สวัสดีจ้าธุจ้าพี่นัองบ้านมหาทุกท่าน
อากาศบนเกาะตอนนี้เป็นฤดู Fall แล้วน้อจ้า
อากาศเริ่มเย็น บางมื้อฝนตก ใบไม้กำลังสิเปลี่ยนสีเป็นสีน้ำตาลอ่อน อีกบ่โดนสิร่วงหล่น
เอื้อยเลิกงานบ่าย2 โมง อ้ายเลิกงาน 11.00 น. อ้ายเพินเฮ็ดแนวกินไว้ถ่าคือน้ำตกหมูกับผักสดหลายอย่างจ้า บ่กินข้าวกันจ้า เอื้อยมีมันเทศอยู่ 3 หัว
พ่อลูกว่าเฮ็ดแกงบวดกินแน้ บ่ต้องหวานหลายเด้อแม่
เครื่องปรุงและส่วนผสม
มันเทศ 3 หัว ปอกเปลือกหั่นเป็นชิ้นยาวบาง
ใบเตย 4 ใบ
น้ำตาลมะพร้าว 2 ช้อนโต๊ะ
น้ำตาลทราย 1 ช้อนโต๊ะ
เกลือ 1/2 ช้อนชา
น้ำกะทิ 1 ถ้วย
น้ำเปล่า 2 ถ้วย
วิธีทำ
ต้มน้ำเปล่าผสมน้ำกะทิ ใส่เกลือ น้ำตาลทั้งสองอย่าง พอให้ร้อนจัดไม่ถึงกับเดือดเป็นฟอง ใส่มันเทศและใบเตยตามลวไปจ้า
พ่อบ้านมักขิงหลายจ้า ปกติสูตรนี้บ่ใส่ขิงดอกจ้า
ต้มจนมันเทศสุก ตักใส่ถ้วย กินฮ้อนๆตอนอากาศเย็นๆน้อจ้า น้ำกะทิสิค่อนข้างเจือจางสิได้บ่อ้วนน้อจ้า
ขอบคุณจ้าธุจ้าเว็บบ้านมหา
ขอบคุณจ้าธุจ้าผู้อ่านทุกท่านทุกกำลังใจเด้อจ้า
Bookmarks