หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: คั่วเอี่ยน ส่งจากทางลาซาลครับผม

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    คั่วเอี่ยน ส่งจากทางลาซาลครับผม

    หายไปหลายมื่อเติบครับ ย้อนยากเวียกยากงาน มื่อนี้พอมีเวลาว่าง เลยได้มีโอกาศนำเสนอเมนูให้พี่น้องบ้านมหาเฮาเบิ่ง
    มื่อนี้มาในแนวอาหารป่าน้อครับ ในเมนู "คั่วเอี่ยน" วัตุถุดิบกะได้มาจากทางบ้านเฮาพุ่นล่ะ อ้ายเพินไปใส่บั้งลันมาไว้ถ่า ขังไว้จนจ่อย
    แบ่งเฮ็ดกินยุบ้าน แล้วกะขังใส่คุเอาลงมาต้อนหมู่ทางกรุงเทพนำพร้อม ... เว่าหลายยายห่าง ลงมือเฮ็ดกันเลยครับ

    ส่วนประกอบ
    - เอี่ยน (ปลาใหล)
    - พริกแห้ง กระเทียม หัวซิงไค ผิวมะกรูด
    - ใบมะกรูด ใบกระเพา

    เครื่องปรุง
    - ซอสหอย ซีอิ้วขาว ซอส รสดี น้ำปลา ผงนัว
    - พริกแกงเผ็ด เกลือ
    - น้ำมันพืช

    ขั้นตอนการเฮ็ด
    ขั่นแรก เตรียมปลาใหลก่อนเลยครับ ขั้นตอนนี้ผมบ่สามารถเก็บภาพได้ ย้อนว่ามือเปื้อน ย้านกล้องถืกน้ำ ขออภัยหลายๆ
    จัดการเอาค้อนทุบหัว ผ่าท้องเอาเครื่องในออก จากนั้นเอาสากทุบตามสันหลังให้กระดูกแตก ล้างให้สะอาด แล้วหั่นเป็นต่อนพอดีคำ

    มื่อนี้ผมค้นพบวิธี ล้างเมือกปลาใหลจั่งได๋ให้สะอาด หลังจากลองมาหลายวิธี บ่ว่าสิเป็น เอาเกลือล้าง เอาสก๊อตไบร้ถู แต่เมือกเอี่ยนกะยังบ่เบิด
    วิธีที่ว่ากะคือเอาน้ำบักกรูดครับ มื่อนี้ได้บักกรูดมาจากบ้านหลายหน่วย ผ่าครึงแล้วบีบเอาน้ำมันลงในกะละมังที่เฮาสิล้างเอี่ยนจัก 4-5 หน่วย
    ตักน้ำใส่ลงไปจัก 2-3 ขัน เอาปลาใหลที่เฮาผ่าท้องลงไปล้าง ทั้งเมือก ทั้งเลือดปลาใหลสิจับกันเป็นก้อน ล้างออกง่าย บ่คาวพร้อม
    ย้อนว่าถูกกรดจากน้ำบักกรูด บ่แน่ใจว่าสิใช้น้ำส้มสายชูแทนได้บ่ ลองเบิ่งเด้อครับ

    ภาพนี้ได้เอี่ยนที่หั่นเป็นต่อนเรียบร้อย โตบ่ใหญ่ปานได๋ครับ บ่เป็นหยัง แซบคือเก่า

    คั่วเอี่ยน ส่งจากทางลาซาลครับผม


    ต่อมากะเตรียมสมุนไพร เพื่อสิตำเครื่องแกง สิเว่าไปมันกะซำ "ผัดเผ็ดเอี่ยน" ล่ะครับ เพียงแต่บ่ได้ใส่กระชายกับพริกไทอ่อนซือๆ

    คั่วเอี่ยน ส่งจากทางลาซาลครับผม

    คั่วเอี่ยน ส่งจากทางลาซาลครับผม


    ซอยหัวซิงไค พริกแห้ง กระเทียม ผิวบักกรูด ลงในครกแล้วโขลกให้ละเอียด อย่าลืมหยุบเกลือใส่นำนิดนึง
    อาหารป่าเน้นเผ็ดแนเด้อครับ จั่งบ่คาว

    คั่วเอี่ยน ส่งจากทางลาซาลครับผม


    พอแหลกแล้ว เติมพริกแกงเผ็ดลงไปนิดนึง พอได้สีสัน อย่าใส่หลายเด้อครับ มันสิเป็นเอี่ยนผัดพริกแกงเด้
    จากนั้นโขลกให้เข้ากันอีกเทือนึง จั่งตักออกพักไว้

    คั่วเอี่ยน ส่งจากทางลาซาลครับผม


    เตรียมเครื่องปรุงครับ ซอสหอย ซีอิ้วขาว ซอส รสดี น้ำปลา ผงนัว

    คั่วเอี่ยน ส่งจากทางลาซาลครับผม


    หันมาค้างกะทะด้วยไฟอ่อน หยอดน้ำมันพืช 1 ช้อนโต๊ะ ผัดเครื่องให้หอม ถ้าได้ยินเสียงคนอยู่ห้องถัดไปจาม แสดงว่าใช้ได้ แซบแนนอน คั่วเอี่ยน ส่งจากทางลาซาลครับผม

    คั่วเอี่ยน ส่งจากทางลาซาลครับผม


    จากนั้นเอาเอี่ยนลงไปคั่ว ใช้ไฟแฮงจนเกือบสุก จั่งหยอดน้ำลงไปพอได้จ้ำ บางคนเพินมักแบบ "คั่วแห้ง" เพินกะบ่หยอดน้ำครับ
    หยุบใบบักกรูดลงไปนำ แล้วกะปรุงรสด้วยซอสหอย ซีอิ้วขาว ซอส รสดี น้ำปลา ผงนัว

    คั่วเอี่ยน ส่งจากทางลาซาลครับผม

    คั่วเอี่ยน ส่งจากทางลาซาลครับผม


    ปล่อยให้เดือดจักคราว สุกดีแล้วจั่งหยุมใบกระเพราลงไป ถ้าได้ใบกระเพาแคระบ้านเฮาที่เกิดเองแฮงคักเด้อครับ กลิ่นหอมฉุนดีคัก
    ที่ผมใช้นี้กะเก็บเอาจากข้างคอกรถหน้าตึกนี้ล่ะ เกิดเองกอบักใหญ่นึง

    คั่วเอี่ยน ส่งจากทางลาซาลครับผม


    ใส่ใบกระเพาลงไปแล้วกะยกลงตักใส่จานเสริฟได้เลยครับ ได้น้ำฟองเย็นๆกินกับหนิดึงหูบ่ตีงพุ่นแล้ว
    มื่อนี้กินกับหมู่สามคนกะเบิดไปแปดขวด ข้าวแลงกะกินบ่ได้ คั่วเอี่ยน ส่งจากทางลาซาลครับผม คั่วเอี่ยน ส่งจากทางลาซาลครับผม

    คั่วเอี่ยน ส่งจากทางลาซาลครับผม


    เล็กๆน้อยๆจากทีมงาน ขอบคุณบ้านมหาสำหรับพื้นที่ ขอบคุณเอื้อยอ้ายที่แวะเข้ามายามกระทู้
    พ้อกันใหม่กระทู้หน้า ครับผม
    แก้ไขครั้งสุดท้ายโดย หยก ยโสธร; 08-11-2013 at 02:52. เหตุผล: ปรับขนาดรูป

  2. #2
    ศึกษาหาความรู้ สัญลักษณ์ของ " แคน ชัยภูมิ "
    วันที่สมัคร
    Apr 2012
    กระทู้
    220
    เปิดเข้าพ้อแต่เช้า.....หิวข้าวเลย บ่าวหยก :b-b:b-b:b-b :*-

  3. #3
    ศึกษาหาความรู้ สัญลักษณ์ของ คนของหัวใจ
    วันที่สมัคร
    Dec 2009
    กระทู้
    139
    อาทิตย์ก่อนพ่อได้มาตัวหนึ่งเข้าหลุมปลา 1.2 ขีด ปานงูใหญ่ บ่มีไผกล้ากินเลย ตัวใหญ่โพดค่ะ บ่เคยกินคือกันเอี่ยนกะดาย ตะเห็นตัวกะย้าน

  4. #4
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    219
    รู้สึกว่าทางลาซาลสิหายุหากินหมานแต่ละเมนูสุดยอดอาหารอีสานทั้งนั้น

  5. #5
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    219
    แถวอีกนิดถ้ามีต้มปลาไหลมีเกล็ดคงสิเข้ากันบ่คอย

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ของมักของชอบตั่วนี้ แม่นแท้ต้มใส่เหล้าขาว ใส่ผักแพว แซบคัก

  7. #7
    ศึกษาหาความรู้ สัญลักษณ์ของ เซียงโหลศรีสะเกษ
    วันที่สมัคร
    Sep 2012
    กระทู้
    32
    มื้อหน้าสิจ้างมาเป็นพ่อครัวแถวบางปลาดอก คิดค่าเชฟแพงบ่อาว...พ่อลุงเพิ่นดักกุ้งอยู่บ่อปลาติดเอี่ยนทุกปากเลยแมะ เห็นแล้วคิดฮอดรีเจนซี่ขึ้นมาทันทีครับ.

  8. #8
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    กะเป็นตาแซบควมเลาอิหลีหละเน๊าะกนง่ายคือคนอิสานเน๊าะอยู่ไสกะได้

  9. #9
    ศึกษาหาความรู้ สัญลักษณ์ของ อีหยังสิปานนั้น
    วันที่สมัคร
    Apr 2012
    ที่อยู่
    กระบี่
    กระทู้
    323

    โอ้ย น้อ มาอยาก กรึบ 40ดีกรี
    จักโบก แล้วซดต่อนปลาไหล ล้างคอ เด้

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ถ้าเป็นเอี่ยนทางบ้านเฮากะพอกินได้สนิทใจ
    ส่วนเอี่ยนตามตลาด ที่มาบ่แน่ชัด กะบ่ค่อยถนัดครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •