ขนมจีนน้ำยาปลา...อีสาน

[พวงพยอม]

สวัสดีจ้าธุจ้าพี่น้องบ้านมหาทุกท่าน

วันอังคารของเอื้อยเป็นวันหยุดสุขสันต์หรรษา เพราะได้เป็นแม่บ้านเต็มมื้อน้อจ้า
บ่ออกไปไสดอกจ้า ด้วยมีงานบ้านหลายแนว รีดเสื้อผ้า ทำความสะอาดบ้านพัก เฮ็ดอาหารคาวหวาน เฮ็ดทุกอย่างให้แล้วก่อนบ่ายสองโมง เพราะพ่อบ้านเลิกงาน ลูกกลับจากโรงเรียนมาพากันหิวหลายจ้า เอื้อยสิอาบน้ำแต่งตัวให้เบิ่งสดชื่น บ่หัวฟูหน้ามันย่อง ผมเผ้า ร่างกายหอมสะอาด พูดจากันดีๆมวน
ยามกินข้าวกับยามนอนห้ามบ่นหรือจ่มให้ลูกหรือสามีน้อจ้า ปรนนิบัติเอาใจกันบ่เสียหายดีกว่าทะเลาะกันแมนบ่จ้า

มื้อนี้เอื้อยเฮ็ดข้าวปุ้นน้ำยาปลาแบบอีสาน
กับขนมถ้วย และมีผลไม้ไว้ล้างปาก
มากินนำกันเด้อจ้า
ส่วนผสมและเครื่องปรุงข้าวปุ้นน้ำยาปลา

ปลาทูน่า ๑ ถ้วย
เส้นขนมจีน 1ห่อ
พริกขี้หนูแห้ง 40 เม็ด
กระชาย 4 ราก
หอมแดง 5 หัว
กระเทียม 5 หัว
ต้นหอม 4 ต้น
แตงกวา 2 ลูก
ใบแมงลัก 1 ถ้วย
ผักอื่นๆตามใจชอบ
น้ำปลา 2 ช้อนโต๊ะ
น้ำปลาร้า 1 ช้อนโต๊ะ
ไข่ต้มยางมะตูม 2 ใบ



ต้มพริกแห้ง หอม กระเทียม กระชายในหม้อน้ำเดือดจนเปื่อย



นำหอม กระเทียมใส่เครื่องปั่นให้แหลกพร้อมปลาทูน่า ใส่กระชายปั่นทีหลัง



ปั่นพริกต่างหาก



ใส่พริกปั่นในหม้อใบเดิมที่มีน้ำต้มพริก หอม กระเทียม กระชาย ใส่ปลาลงไปต้ม
ปรุงรสด้วยน้ำปลาและน้ำปลาร้า เมื่อสุกเดือดจัดให้ปิดไฟใส่ใบมะกรูด ต้นหอมโรยหน้า





ต้มเส้นขนมจีนจนสุก นำไปแช่น้ำเย็นสักพัก เทน้ำทิ้งไว้ให้สะเด็ดน้ำ



จัดใส่จานชาม มากินนำกันเด้อจ้าพี่น้อง





รับประกันว่าหุ่นพ่อบ้านบ่อ้วนเด้อจ้า เพินกินได้ทุกแนวแต่อย่างละบ่หลายจ้า



ขอบคุณธุจ้าเว็บบ้านมหา
ขอบคุณธุจ้าผู้อ่านทุกท่านเด้อจ้า

[คนตระการ...]

เปิดมาพ้อตอนเช้าๆ หิวข้าวขึ้นมาเลย เป็นตาแซบคักเอื้อย

[อ้ายพจน์]

เฮ็ดให้หิวข้าวอีกละครับเอื้อยผักสดหลายๆแซ๊ปคักครับ

[คนของหัวใจ]

จั่งแม่นขยันคักค่ะพี่สาววว น้องล่ะอิจฉาเด้ ยุเมืองไทยแท้ๆอึดปานยุในป่า

[สาวชัยภูมิ ลูกพ่อขุน]

มื้อนี้กะขนมเส้นคือกันค่ะ แถวบ้านมีผักหนอก(ใบบัวบก)ขึ้นเป็นดงบีเลยเอามากินแซบๆค่ะ

[พล พระยาแล]

อยากกกกกกกกกกกกกกกกกกกกก......กิน

[พวงพยอม]

สวัสดีจ้า

น้องเอ๋ คนตระการ :) ขอบคุณที่แวะมาให้กำลังใจน้อจ้า

น้องพจน์ :) ใส่ผักหลายๆแก้เผ็ดดีน้อจ้า ขอบคุณ
ที่แวะมาทักทายกันเด้อจ้า
:*-:*-

[พวงพยอม]

สวัสดีจ้า

น้องคนของหัวใจ :) ขอบคุณหลายสำหรับกำลังใจเด้อจ้า

น้องบี :) น้องบีโชคดีมีผักหลายบ่ต้องซื้อ เก็บกินได้ฟรี ขอบคุณที่แวะมายามเด้อจ้า

น้องพล พระยาแล :) มากินนำกันเด้อจ้า ขอบคุณที่แวะมาทักทายกันน้อจ้า

:*-:*-:*-

[pui.lab]

หิวๆๆๆ วันนี้ทำไรกินดีน้อพี่พวง

[พวงพยอม]

สวัสดีจ้าน้องปุ้ย

มื้อนี้พอบ้านเฮ็ดเนื้อหมูย่างจ้าน้องปุ้ย เอื้อยกำลังสิห่อข้าวต้มมัดจ้า