หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: อีสานแล้ง

  1. #1
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    584
    บล็อก
    3

    อีสานแล้ง

    สวัสดีครับพี่น้องหลังจากผมหายหน้า หายตาไปจากบ้านมหา แต่ว่าหัวใจดวงน้อยๆๆกะยัง
    คิดฮอดบ้านมหาคือเก่า ด้วยภาระงาน ภาระครอบครัว ทำให้ต้องต่อสู้กับชีวิตที่แห้งแล้งกันดาร ในที่ราบสูงยโสธร ถิ่นภูกลอย หาแย้ หากระปอม มาเลี้ยงปากพี่น้องและครอบครัวของผมเอง ผมกะได้รับกับความเปลี่ยนแปลงของธรรมชาติ ภาวะโลกร้อน มันกำลังเข้ามาทำลายชีวิตมนุษย์ชาวอีสาน โตน้อยๆๆอย่างผม ทำให้ต้องต้อสู้กับแดดฮ้อนเปรี้ยงๆๆ
    ทำลายผิวหนังอันบอบบางของผม จนสีผิวของผมดำกร้าน เป็นฮอยตะกะ ตีนอตกเขิบ
    ซึ่งมันเป็นธรรมชาติของมนุษย์ที่จะต้องทนกับธรรมชาติและเปลี่ยนแปลงตามธรรมชาติ
    เวลาผมไปหาอาหารผมแทบสิบ่ใส่เกิบเพราะตีนผมด้านมันด้าน หยาบฮ้ายกว่าหนังงัวเฒ่าพะนะ สิ่งที่เว้ามาเป็นเรื่องของธรรมชาติ และสิ่งที่ผมต้องเผชิญอีกอย่างคือความแห้งแล้งของจิตใจมนุษย์ชาวอีสาน ที่ตั้งแต่เก่าก่อนคนอีสาน เป็นคนเอื้อเฟื้อเผื่อแผ่ ส่อยกันทำมาหากิน เป็นสังคมแห่งการแบ่งปัน พ่อแม่สอนไว้ว่า "ถ้าป้าเอาป่นมาให้ เวลาเอาถ้วยไปคืนป้าต้องบ่ล้างถ้วยเผิ่น" นั่นหมายถึง คำสอนหรือ กุศโลบาย ของพ่อแม่คนโบราณ เผิ่นสอนไว้ว่า ถ้าป้าลุงเอาของมาให้ต้อง มีของตอบแทนป้าลุง บ่ได้หมายความว่าล้างถ้วยป่นลุง นี่คือความประทับใจที่พ่อแม่สอนผมไว้แต่โบราณ สังคมสู่มื้อนี้บ่มีการส่งป่น แกง กันคือเก่า ได้กบ ได้ปลามา ใส่ถุงเอาะเจาะ หาเลาะขาย ตามหมู่บ้าน บ่มีว่าสิให้กินฟรีๆๆ หรือเกิดการแลกเปลี่ยนกัน คือสมัยก่อน พ่อแม่เคยถามผมว่า ได้ปลาข่อใหญ่ เฮ็ดหยังจังสิได้กินหลาย ผมกะตอบเผิ่นว่า ต้มและใส่น้ำหลายๆๆ
    พ่อบอกว่า บ่แม่น อยากกินหลาย ต้ม หรือ แกง แล้วต้องปันพี่ปันน้อง เพราะ เวลาเผิ่นมีแนวกินเผิ่นกะสิส่งเฮาคืน เฮาได้กินหลายแนว อย่าให้ความแห้งแล้งเข้ามาสู่จิตใจชาวอีสาน อีกต่อไป สังคมเฮาต้องเป็น สังคมแห่งการแบ่งปัน เอาไว้ส่ำนี้ก่อนฟ้าวไปใส่เบ็ด .................เล็กๆๆ น้อยๆๆ จากทีมงานคุณภาพ............

  2. #2
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,135
    ทางนี้กะหายๆ ไปเป็นบางช่วงคือกันจ้า
    แต่กะบ่ได้ลืม อิอิ

  3. #3
    ที่บ้านนอกบ้านเกิดยังมียุค่ะ แต่จะเป็นเครือญาติ ส่งกับข้าว หน่อไม้ยามมีหลายๆ ที่นาสมัยยายเพิ่นปลูกต้านไผ่ไว้รอบนาค่ะ คล้ายๆเป็นเส้นแบ่งเขต จนเดี๋ยวนี้ มีหน่อไม้กินบ่หวาดบ่ไหว 5555 ญาติพี่น้องแม่ป้าพ่อลุงก็เอามาส่งคือกันค่ะ
    LET IT BE...

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    ไผว่าอีสานแล้งน้ำในขวดยังอ๊ะหย๊ะอยู่บ่แล้งจักเทื่อ

  5. #5
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    ทางคำเขื่อนแก้วกะแล้งคือกันครับ ฝนตกเทือสุดท้ายแต่วันแม่พุ่น น้ำในนามีแต่หม่องติดห้วย แต่กะบ่เถิงกับข้าวตายดอกครับ ดินยังชุ่มอยู่ แต่น้ำบ่โห่งซือๆ

  6. #6
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    ทางทรายมูลน้ำท่วมนาเด้บ่าว....โดนๆมาโผล่เทือนึงจังแม่นเพิ่นงัดตะคำคมๆมาปาดคอกันเนาะ คึดฮอดหมู่คือเก่าเด้อบ่าว

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    เป็นไปตามสมัยเนาะครับบ่าวฯ....
    สังคมของโลกทุนนิยม..บุญนิยมเสื่อมถอย..
    ทรายมูล ซ่งแง้ กุดชุม ภูกลอย ไทยนิยม เลิงนกทา เส้นทางนี้คุนเคยมากครับเมื่อก่อน
    แก้ไขครั้งสุดท้ายโดย pcalibration; 24-08-2013 at 10:56.

  8. #8
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    ทางตระการปีนี้กะฝนกะบ่อดีปานได แต่กะบ่อแล้ง ได้เฮ็ดนากันเบิดอยู่..
    เรื่องการแบ่งปันน้ำใจกะยังพอมี เฮ็ดตามฮอยพ่อแม่เพิ่นพาเฮ็ด ยังส่งป่นส่งแกงแบ่งปันกันแน่อยู่ ..


    บางคุ้มพี่น้องเฮือนติดกันกะบ่อเว่ากัน ย้อนว่าเรื่องการเมือง ลงสมัรคแล้วแพ้ เลยบ่อเว่าบ่อถามกัน
    ต่างคนกะอยากมียศมีตำแหน่ง เห็นแล้วกะหนักใจนำ

  9. #9
    ศึกษาหาความรู้ สัญลักษณ์ของ kamatep
    วันที่สมัคร
    May 2009
    กระทู้
    116
    ผมอยู่ทุ่งนางโอกครับ อยากไปเที่ยวเล่นนำเนาะ

  10. #10
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    สังคมเปลี่ยนไป ต้องทำใจล่ะครับ เป็นไปตามยุคสมัย เฮากะเลือกคบหาสมาคมเอาครับ ไผเป็นมิตรกับเฮากะจงรักษาน้ำใจเขาไว้ให้นานเท่านาน

    ส่วนไผที่มีอคติต่อเฮา ๆ กะแผ่เมตตาให้เพิ่นขอให้อย่าได้จองเวรจองกรรมกันครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •