สวัสดีจ้าธุจ้าพี่น้องบ้านมหาที่รักทุกท่าน
มื้อนี้เป็นวันอาทิตย์ที่รอคอยเพราะน้องพิมบ่มีสอบ เฮานัดกันไปทำบุญใส่บาตรที่วัดจ้า
เมื่อคืนเอื้อยห่อข้าวต้มผัด กว่าจะนึ่งสุกก็เที่ยงคืนน้อจ้า โชคดีกล้วยน้ำว้าสุกทันพอดี
คึดว่าสิบ่สุกเสียแล้ว อาหารคาวบ่ได้เฮ็ดเพราะมีร้านอิ่มบุญเฮ็ดวางขายหาเงินซื้อรถถวายวัด ถ่าไปอุดหนุนซอยกัน
เลยเอาแต่ผลไม้ ข้าวต้มมัด ดอกไม้ ธูปเทียน
และปัจจัยไปใส่บาตรน้อจ้า
ส่วนผสมและเครื่องปรุงข้าวต้มผัด
ข้าวสารเหนียว 2 ลิตร
กล้วยน้ำว้า 1 หวี
กะทิ 2 กระป๋อง
น้ำตาล 1/2 ถ้วย
เกลือ 1 ช้อนโต๊ะ
ถั่วดำต้มสุก 1 ถ้วย
ใบตอง (มีแต่แช่แข็งจ้า)
เชือกฟาง (บ่มีตอกจ้า)
ในภาพมีข้าวก่ำ ว่าสิเฮ็ดข้าวต้มโค่นนำแต่ใบตองหมดก่อนเด้อจ้า
ต้มกะทิใส่น้ำตาลทรายและเกลือ เมื่อเดือดใส่ข้าวลงกวนสักพักใสถั่วดำกวนให้เข้ากัน
ปล่อยให้เย็น
กล้วยน้ำว้าปอกเปลือกผ่าครึ่งลูกตามยาว
ตัดใบตองวางซ้อนกัน ใบล่างวางด้านในหงายขึ้น ใบบนเอาด้านนอกคว่ำลงจ้า
วางข้าวที่กวนแล้วลงก่อน
วางกล้วยให้หงายขึ้น เวลาสุกแล้วจะดูงามจ้า
วางข้าวทับกล้วยอีกชั้นหนึ่งจ้า
พับใบตองเข้าหากัน จับจีบทำมุมทั้งสองด้าน
นำสองกลีบมัดด้วยเชือกฟางหรือตอกให้แน่น ข้าวจะไม่แตกเวลานึ่งจ้า
นำไปนึ่งในซึ้งที่ต้มน้ำเดือดจัด ประมาณ 2 ชั่วโมงจ้า
สุกแล้วจ้า
เตรียมเอาไปใส่บาตรกับแบ่งไว้บ้านจักหน่อย พ่อบ้านบอกว่ารสชาดพอดีบ่หวานบ่มันกะทิเกินไปจ้า มากินนำกันเด้อจ้าพี่น้อง
ถ้าย่านอ้วนกินคำเดียวก็ได้เด้อจ้า
ขอบคุณธุจ้าบ้านมหาที่ให้โอกาสนำเสนอ
ขอบคุณธุจ้าผู้อ่านทุกท่านทุกกำลังใจเด้อจ้า
Bookmarks