..................... เข้าพรรษามาฮอดแล้ว ..................................

[บ่าวโจ่โล่]

เข้าพรรษามาฮอดแล้ว ไปตามแนวพุทธศาสน์ ตามโอวาสของพระพุทธเจ้า ที่เคยเว้าได้สั่งสอน
สงฆ์อย่าจรจากหม่อง ครองศาลาอาศรมวัด ปฎิบัติสวดพระปาติโมกข์ พินทุผ้าว่าทบทวน
เป็นกระบวนศีลน้อ สองร้อยห้าสิบหกข้อ เสขิยะวัตเจ็ดสิบสาม เป็นไปตามฤดูกาล จนผ่านฝนสามเดือนได้
อุปาสกกะให้ ถวายเปลี่ยนเทียนพรรษา ประวรณารักษาศีล เข้าฟังธรรมนำใจชื้น
มีจุดยืนตั้งใจหมั่น ให้ซ่อยกันรักษาแน่ รักษาใจให้เที่ยงแท้ อย่าแวข้องไส่อบาย
จนกว่ากายสามเดือนแล้ว ท่านพระสงฆ์ธุดงต่อ เหมิดหน้านาแล้วละน้อ
พอหน้าฝนจนผ่านสิ้น กฐินแล้วกะจั่งจร...........ท่านเอย

[ไก่น้อย]

พี่น้องเอ้ย มาทบทวนประเพณีแต่ก่อนเค้า พ่อแม่เฮาเพิ่นสอนสั่ง
ว่าสิเข้าสามเดือนยั่ง พรรษาแล้วให้ล่ำจอง
เพิ่นให้ครองศีลห้า รักษาสัตย์ขจัดป่วง
อีกทั้งปวงเหล้ายา ให้ละเว้นหว่างพรรษา
มาเด้อทั่ง .อ้าย เอื้อย น้องหล่า เอามาพากันลองเบิ่ง
ว่าสิเทิ่งฝั่งฟ้า หรือได้เข้าบ่อนสวรรค์ นั่นแหล่ว... 8)

[บ่าวพรรณานิคม]

สำหรับคะน่อยงดเหล้าเข่าพรรษาคือซุปีนั่นหล่ะครับ

[ติ๋ม เปอร์โย]

ไผว่าสิอดเหล้ากะเตรียมโตสาเด้อ 3เดือน แต่มีแต่ ความคิดเห็นส่วนโต 3เดื่อนนี้กินโลด ออกพรรษาแล้วจังหยุด9เดือนพุ้น โดนกว่ากันเยอะ อิอิ

[บ่าวพรรณานิคม]

กะย่อนมันดนนี่หลา จังได้หยุดกินแค่ 3 เดือน ได้บุญคือกันแมนบ่คร้าบ

[numwan]

อุปชาลาแฟนที่แสนรัก
เลยลุล่วงผ่านไปหลายพรรษา
หากวันใดนวลน้องผิดสัญญา
พี่จะบวชเป็นหลวงตา...ตลอดไป

เอ๋าตกหลงเกี่ยวกะเข้าพรรษา บ่เนียะ เหะๆๆๆๆๆๆ

[ฅนภูไท]

อยากไปเบิ่งเขาแห่เทียนอยู่อุบลเด้...คือสิงามคัก..ไผได้ไปกะหารูปมาให้เบิ่งแหน่เด้อ..

[บ่าวพรรณานิคม]

ข่อยวาสิลางานไปเบิงยูเฒ่า......บ่เคยไปเมืองอุบลจักเทือ

[ฅนภูไท]

ดีๆๆเฒ่ารับรองบ่ผิดหวังแน่นอน....อย่าลืมถ่ายรูปมาเบิ่งแหน่เด้อ..

[บ่าวพรรณานิคม]

จ้า....หล่ะถ่ายมาเฮ่อเบิงยูเดาะ ถ้าสถานการณ์บ้านเมองปกติ กะคือหล่ะได้ไป๋ยูเดาะ