"ลาบนกเป็ดน้ำลั่นทุ่ง" -By ครัวอินดี้ -

[หลอดปอดป่อง]

สวัสดีพี่ๆ น้องๆชาวบ้านมหาทุกคนน้อครับ

สืบเนื่องจากว่ามื้อวานครับ มีอ้ายซายเผิ่นได้เอานกเป็ดน้ำมาฝากครับ

ปกติผมกะบ่อยากกินอาหารแบบนี้ดอกครับ แต่ว่าไหนๆเผิ่นกะเอามาให้แล้ว

เผื่อบ่เป็นการเสียน้ำใจ ผมกะเลยรับไว้ครับ 55

มื้อนี่ได้ฤกษ์กะเลยจัดการซะเลย

เมนูนี้ให้ชื่อว่า "ลาบนกเป็ดน้ำลั่นทุ่ง" By ครัวอินดี้

วัตถุดิบได้แก่

1.นกเป็ดน้ำ
2.ข้าวคั่ว หัวหอม หอมเป เกร็ดหอย (สะระแหน่) ล่ะกะ พริกป่น
3.น้ำปลา ผงชูรส บักนาว





วิธีทำ

1. นำนกเป็ดเลือกเอาส่วนที่มีเนื้อหลายๆน้อครับ หรือแล้วแต่สะดวก สับให้ละเอียด



2.นำนกเป็ดที่สับแล้ว ไปลวนให้สุก



3.ปรุงรสด้วยน้ำปลา ผงชูรส บักนาว ใส่ข้าวคั่ว หัวหอม หอมเป เกร็ดหอย พริกป่น ลงไป ใส่พร้อมๆกันเลยครับ คนให้เข้ากัน ชิมเบิ่ง เป็นอันเสร็จครับ





มาเด้อครับ แซบๆนำกัน



เมนูเสริม





:b-b

[เซียนเมา]

มันต้องมีแนวแกล้มนำ มันจั่งคัก แหะๆ

:b-b:b-b:b-b

[หยก ยโสธร]

เป็นตะแซบครับ ... ว่าแต่เมนูเสริมหนิ แม่นหยังน้อครับ แม่นฮังแตนบ่ครับ

[pui.lab]

ที่เมกา นกแช่แข็งหลายมีหลายชนิด แต่เอื้อยบ่รู้จิเฮ็ดหยังดี แซบคือลาบไก่บ่น้อง

[แหลวแดง]

อย่าคุ้ยคำใหญ่เด้อ จ้ำเอา เป็นตาแซบหลาย

[มาลัยศรี]

ของดีมีหน่อย ค่อยๆจ้ำกะพอล่ะ เป็นตาแซ่บคั่กโว่ย

[ฅนภูค่าว]

โดนๆกินเทือคือสิแซบแฮง ของหากินยาก :b-b :b-b :*- :*-

[คนตระการ...]

เป็นตาแซบคัก
สุดยอดเมนูนี้