เปิดโตแมงสะดิ้งอย่างเป็นทางการพ้อมบรรดาเพื่อนๆ

[เเมงสะดิ้ง]

หลังจากมีเสียงเรียกร้องมาอย่างล้นหลาม บึ๊ย...พ่ะนะ
กะเลยอยากขานตอบรับกลับไปสั่นดอกหวา ...


"แมงสะดิ้งเป็นโตจั่งได๋ พ่ะนะ" เป็นสัตว์เคิ่งบกเคิ่งน้ำ หรือวาจั่งได๋
ค้นหาเบิ่งยุไสกะบ่เห็นมีเพิ่นวา ... หึย...จ่ะแม่นบ่ทันสมัยเนาะ

... อ่ะเซินเบิ่ง ให่เต็มตาบาดหิเนี่ย ...นี่คือโตจริงของแมงสะดิ้งเด้อค่าพี่น้อง
ถือวาเป็นสัตว์ในกะละมังที่มีหน้าตาดีที่สุดของตลาดกะวาได้
แน่ะ ...มีเสียงแทรกดังมาถาม วาไผวา? พ่ะนะ
กะโตแมของแมงสะดิ้งนิ่ล่ะค่าวาเองเออเองกะด่าย
555+



หน้าตาดี บ่เคยน้อยหน้าไผ สิยอมก้มหัวให่แหน่ะกะมีแต่จิหรีดกับจิโป่มท่อนั้น
เพราะวาเพิ่นโตไหย่กั่ว เห็นโตน้อยๆ จั่งซี่ "ควมสะดิ้งบ่เคยปราณีไผเด้อค่า"
หย่อนเป็นแม่มานท้องไข่อ่องล่องตั้งแต่น้อยๆ พ่วนหน่ะ ที่มีควมมันส์ บ่ธรรมดา
คั่นแม่นเป็นคน บดยาคุมใส่ขวดนมให่ดูดตั้งแต่ยุในอู่กะเอาบ่อยู่เด้อค่าควมสะดิ้ง




ติดตามกันมาอย่างจ้อๆ นี่กะคือเพื่อนของแมงดิ้งเองเด้อค่า
"เขียดจะนา" ที่ยังไม่ผ่านการแปรรูป



ผ่านการหมกแล้วแซ่บจริงๆ นะ

ปอลิง
การแสดงรูปภาพอาจไม่เหมาะสมกับอารมณ์บางท่าน
จึงฝากขออภัยไปถึงทุกท่านที่มีจิตใจอ่อนไหว
ที่อาจจะระทวยไปกับสัตว์โลกน่ารักชนิดนี้



และพวกเขาเหล่านี้ ที่คุ้นหน้าค่าตากันดี
โดยเฉพาะซุมเฮาเจ่าข่อย ไทเด็กป่าขาดง
"ไข่มดแดง แอง แอง แอง" อาหารชั้นสูง
ที่มีชื่อเสียงเรียงนามดังไปทั่วหล้าปฐพี...
พุ่นเด้อค่า สิบอกให่...



ดิส อิส อะ หมกปาซิว แอนด์ปิ้งปาเข็ง



อะ ผักสาบ...รสซาดขมอ่ำหล่ำ
ลวกแล่วม้วนกินกับแจ่วปาแดกบอง
อิส มาย ฟาโวริท เด๊ เนี่ย...ฮู้บ่



ผักหวานแอนด์เห็ดขอนขาว
แกงซดน้ำพอล่องคำเข่าผุเฒ่าลงคอ



สุดท้ายเห็ดตะไคหอมๆ
ปิ้งแห่มๆ ซดน้ำเนาะเฮา
ฮิ๊ว.... :1-

[บ่าวน้อยยโส]

เข้ามาจอบเบิ่งมีแต่แนวเป็นตะแซบ

[wundee2513]

... ปาโธ่.. เมนูทั้งหมดนี้ คือตรง ช.ก.ท. ผม แท้ครับ...(ชกท.บ่แม่นชายกะเทยเด้อ หมายถึงความชำนาญทางการทหารครับ หมายความว่า ทหาร ตำรวจ ครู อบต. ผู้ใหญ่ กำนัน ฯลฯ เห็นแล้วคือคิดแซบอยู่เด้ )

[แหลวแดง]

ช่างอุดมสมบูรณ์อะไรเช่นนี้ เห็นแล้วมีแต่แนวเป็นตาแซบจ้า โดยเฉพาะแมงสะดิ้งหั่นแหม อิอิ

[กำพร้าผีน้อย]

ป้าดด มีตะแนวเป็นตะกิน..

... ผักสาป บ่เห็นดนแล้ว ไปสรรหามาตะโคกได๋น้อ..

[siranee]

อ่อยยยยยยยยน้ำลายไหลมีแต่แนวอยากแนวมั่กๆ
อ่อมเขียดจะนาน้อยใส่ผักขมกะคือสิแซบ หมกกะเป็นตาแซบ
ก้อยไข่มดแดงนัวๆ จ่งเคิ่งนึงไว้แกงใส่ผักหวานเห็ดขอน
เห็ดบดหมกปลาซิวจ้ำกับหมากพริกหลอ..นั่งฝันเอาอยู่หน้า
คอมนี่ล่ะบ่มีให้ต้อยปากจักคำดอกอยู่นี่กะดาย c06:

[บ่าวเคน]

ลืมไป ว่าลืมขออนุญาติเจ้าเด้อ แมงสะดิ้ง ว่าข้อยเอาสรรพนามนี้ไปตั้งชื่อทีมเปตอง ว่าซั่น ตอนนี้ทีมแมงสะดิ้งได้เข้ารอบรองชนะเลิศแล้ว ขออภัยมายัง ณ ที่นี้นำเด้อ ที่บ่ขออนุญาติก่อน

[บ่าวน้ำโสม]

อือหือ..นี้หรือของกินบ้านเฮา...ป๊าดดดดดดด บอกได้คำเดียวว่าท้องฮ้องจอกๆๆแล้วครับ

[สหายพง]

5555 ของแนวนี้บ้านพงกะมีคือกันครับผมแซบแฮงเด้อขอบอก กลับบ้านเข้าพรรษาวั่งหนึ่งไปกินมาเกือบเบิ๊ดสุอย่างแล้วยกเว้นผักสาบ พงบ่กินมันขม55
ยังข้องใจยุอย่างหนึ่งแหม ตกลงเห็ดใค เป็นเห็ดของไผครับขั่นบ่มีเจ้าของพงจิเอาเด้อ

[บักขามป้อม]

555555 เอื้อยดิ้ง น้องล่ะใจอ่อนระรวยให้กับแมงสะดิ้งกับผองเพื่อน แขนขาสั่น บ่มีเฮื่อมีแฮง ย้อนควมอยากกินจ้า อย่าบอกเด้อ ว่าทั้งเบิดนี่หาได้ทั่วไปในสวีเดน กร๊ากกกก