหารคือแม่จ้าถ่ามีเวลาว่าง น้องฝนมักเฮ็ดขนม ซอยแม่เฮ็ดขนมมาแต่น้อย แต่ลูกทั้งสองเรียนหนัก เวลานอนยังบ่ค่อยพอ พ่อแม่เฮ็ดไปให่ เป็นกำลังใจและสร้างความอบอุ่นแบบไทยที่ครอบครัวดูแลกันน้อจ้า
มื้อใด๋ว่างพ่อแม่สิพาไปปฏิบัติธรรม นั่งสมาธิ ศึกษาธรรมะ เพื่อให่จิตใจสงบมีสมาธิในทุกย่างก้าว ไม่ร้อนรนจนลืมนั่นลืมนี้ ไม่ข้องเกี่ยวอบายมุข หรือคบเพื่อนที่ชักชวนไปในทางเสื่อม รักษาศีลห้าให้ได้ในฐานะเป็นฆราวาส เป็นพุทธศาสนิกชนที่ดีตลอดไปน้อจ้า
อาภรณ์ที่งาม ขาวสะอาด กับ การฝึกสมาธิ เดินจงกรม กำหนดจิตให้รู้ว่ากำลังทำอะไรอยู่
ขวาย่างหนอ ซ้ายย่างหนอ อยากเดินหนอ เดินหนอ อยากนั่งหนอ นั่งหนอ
การทำบุญถวายสังฆทาน ตักบาตร กรวดน้ำ
ไปร่วมงานบุญตามประเพณีทางศาสนา ความกตัญญูต่อบุพการีและผู้มีพระคุณ
สิ่งเหล่านี้จะหล่อหลอมให้ลูกๆเป็นคนดี มีคุณธรรม มิไช่เก่งแต่วิชาการอย่างเดียวน้อจ้า
ร้านซักผ้าที่น้องพิมเคยไปทำงานช่วยพ่อแม่ตอนเรียนชั้นมัธยม น้องฝนยังเด็กอยู่ นั่งเล่นหน้าร้านจ้า(อย่าหมิ่่นเงินน้อย อย่าคอยวาสนา)
Bookmarks