อ้างข้อความนี้เป็นตาม่วนหลายอีหลีเนาะครับ
ช่วงนี้เห็นบ้านมหาเฮารู้สึกเงียบๆเลยหารูปเก่าๆงานเลีัยงประจำปีบริษัทมาให้พี่น้อง
เบิ่งเพื่อสร้างความคึกครึ้นให้เว็บบ้านมหาจักหน่อยบ่มีเจตนาเป็นอย่างอื่นเพื่อความ
บันเทิงล้วนๆเด้อพี่น้อง
ภาพตอนหัวค่ำก่อนพี่น้องมางานบุญที่ไบเทคบางนา
ดีเจต้อนรับหน้างาน สุขภาพบ่ค่อยดีปานใด๋มีโรคประจำโตเป็นโรคปอดบวม
สาวๆ กับท่าน CEO
สาวๆ มาเป็นทีม
ลูกน้องตะของจำบ่ได้เลยต่างจากอยู่ในโรงงานหลายคัก
หยก ยโสธร สมาชิกบ้านมหานักร้องเสียงดีชนะเลิศจากโรงงาน 3
ใบเตย อาร์สยามสั้นเสมอหู
วงพาราด๊อก พะนะฟังนำขะเจ้าบ่เป็นดอกย้อนเกิดบ่ทัน
วงดอกคูนแดนอีสานออกแนวหมอลำบ้านเฮาถึกคิงยุจักหน่อย
เอ้า.. หย่าวหน้าฮ้านไทอีสานบ้านเฮา ปีหน้าอย่าลืมมาเอาบุญนำกันอีกเด้อพี่น้อง
ขอบคุณเว็บบ้านมหาที่ให้พื้นที่นำเสนอครับ
เป็นตาม่วนหลายอีหลีเนาะครับ
สุดยอด แจ่มๆๆๆ อยากไปคุมเครื่องนำเด้ 555
โอ้..เป็นตาม่วนเนาะอ้าย
น้องหยก ขอแสดงความยินดีนำเด้อน้อง มิน่าช่วงนี่บ่ค่อยเห็น ฝึกร้องเพลงเข้าประกวดนิเอง ^__^
ช่วงนี้เห็นบ้านมหาเฮารู้สึกเงียบๆเลยหารูปเก่าๆงานเลีัยงประจำปีบริษัทมาให้พี่น้อง
เบิ่งเพื่อสร้างความคึกครึ้นให้เว็บบ้านมหาจักหน่อยบ่มีเจตนาเป็นอย่างอื่นเพื่อความ
บันเทิงล้วนๆเด้อพี่น้อง
ตามความคิดฉันนะอ้าย บ่แม่นแต่เวบบ้านมหาเวบเดียวดอกคะ เป็นหมดทุกเวบ
ตั้งแต่มีเฟชบุ๊คเข้ามา คนเล่นอยู่พ่นหมด เป็นเวบบ่มีขีดจำกัด ใส่อารมณ์ ระบายอารมณ์ได้หมด
จะด่า จะว่าไผ ก็ว่ากันหม่องนั้น ลงรูปก็ลงได้เป็นร้อย เป็นพัน สร้างเพจเองก็ได้เป็นแอดมินเอง
แล้วยิ่งมีสมาร์ทโฟนเข้ามาอีก ถ่ายรูปได้ แชทได้ แล้วมันก็คอนเนทไปหาเฟชบุค
ซิส่งข้อความหาเพื่อนฝูงหยิบโทรศัพท์แปบเดียวได้เมิด สะดวกสะบายกว่าแต่ก่อน
แต่ก่อนซิหากันต้องเข้ามาล๊อคอิน ส่งข้อความ โพสต์ข้อความ ถึงจะหากันได้
เหมือนคำว่า "เทคโนโลยี่ก้าวไกล ความห่างเหินคนใกล้กัน ไปทุกที"
หมายเหตุ ฉันก็ยังฮักและศรัทธา ชื่นชม เวบบ้านมหา และผู้สร้างเวบ คะอ้าย แฮ่ะๆๆ
เอื้อยมักเล่นแต่เว็บบ้านมหาเพราะได้เว่าภาษาอีสาน ได้เฮ็ดในสิ่งที่ฮักคือการเข้าครัว
ได้รับโอกาสดีๆจากเว็บมาสเตอร์ให้เสนอเรื่องราวจากชีวิตจริง การเฮ็ดอาหารและขนม
ได้อ่านเรื่องราวต่างๆจากสมาชิกที่นำเสนอหลากหลายรูปแบบ มวนอีหลีจ้า
ทุกมื้อใช้ไอโฟนลงรูปภาพต่างๆบ่ต้องผ่านคอมฯ รวดเร็วทันใจ
นั่งพิมพ์ นอนพิมพ์หรืออยู่ในรถก็สะดวกหลายจ้า เสียแต่ว่ายังปรับรูปบ่ค่อยเป็น
ถ่ายรูปบ่เก่ง แต่ก็ค่อยเรียนรู้ๆไป แค่ได้กำลังใจจากสมาชิกมาทักทายกันก็ดีใจหลายเด้อจ้า
แก้ไขครั้งสุดท้ายโดย พวงพยอม; 06-10-2013 at 09:08. เหตุผล: แก้คำผิดจ้า
ดีเจต้อนรับหน้างาน เพิ่นบ่ได้เป็นปอดปวมดอก
แต่เป็นโรคมาเล็งเต้านม
แม่นอยู่ครับเอื้อยปุ้ย เอื้อยพวงพะยอม จั่งใด๋กะซ่อยกันอุ้มซูเว็บบ้านมหาให้มั่นแก่นเด้อครับ เว็บนี้หละที่ให้ผมพ้อมิตรภาพดีๆจากพี่น้องไทอีสานบ้านเฮา
โรคนี้แม่นมียารักษาบ่ละอ้ายคนจนผู้ยิ่งใหญ่ 55555
อั่น..เอื้อยปุ้ย บ่ได้เสียไปใสดอกครับ วนๆเวียนๆ อยู่นำแถวนี้ล่ะครับ ยากงานเลยบ่ค่อยได้เข้ามา บุญกะตั้งแต่ต้นปีพุ่นล่ะ ปีนี้บ่ฮู้ว่าสิลงประกวดอีกบ่ ย้านลิขสิทธิ์เพินจับ
เห็นพากันเว่าเรื่องเวป ผมกะวนไปเวียนมาอยู่ 2 หม่องคือกันครับ
อันแรกเลยกะบ้านมหานี้ล่ะ เข้า กทม. ปี 2009 กะพ้อเลย แต่สมัครสมาชิกบ่ได้จักเทือ
วนเวียนซอมอ่านกระทู้อยู่เกือบ 3 ปี เพินจั่งเปิดให้สมัครเสรี จั่งได้เข้ามาเป็นสมาชิกนำเพินนี้ล่ะครับ ดีใจบักคัก
หม่องที่ 2 กะแม่นเวปเครื่องเสียง ยอมรับว่าบ้าแฮง มักมาตั้งแต่น้อยๆ
ตอนสมัยเรียนกะคลุกคลีอยู่นำวงลำซิ่งมา 5-6 ปี เป็นตั้งแต่คอนวอย จนฮอดมือมิกซ์
ได้ยินเสียงเพลงดังตุ้มๆแมนแลนไปเบิ่งโลด
เฮ็ดงานเก็บเงินซื้ออุปกรณ์เบิดไปเกือบสองแสน แต่เวทีกับไฟแสงสียังบ่ทันได้
ตอนนี้กะน้องชายเป็นคนเอาเครื่องออกงาน เจ้าของได้เปิดฟังตะยามเมือบ้าน
ลองเข้ามาติดตามเบิ่งตามลิ้งนี้ครับ อ่านเบิดทั้ง 12 หน้าเด้อ สิได้ฮู้ว่าผมบ้าปานได๋
http://www.tiggersound.com/webboard/...151#msg2914151
ส่วนเฟสะบุ๊คกะมีนำเพินอยู่ดอก แต่ขั่นบ่มัก ซังภาษาเว่ามันบ่เป็นตะอ่าน
สมัครไว้ถ้าติดตามข่าวสารหมู่พวกซือๆ แต่บ่ได้โพสหยังหลาย
แก้ไขครั้งสุดท้ายโดย หยก ยโสธร; 08-10-2013 at 04:07.
ข่อยกะเป็นสมาชิกคือกัน เห็นบ่าวหยกอยู่นั่นแต่โดน Tiggersound
สมัรคไว้โดนเติบ พอได้ซอมเบิ่งเครื่องเสียง กับหาเบิ่งแนวกิน
กฎการส่งข้อความ
