มีเรื่องถาม-ขอปรึกษา พี่น้องค่ะ

[thedon]

ให้โลดครับเป็นสินน้ำใจเพิ่นอุตส่าห์ไปโฆษณาพาคนมาซื้อเนาะครับ

[คนตระการ...]

เพิ่นรู้จักกับนายทุนเต้นท์รถ บ่แมนซอยเฮาดอกหล่า ..
กรณีพาเต๊นรถมาซื้อ(ชี้เป้าไห้เขา) สิได้3000บาทขั้นต่ำ เลาพอได้เมาอยู่ดอก 555...

[พล พระยาแล]

กฎหมายเรื่องนายหน้าบอกไว้ว่า เมื่อได้ตกลงกันให้เป็นนายหน้าย่อมเข้าใจได้ว่าไม่ใช่การทำให้ฟรี ๆ

แต่กะมีพวกบ่ปากบ่ติง มีพฤติการณ์ หรือ ได้แสดงอาการว่าจะทำให้เปล่า ๆ บ่ได้เอาเงินเอาทองเป็นค่าตอบแทนกะเป็นอีกเรื่องหนึ่ง

เพื่อป้องกันกรณีเป็นที่สงสัยสิจ่ายหรือบ่จ่าย แต่พฤติการณ์แสดงออกว่าเพิ่นอยากได้ หรือการกระทำนั้นเพื่อต้องการค่านายหน้า ก็ให้ถือเอาเป็นการตกลงโดยปริยายไปเลยว่า มีค่าบำเหน็จหรือค่านายหน้าในกิจการที่ได้รับมอบหมายนั้น เพราะเหตุว่า "ของฟรีบ่มีในโลกนั่นเอง" อิอิ

สรุปคือให้เป็นสินน้ำใจตามที่เห็นสมควรทั้งสองฝ่าย สุดท้ายจั่งแฮปปี้เอ็นดิ้ง เพิ่นจั่งสิบ่ได้เว่าขวัญว่า อุตส่าห์หาคนมาซื้อให้บ่ได้ค่าน้ำส้มน้ำหวานจักบาท ซั่นดอก

[ไก่น้อย]

ตามประสบการณ์ที่มีเล็กน้อย ปกติไทเอือนไก่เพิ่นกะอยู่ในวงการบันเทิง เอ้ย วงการขายรถมือสอง ขายให้หมุ่ ขายให้ลูกน้อง ให้หัวหน้า อยู่เรื่อยๆค่ะพี่ติ๋ง เพิ่นกะสิได้ค่า นายหน้าคันละ 1000-3000 ลังคันกะขายให้ซื่อๆค่ะเอื้อย เคสของพี่ติ่งถ้าเป้นในความคิดไก่ สินน้ำใจเล็กๆน้อยๆให้เพิ่นจัก พันสองพัน กะดีจ้าเอื้อย บ่หนักหนาแล้วเฮากะสบายใจนำจ้าพี่

[ไผ่หวาน]

.....ขอบคุณหลาย ๆ สำหรับทุกคำแนะนำ จ้า......

[อาวอ้วนเมืองยศ]

จักนิดจักหน่อย เล็กๆ น้อยๆ สินน้ำใจครับผม