กำลังแสดงผล 1 ถึง 7 จากทั้งหมด 7

หัวข้อ: ช้ำนี้พี่ฮับเอง

  1. #1

    ช้ำนี้พี่ฮับเอง


    บักหล่าเอ้ย.....
    เคยจูงควายไปเลี้ยง
    นอนเถียงนาอิพ่อเฮ็ด
    กินไข่เป็ดอิแม่ป้อน
    นอนสาดอิแม่ปู
    เคยนอนดูดาวแจ้ง
    เงาแสงอิเกิ้งส่อง
    ปลาในหนองฟองฝอดบ้อน
    แมงซอนห้าวเข้าใส่กัน
    สิ้นแสงจันทร์เทิงฟ้า
    มวลดารากะล้าหล่อย
    ไก่เริ่มขันมาจ้อยจ้อย
    เถ่าแม่ข่อยอ่อยไฟผิง
    ฟังกระดิ่งคอควายน้อย
    ลอยมาไกลให้ฮู้ว่า....
    แสงสีทองส่องขอบฟ้า
    ตะเว็นจ้าสิส่องแสง
    ตะแคงเฮือมือวิดน้ำ
    มื้อสามค่ำยามเดือนหก
    เขาสิตกลงกัน
    ฮับขวัญหมั้นกันไว้
    ใจเอ้ย...ใจ เจ้าเจ็บแท้
    พายเฮือแถเข้าถิ่มฝั่ง
    เหมิดพลังพายต่อแล้ว
    แนวว่าอ้าย พ่ายฮักเขา
    งอยฝั่งชี มีแต่เส่า
    ซงเหงาเหงา เป็นบ้าป่วง
    จักฮักหลอกหรือลวง
    ทะลวงใจให้ช้ำ กรรมนี้
    พี่ฮับเอง
    .......ช้ำนี้พี่ฮับเอง
    แก้ไขครั้งสุดท้ายโดย บ่าวเขื่องใน; 03-12-2013 at 01:32.

  2. #2
    คือบ่หอบขันหมากไปขอก่อนน้อค่ะ สิได้บ่เจ็บปานนี่ (สบายดียุคือเก่าค่ะ นอน รพ เป็นระยะๆ):*-

  3. #3
    ครับคุณครู เป็นบ่าวพอเสียงแตก กะไปมักสาวทางค้อวัง
    บ่มีตังค์ หาจั่งได๋กะบ่อได๋ เพิ่นเลยถิ่มไปฮับหมั้นผู้บ่าวอื่น
    ซั่นดอกคับ เสียใจหลาย โยนไม้พายถิ่ม ลงน้ำชี หนีความหม่น
    คึดหลูโตน อีแหม่เถ่า เลาถ่า ออยลูกชาย อยู่เฮือน กะแต่งหาอดีตเก่าๆ
    จักเป็นแนวได๋ กะติชมมาโลดเด้อครับ

  4. #4
    ศึกษาหาความรู้ สัญลักษณ์ของ เขย ตระการ
    วันที่สมัคร
    May 2012
    ที่อยู่
    Chachoengsao
    กระทู้
    203

    พบปะพูดคุย

    ม่วนครับม่วน!! จัดมาอีกเด้ออ้าย สิถ่าซอมเบิ่งครับ

  5. #5
    ขอบคุณครับ ดนๆสิพ้อคนบ้านเดียวกันเนาะครับ
    เป็นบางอารมณ์ซั่นดอกครับ กับ แล้วแต่เวลาสิอำนวย
    ถ้าเข้าเวร บ่ค่อยมีสำนวน กะ เพ้อเจ้อออกมา ซั่นหว๋า...

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ปร๊าดดด .. เพิ่นได่ฟีลเด่ะนิเนาะ
    คล้องจองออดหลอด ม่วนบ่มีสะดุดเลยค่ะ
    อิกจักกลอนแน่ะหนาอ้าย ^ ^

  7. #7
    ปานนั่น บ่อจ้า น้องหล่า นั่งส่งหล่ง หลงหม่อง เข้าเวร กะเลยหยิบปากกามาเขียน ไปซั่นหละ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •