หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: เมือยามบ้าน ออกพรรษา หายามลอบครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    เมือยามบ้าน ออกพรรษา หายามลอบครับ


    อาทิตย์ที่ผ่านมามีโอกาศได้ลงเมือเลือกตั้ง อบต. นับแต่ปีใหม่มา นี้กะเทือที 5 แล้วที่ได้เดินทางกลับภูมิลำเนา
    เฉลี่ยแล้ว 2 เดือนเมือบ้านเทือนึงกะวาได้ บ่ลงเมือกะบ่คือพี่น้อง หลูโตนอาว " ถ้าเจ้าบ่ลงมาซ่อย มันสิแพ้เพินเด้ทิด" วาซั่น
    กะเลยมีบรรยากาศปลายฝนต้นหนาวทางบ้านเฮามาฝาก นำเบิ่งเลยครับ


    ตี 3 เลิกงานออกกะเดิก ออกเดินทางจากบางปะกง ฮอดบ้าน ผบ. ทาง อ.มัญจา ขอนแก่น 8 โมงพอดี ถนนโล่งดีปานหยัง
    หมู่เฮ็ดงานนำกันเมือทีหลัง ออกเดินทางคืนวันเสาร์รถแน่นคัก ฮอดบ่ได้ลงคะแนน ออกหมอชิต 4 ทุ่ม ฮอดสุรินทร์ 5 โมงแลง
    เขาปิดหีบก่อน รถหลายปานวะปีใหม่เอาโลด

    เมือยามบ้าน ออกพรรษา หายามลอบครับ


    หลังจากกินเข้างายแล้ว พ่อใหญ่เพินว่าสิพาไปยามลอบ ใส่ไว้ตะมื่อวานแล้ว หม่องใส่กะเป็นท่งนาข้างบึงกุดค้าว ในพื้นที่ อ.มัญจาครับ

    เมือยามบ้าน ออกพรรษา หายามลอบครับ


    พ่วนน่ะ พายข้องคือซือๆดอก หากินบ่หมานนำบ้านเพินดอกครับ

    เมือยามบ้าน ออกพรรษา หายามลอบครับ


    บรรยากาศ น้ำแก่งบึงกุดค้าวครับ

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ


    หม่องนี้เป็นพื้นที่ท่งนาข้างบึงกุดค้าว น้ำท่วมข้าวพอสมควร แต่กะบ่ถึงกับตายน้ำ
    ขออภัยที่ไปถ่ายไกล้ๆลอบบ่ได้ ย้อนว่าต้องลุยน้ำลงไป บ่ได้เอากล้องลงไปนำ
    รูปนี้ถ่ายก่อนสินำก้นพ่อใหญ่ลงไปครับ

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ


    ผลงานครับ ปลาค่อ ปลาสลิด พอได้ปิ้งกับตำบักหุ่ง

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ


    ตัดภาพลงมาทางท่งนาตีนบ้าน ข้าวกำลังถอก ต้นยืนเรียงกันซาบลาบ จั่งหน่อยลมมาผมว่าคงสิล้มกองกันเบิดกะบ่จัก
    พ่อใหญ่เพินลงข้าวเจ้า กข15 ครับ จ้างเพินดำ เลยได้ต้นข้าวสูงเพียงกันสม่ำเสมอ ถ้าเป็นข้าวหว่านคงสิบ่งามปานนี้ดอก

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ

    เมือยามบ้าน ออกพรรษา หายามลอบครับ


    ฮูอิปูครับ อยู่เทิงคันแทนา กลับปีใหม่สิขุดมาอ่อมใส่กบยุดอก

    เมือยามบ้าน ออกพรรษา หายามลอบครับ


    พ่อใหญ่เพินเลี้ยงงัวแม่สาวไว้โตนึง พอได้ฝุ่นใส่สวนใส่นาครับ

    เมือยามบ้าน ออกพรรษา หายามลอบครับ


    ผักปังครับ เกิดอยู่ข้างฮั้ว ลวกกับป่นกะแซบ อ่อมใส่บักหอยจูบกะคักขนาด

    เมือยามบ้าน ออกพรรษา หายามลอบครับ


    ลากันด้วยภาพนี้ครับ จี่หล่อเลี้ยง ซื้อเพินไว้ 2 กิโล เพินขายโลละ 140 พอได้ฝากหมู่ทางกรุงเทพ

    เมือยามบ้าน ออกพรรษา หายามลอบครับ


    ขอบคุณบ้านมหา สำหรับพื้นที่นำเสนอ ขอบคุณเอื้อยอ้ายที่เข้ามายามกระทู้
    พ้อกันกระทู้อาหารอิสานเด้อ มีแนวกินบ้านเฮามาฝากหลายอย่างหลายแนวอยู่ครับ

  2. #2
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    ข้าวยืนต้นงาม คันแทนากะแปน น้ำ่อุดมจนท่วม สุดท้ายถ่าได้จ้ำป่นปลาค่อคือสิแซบคัก

  3. #3
    เมือบ้านคือกันครับ ศรีเมืองใหม่ รถติดฮ้ายโพดหนักกว่าสงกรานต์ บ่ทันลงคะแนน อบต.เลย

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ข้าวงามเนาะทางนั่น ตาออนซอนจิหล่อ
    ยามลอบแล้ว อย่าไปหาลักยามไซเด้อละบ่าวหยก 555

  5. #5
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    เห็นฮวงเข่าแล้วคึดฮอดบ้านอ่ำล่ำแท้น้อ

  6. #6
    ศึกษาหาความรู้ สัญลักษณ์ของ มาลัยศรี
    วันที่สมัคร
    Oct 2012
    ที่อยู่
    ฺกรุงเทพฯ
    กระทู้
    80
    บล็อก
    1
    เข่างามเป็นตาหมานเข่าเนาะปีนี่ นี่ล่ะบรรยากาศบ้านเฮาสิหาไสได่ดีกว่าบ้านเฮาบ่ได่แล่ว

  7. #7
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896
    ข้าวงามคักครับ บ่าวหยก...

    ทางกุดเค้า อุดมสมบูรณ์เนาะครับ ช่วงที่เรียนหนังสืออยู่ชัยภูมิ มีโอกาส ไปทุกอาทิตย์ครั มีธุระต้องไปวิทยาลัยเกษตรขอนแก่น พี่ชายเผิ่นสอนหนังสืออยู่หั่นครับ...

  8. #8
    บรรยากาศยามนี้เฮ็ดให่คึดฮอดบ้านอีหลีน้อจ้า ข้าวงามหลาย
    น้ำท่าอุดมสมบูรณ์ ได้กินปลานา สุดยอดแล้วจ้าน้องหยก

  9. #9
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    ข้าวงามคักจร้าาา อยากกินป่นปลาเนาะ
    เห็นภาพแล้วกะคึดฮอดบ้าน ดีเนาะได้เมือยามบ้านดู่คัก ทางนี่ได้กลับปีละเทือ

  10. #10
    แบ่งปันความรู้และประสบการณ์ สัญลักษณ์ของ คนภูหลวง
    วันที่สมัคร
    Feb 2010
    ที่อยู่
    เมืองเลย
    กระทู้
    378
    เห็นแล้วคิดฮอดบ้านน้ำท่าอุดมสมบูรณ์เนาะบ่าวหยก ได้ฉลองบ่ละ อ.บ.ต. นะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •