หมากผีพ่วนกวนเคยชิมบ่จ้า ลูกหินทดสอบแล้วแซ่บจ้า
ช่วงนี้ลูกหินเห็นว่าหมากผีพ่วนมีผลผลิตออกมาหลาย ชาวบ้านเพิ่นกะนำมาขายกันตามริมทางหลายอีหลีจ้ากะเลยคิดว่า หมากชนิดนี้สิแปรรูปได้บ่น๊อ....คิดมาหลายมื้อ ความที่เป็นคนชอบทดสอบ มื้อนี้จึงซื้อมาลองกวนดู ว่าสิเฮ็ดได้บ่....หมากผีพ่วนกวนนี่น๊อ สำหรับหมากผีพ่วนทางสุรินทร์เพิ่นเอิ้่น ตุมตรีล แถวหมู่บ้านหลังโรงเรียนหลายคือกันจ้าตุมตรีล
ขั้นตอนการกวน กะตามใจคิด เบิ่งจากภาพเด้อจ้า ตอนแรกกะเอาเนื้อและเมล็ดออกจากลูกก่อนกะได้น้องนักศึกษาน้องเฟิร์สสาวศรีษะเกษ เพิ่นมาฝึกประสบการณ์การสอนนำ แกะให้เอื้อยแนน้องหล่า....อาจารย์สิเฮ็ดหยัง....อะน่า เดี๋ยวกะฮู้ ...
จากนั้นลูกหินกะใช้ไฟอ่อนๆ ช่วงแรกเติมน้ำก่อนนิดหน่อย กวนกวนเมล็ดเพิ่นสิแยกออกเฮากะแยกเมล็ดออกบ่ใช้เอาแต่เนื้อ แล้วกะกวนต่อ เติมน้ำตาล เติมเเกลือ กวนจนว่าแห้ง เมื่อใช้ได้ทดสอบรสชาด รดชาดเพิ่นแซ่บหลายพี่น้อง เปรี้ยวๆ หวานๆ หอมๆ บางคนบอกคือจังกระเจี๊ยบ แต่ว่าใช้ผลเกือบกระด้งนึง
ราว 1 กิโลครึ่ง เมื่อแกะเนื้อแล้ว เนื้อที่ได้จากการกวนน้อยๆ ได้ประมาณ 4 ขีดชิมและทดสอบ หลายคนบอกว่าแซ่บๆๆๆๆๆ
จึงนำมาเผยแพร่เผื่อมีผู้สนใจ ตอนนี้ลูกหินลองทดสอบ เป็นน้ำปั่นกะแซ่บๆๆ คือกันจ้า ที่เฮ็ดจั่งซี่เพราะว่า หมากผีพ่วนเพิ่นเก็บบ่ได้หลายมื้อ คั่นสินำฝากพี่ฝากน้องต้องแปรรูป ตอนนี้สูตรที่ทดลอง ถึงแม้จะเป็นครั้งแรกแต่กะแซ่บ ลูกหินลองสืบค้นข้อมูลหาที่อื่น ในเวปต่างๆ กะบ่มี คิดว่าน่าจะเป็นครั้งแรกที่ผีพ่วนเจอ ผาบี้ อิอิอิอิ เจ้ากะเลยโดนกวน
ขอบคุณอ้ายบ่าวคนเดิมจ้า ที่ให้โอกาสนำเสนอ ณ หม่องนี้จ้า
ข้อมูลเพิ่มเติมจ้า
หมากผีผ่วน
ชื่อวิทยาศาสตร์ Uvaria rufa Blume.
ชื่อสามัญ หมากผีผวน, บุหงาใหญ่ (เหนือ), นมควาย (ใต้), นมแมวป่า
(เชียงใหม่), หาลิง (ตะวันออกเฉียงเหนือ), ติงตัง (นครราชสีมา), ตุมตรีล(สุรินทร์)
ตีนตั่งเครือ (ศรีสะเกษ และอุบลราชธานี), พีพวน (อุดรธานี), สีม่วน (ชัยภูมิ), นมแมว (ภาคกลาง)
ในภาคอีสานพบได้บริเวณที่มีป่าไม้อุดมสมบูรณ์
ลักษณะทั่วไป
ผีผ่วนเป็นไม้พุ่มเลื้อยมีความสูง 5 เมตร กิ่งอ่อนมีขนละเอียดสีน้าตาลแดง
ใบ เป็นใบเดี่ยว เรียงสลับ รูปวงรีหรือ รูปไข่ผิวใบมีขนสีน้าตาลแดงทั้งสองด้าน กว้าง 2.5-3.5 เซนติเมตร ยาว 4.5-10 เซนติเมตร
ดอก จะออกเป็นกระจุก 2-3 ดอก ที่กิ่งก้าน กลีบดอกสีแดงเข้ม กลิ่นหอม
ผล เป็นผลกลุ่ม รูปไข่หรือรูปไข่กลับ เมื่อสุกมีสีแดงสด เปลือกบาง เนื้อเป็นสีขาว เมล็ดดำแข็ง รสชาติหวานอมเปรี้ยว
ออกดอกระหว่างเดือนเมษายนถึงเดือนพฤษภาคม ติดผลระหว่างเดือนมิถุนายนถึงเดือนกรกฎาคม และเก็บเกี่ยว
ได้ระหว่างเดือนสิงหาคมถึงเดือนกันยายน ช่วงนี้ออกหลายดกคักจ้า
Bookmarks