เป็นวันหยุดที่มีภารกิจม่วนๆ ตามไฮ่นาอีกมื้อหนึ่ง หลังจากเกี่ยวข้าวขึ้นเล้าเรียบร้อย
กะคึดหาแนวเฮ็ด แนมเห็นคันแทหลายกะกีดหูกีดตาซั่นแหล่ว คึดอยากเอาคันแทออก
ให้เหลือหน่อยที่สุด กะเลยจ้างรถแทรกเตอร์เผิ่นมาม่างคันแท เจ้าของกะเผาเฟืองให้เผิ่น
ใจกะบ่ออยากเผาเอาไว้เป็นปุ๋ย แต่เผิ่นบอกว่าคันบ่อเผาเฟืองมันเฮ็ดยาก
รถดันโพนจอบถ่าลัดหนูกะบ่อเห็นจักโต ได้แต่งูสิงเสื้อโตหนึ่ง
อ่วยหากินในสระแหล่วบาดเนี่ย นี้คือที่หมาย
เอาผ้าแหง่งตากข้าวเฮานี้หล่ะลงไปช้อนใต้ผักตบ โดยทีมงานหากินบ่อหมานแต่ได้หลาย อิ อิ
พอช้อนใต้ผักเรียบร้อยแล้วยู้เข้าฝั่ง ส่อยกันเอาผักออก ยกขึ้นฝั่ง
ส่อนปลากะบ่อได้แต่ปลาเด มีของแถมนำ อยากกินเอี่ยนผัดเป็นเอี่ยนมีเกล็ดบาดนี้
จักปลาจักงู จักเอี่ยน มีทังเขียดอีขิกปนกันอะยะ
ได้มาส่ำนี้ลุ่ะพี่น้อง กะพอได้ต้มได้ย่างสู่กันกินยุ
ต้มปลาดุกฮ้อนๆ ซดน้ำทังคุ้มกะบ่อเบิ้ด
ผัดเอี่ยนใส่หมากเขือ ย้อนว่ามันได้หน่อย คันสิผัดสื่อๆ ย้านบ่อพอกิน
เฮ็ดแล้วกะให้เด็กน้อยกินกับข้าว ส่วนผู้เฒ่ากินกับเหล้ากับเบียร์ตามธรรมเนียม เหอ เหอ เหอ
ขอสงวนซุมผุเฒ่าบ่อเอาออกอากาศ
ขอบคุณพื้นที่บ้านมหา ขอบคุณผู้ติดตามทุกท่าน กับอีกมุมหนึ่งของชีวิตทิดจ่อย
Bookmarks