หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: ข้าวต้มกลอย

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    เมนูอาหาร วิธีทำอาหาร ข้าวต้มกลอย


    สวัสดีพี่น้องบ้านมหาที่คิดฮอดคิดถึงซู่คนจ้า

    มื้อวันที่ 19 กันยายน 2556 ที่สิฮอดนี้ ตรงกับมื้อขึ้น 15 ค่ำเดือน 10
    เป็นมื้อบุญข้าวสากบ้านเฮาเนาะจ้า ช่วงนี้อยู่ตลาดสิคึกคักเป็นพิเศษ
    เพราะว่าสิมี กล้วย ใบตอง กลอย ฯลฯ ออกมาขาย
    บางบ้านบางเฮือนกะเริ่มคั่วข้าวตอกแตกเตรียมเฮ็ดกระยาสารทกันแล้ว

    แต่เมนูที่ขามป้อมสินำเสนอมื้อนี้กะคือข้าวต้มกลอยจ้า บ่ได้กินดนแล้ว ปกติกะนึ่งแล้วโฮยน้ำตาลกินซื่อๆ แล้วกะนึ่งใส่บักอื๋อโฮยน้ำตาลกับบักพร้าวขูด

    สำหรับข้าวต้มกลอยนี้พ่อใหญ่จ่อย โอ๊ะๆๆๆอ้ายดีเจเต็มเลาสายตรงไปหาเฒ่าแม่ทางหนองบัวลำภูโดยเฉพาะ ย้อนว่าขามป้อมเฮ็ดบ่เป็น แหะๆ

    สูตรของเฒ่าแม่กะคือ ให้คั่นกลอยใส่กับกล้วยสุกให้แข่นๆ ให้ใส่น้ำตาลหวานๆ เพราะโดยธรรมชาติของกลอยมีรสชาติจืดอยู่แล้ว เพิ่นกะเลยมีคำเว้าที่ว่า "จืดปานกลอย" ขึ้นมา พานะ

    เลากำชับว่าบ่ต้องใส่อย่างอื่นเลย ให้ใส่สองอย่างนี้ท่อนั้น ว่าแล้วกะมาเบิ่งวิธีการเฮ็ดกันจ้า

    ข้าวต้มกลอย

    ข้าวต้มกลอย



    พระเอกกับนางเอกของงานนี้จ้า กลอยกับกล้วย


    ข้าวต้มกลอย

    ข้าวต้มกลอย



    ใบตองกล้วยหลังบ้าน พ่อใหญ่จ่อยไปจัดการตัดให้แล้วกะตากไว้เทิงหลังคา ย้านเด็กน้อยข่วมใบตอง ข้าวต้มสิบ่สุก ข้าวต้มกลอย

    ข้าวต้มกลอย


    แต่ว่าจักเลายากหรือลืมคราว ใบตองกะเลยสีเดียวกับสีผิวผู้ตัดตอง ข้าวต้มกลอย
    ปานนั้นยังมีการว่า แซบบ่แซบขึ้นอยู่กับการคั้นกล้วยกับกลอยเด้อพุ่นน่ะเลาว่าข้าวต้มกลอย


    ข้าวต้มกลอย

    ข้าวต้มกลอย

    บ่อยากเว้าหลายหยายห่าง ขามป้อมเลยจัดการกล้วยกับกลอย
    คั้นจนสุดความสามารถได้ซ่ำนี้ล่ะจ้า คันสิเอาไปใส่เครื่องปั่น กะสิบ่ได้รสซาติที่แท้จริงเนาะ

    ข้าวต้มกลอย

    ข้าวต้มกลอย

    แล้วกะจัดการห่อ ขามป้อมห่อแบบขนมหมกจ้า เพื่อความสะดวกและบ่เลอะเทอะ คั้นไปคั้นมาเริ่มมีน้ำหวานจากน้ำตาลกับกล้วยออกมา หน่ายสีใบตองเนาะข้าวต้มกลอย



    ข้าวต้มกลอย

    ข้าวต้มกลอย

    ข้าวต้มกลอย


    นึ่งสุกแล้วกะแบ่งไว้ถ่าใส่บาตร แล้วกะหยายพี่น้องผู้ละหมกสองหมกจ้า
    ท้ายนี้กะอยากบอกว่า คิดฮอดพี่น้องบ้านเฮาคือเก่า

    ขอบคุณพื้นที่แบ่งปันจากเว็บบ้านมหาดอทคอม สวัสดีจ้า






    ขอบคุณพื้น

  2. #2
    ตาแซบค่ะพี่ ขอสักสองห่อเด้อจร้า

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ขอบคุณขนมข้าวต้มและประเพณีแบบบ้านๆ
    หากินยากมาก โดยเฉพาะ"กลอย"กว่าจะได้กินต้องผ่านขั้นตอนตามแบบภูมิปัญาชาวบ้าน
    คือการทำให้กลอยจืดจึงมีการเปรียบเทียบว่า "จืดปานกลอย" ถ้าไม่ทำให้จืดก็จะกินไม่ได้เหมือนกัน เพราะจะมีสารบางอย่างทำให้เกิดอาการคันได้ มีคำภาษาอิสานเปรียบเปรยไว้หว่า "คันฮ้ายกั่วกอย"

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    อะจ๊ากกก 10 ปีล้ำ ซาวปีล้ำกะบ่พ้อจักเทื่อเฮ็ดแบบได๋ค่อยสิได้กนหละพีน้อง
    มาเป็นตาแซบแท้

  5. #5
    มาให้ซิมนำจักสองหมกแน....เมิดแล้วติ ขามป้อม ว่ามันสิแซบย้อนใบตองพ่อใหญ่จ่อยบ่....

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย

    น้าน มีแนวมา ล่อใจอีกละ กำลัง ลดความสวยยุ น๊า ..เพื่อบ่เป็นการเสียน้ำใจ จัก 2 ห่อแหน่ ใส่ถุงให้นำเด้อ จะเอาไปฝากผุถ่าว และแจกเด็กน้อย

    อั่น บ่ได้ตากใบตองเทิงสังกะสี ดนละเด้ 55555

  7. #7
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ขอชิมสักห่อหน่อยยยยยจ้า น่ากินมากๆๆเลย

  8. #8
    กลับเที่ยวนี้จะไปแวะอยู่เด้อ

  9. #9
    สมัยก่อนมีคนหาบมาขายแถวบ้านยายจ้า ต้องคนรู้วิธีการจึงจะได้กินกลอย ขนาดยายยังบ่เคยทำเลยค่ะ เพิ่นบอกว่ายุ่งยากหลายขั้นหลายตอน เฮ็ดบ่เป็นก็กินบ่ได้ค่ะ

  10. #10
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    เมนูนี้ผมบ่ได้กินดนเติบแล้วคือกันครับ
    พอดีว่าบ้านขามป้อมอยู่นี้ มีกลอย(มาขาย)หลายครับ หาซื้อได้บ่ยากครับช่วงบุญเดือนสิบ
    โทรไปถามสูตรนำเฒ่าแม่เลยเฮ็ดข้าวต้มกลอยเลยครับ
    แซบอิหลีครับ มาเด้อกินนำกันแซบๆ
    อิอิ มีแซว แซบย่อนกลอยหรือว่าแซบย่อนใบตองบุ๊นิ ฮ่าๆๆ



    เจ้าของกระทู้คือสิฟ้าวแฮงเนาะครับ บรรทัดสุดท้ายขาดเคิ่งเลย ฮ่าๆๆ

    "ขอบคุณพื้น" พะนะ (ขอบคุณพื้นที่แบ่งปันจากเว็บบ้านมหาดอทคอม สวัสดีจ้า)

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •