หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: นึ่งไก่ (ในหวด) ส่งจากทางลาซาลครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    นึ่งไก่ (ในหวด) ส่งจากทางลาซาลครับ

    สืบเนื่องจากวันอาทิตย์ที่แล้ว หมู่ฮักหมู่แพงเพินเข้ามายาม จ่มอยากกินนึ่งไก่ กะเลยมีเมนูมาฝากพี่น้องบ้านมหาได้เบิ่งกัน
    ย้อนว่าหอพักบ่มีซึง (ลังถึง) กะเลยได้นึ่งใส่ในหวด เทิงย้านไก่บ่สุกกะปานนั้น ชมภาพกันเลยครับ

    วัตถุดิบ
    - ไก่สด 1 ตัว
    - กระเทียม หัวซิงไค ใบบักกรูด รากผักชี
    - พริกไทเม็ด
    - บักนาว พริกสด ต้นหอม ผักชีจีน สำหรับตำน้ำจิ้ม

    เครื่งปรุง
    - เกลือ ผงนัว ซอส ซีอิ้วขาว รสดี น้ำมันหอย น้ำปลา
    - น้ำตาล สำหรับตำน้ำจิ้ม

    มื่อนี่ผมได้ไก่เนื้อมาครับ โตนี่โลเคิ่ง อย่าหลงซื้อไก่ที่ไข่สุดแล้ว โตเหลืองๆ ที่ขายนำตลาดมาเด้อครับ มันเหนียว หย่ำบ่แหลก
    ผมหลงซื้อมาเทือนึง ว่าแม่นไก่แม่สาวไข่ใหม่ตี๊สั่นดอก เอามาแกงใส่หน้อไม้ส้ม พี่น้องเอ๊ย... เทิงกินเทิงให้ เสียดายหน่อไม้ส้ม นึ่งไก่ (ในหวด) ส่งจากทางลาซาลครับ นึ่งไก่ (ในหวด) ส่งจากทางลาซาลครับ

    นึ่งไก่ (ในหวด) ส่งจากทางลาซาลครับ


    ขั้นแรกตำเครื่องสำหรับหมักไก่ก่อนเลยครับ เกลือ พริกไท กระเทียม รากผักชี

    นึ่งไก่ (ในหวด) ส่งจากทางลาซาลครับ


    เตรียมแนวหมักไก่ครับ ผงนัว ซอส ซีอิ้วขาว รสดี น้ำมันหอย น้ำปลา

    นึ่งไก่ (ในหวด) ส่งจากทางลาซาลครับ


    ล้างไก่ให้สะอาด เอามีดแหลมแทงนำอกไก่ เผื่อน้ำมักสิได้เข้าในเนื้อครับ จากนั้นตักเครื่องที่ตำไว้มาลง พร้อมกับปรุงรส หมักไว้จัก 15 นาที
    ทุปหัวซิงไค กับใบบักกรูดยัดเข้าไปในท้องไก่นำเด้อครับ

    นึ่งไก่ (ในหวด) ส่งจากทางลาซาลครับ


    15 นาทีผ่านไป เอาหม้อนึ่งใส่น้ำขึ้นค้างไฟ เอาน้ำฮวด (ราด) หวดที่เฮาสิใช้นึ่งไก่ก่อนครับ เผื่อบ่ให้เนื้อไก่ติดหวด
    ถ้าไผสิใช้หวดนึ่ง แนะนำว่าให้ใช้หวดแยกกันกับที่เฮาใช้นึ่งข้าวเด้อครับ ถ้าเอาหวดที่ผ่านการนึ่งแนวกินแล้วมานึ่งข้าว
    สิเฮ็ดให้ข้าวเงือย ข้าวบูดไวพร้อม หวดหน่วยนี้ผมเอาไว้สำหรับนึ่งผัก นึ่งปลาโดยเฉพาะครับ

    อย่าลืมเอาถ้วยน้อยฮองก้นหวดนำเด้อ ฮองเอาน้ำนึ่งไก่ เอาไว้ใส่น้ำจิ้มนำ ...
    ไก่เต็มก้นหวดจุ้มบุ้ม สุกบ่น้อพี่น้อง เทิงเฮ็ด เทิงลุ้น นึ่งไก่ (ในหวด) ส่งจากทางลาซาลครับ

    นึ่งไก่ (ในหวด) ส่งจากทางลาซาลครับ


    ระหว่างที่ถ้าไก่สุก เพื่อบ่เป็นการเสียเวลา เฮากะหันมาตำแจ่วถ่าเลยครับ หมู่กะยายน้ำบักตูมไปนำ
    ผริกสด กระเทียม น้ำตาล ผงนัว เกลือนิดนึง ตำรวมกันให้ละเอียด

    นึ่งไก่ (ในหวด) ส่งจากทางลาซาลครับ


    จากนั้นปรุงรสให้ เปรี้ยว เค็ม หวาน ตามแต่ผุมัก อย่าลืมหยอดน้ำนึ่งไก่ลงนำ สิได้นัวๆ

    นึ่งไก่ (ในหวด) ส่งจากทางลาซาลครับ

    นึ่งไก่ (ในหวด) ส่งจากทางลาซาลครับ


    ซอยต้นหอม ผักชีลงนำ สิได้น้ำจิ้มนึ่งไก่ ครับ

    นึ่งไก่ (ในหวด) ส่งจากทางลาซาลครับ


    30 นาทีผ่านไป มาครับบาดทีหนิ มาลุ้นนึ่งไก่ สิสุกบ่ ผลออกมาเกินคาดครับ สุกทั่วตัว เปื่อยดีปานหยัง

    นึ่งไก่ (ในหวด) ส่งจากทางลาซาลครับ


    ฉีกขาออกแบ่งใส่จาน แซบๆนำกัน

    นึ่งไก่ (ในหวด) ส่งจากทางลาซาลครับ


    ทิ้งท้ายด้วยน้ำบักตูมตราลูกโลก โดนๆเทือหมู่พวกมายามน้อครับ ... ผบ ว่าเมนูนี้ผ่าน อาทิตย์หน้าจัดให้อีกแนเด้อว่าซั่น

    นึ่งไก่ (ในหวด) ส่งจากทางลาซาลครับ


    เล็กๆน้อยจากทีมงาน ขอบคุณพื้นที่สำหรับนำเสนอครับ

  2. #2
    ศึกษาหาความรู้ สัญลักษณ์ของ เซียงโหลศรีสะเกษ
    วันที่สมัคร
    Sep 2012
    กระทู้
    32
    ขอร่วมวงนำแน๋ไดบ่ครับอาวหยก...เห็นรีเจนซีแล้วน้ำลายแตกซวดๆน้อบาดนิ..

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ตื่นมาเฮ็ดตอนตีสามพะนะ นึ่งไก่ใส่หวดดีอยู่ครับ ดีกว่านึ่งหวดใส่ในไก่อยู่ ...ฮ่า ๆ

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    มันกะแซบปานหยังแล่ว มีแนวล่องคอพร้อม 555

  5. #5
    ศึกษาหาความรู้ สัญลักษณ์ของ " แคน ชัยภูมิ "
    วันที่สมัคร
    Apr 2012
    กระทู้
    220
    ย้ายหม่องอยู่ไปแถวซอยลาซาลซะบ้อ....หือ... :*-

  6. #6
    ศึกษาหาความรู้ สัญลักษณ์ของ บ่าวมือสอง วัดไทร
    วันที่สมัคร
    Jun 2013
    กระทู้
    103
    โอ๋ย..มาเฮ็ดให่น่ำลายเฮียแต๊เซ่าแท่ล่ะครับ เป็นตากินเอาฮ่ายนึ่งไก่ผมเองกะบ๊อได้กินมาโดนแล่ว

  7. #7
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    อยากซิมเด้หน้อ เป็นตะแซ่บฮ้าย อยากซิม ทั้งสองอย่างจ้า

  8. #8
    ศึกษาหาความรู้ สัญลักษณ์ของ อุ่นคำ
    วันที่สมัคร
    Jun 2012
    ที่อยู่
    นครราชสีมา
    กระทู้
    72
    ป๊าดดดดดดดด....คือเป็นตาแซบคัก

  9. #9
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    สุดๆกับเมนูนี้ครับ เฮ็ดยามได๋กะแซบ

  10. #10
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    แชบ นำ บักแฮ้ว กินรี นี้ ละข่อยว่า ให้ ดี่ไก่ บ้าน น้อ คือ สิเหนี่ยวนุ่ม

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •