กำลังแสดงผล 1 ถึง 2 จากทั้งหมด 2

หัวข้อ: สัญญาลมหนาว

  1. #1

    คุยเรื่องฟุตบอล ฟุตบอล สัญญาลมหนาว

    สายลมหนาวมาต้องเดือนสิบสองท้ายปีเก่า
    ปีใหม่ใกล้สิเข้าความหนาวนั้นฮั่งหนาวแฮง
    หล่าคำแพงจำได้บ่หล่าเจ้าสัญญาว่าสิต่าว
    ฮอดยามหนาวสิคืนบ้านมาจาต้านต่อพี่ชาย
    เป็นจั่งได๋น้อบัดนี่คือซ่างมิดมี่แท้น้อนาง
    หรือแม่นหนทางเจ้าสิมามันบังตาบ่เห็นแล้ว
    หรือเจ้าแจวหนีอ้ายพ้อคนใหม่แล้วลืมหลัง
    เจ้าเป็นหยังน้อคำอ้ายมาซ่างคิดนำสิเป็นบ้า
    ในอุรามันวุ้นคิดไปหลายจนหัวหมุนเจ้าฮู้บ่
    อ้ายยังรอนางหล่าสิถ่าเจ้าแต่ผู้เดียวดอก...นางเอ้ยสัญญาลมหนาว


  2. #2
    ศึกษาหาความรู้ สัญลักษณ์ของ toyota1001
    วันที่สมัคร
    Feb 2010
    ที่อยู่
    นกขมิ้น ถิ่นพลาญชัย
    กระทู้
    61
    สายลมหนาวมาฮอดแล้ว จ้ำแจ่วกินผักหม ลมหนาวมาชูนคิง แห่งประวิงนำเขาพุ้น จำได้คำปูนกี้สิมีทางเป็นได้บ่ สายลมหนาวพัดจ้อจ้อ สิขานเว้าต่างหลัง เดียวนี้ทุกสิ่งยั่ง ไม่คือเก่าแต่คราวหลัง หนาวมาเป็นวัง ๆ บ่พอคราวกะเหมิดสิ้น คือจั่งยุพินไกลหน้า ว่าสิมาโลดบ่ตาว ย้านแม่นหลงนำบ่าว แนวว่าเฮามันผู้ฮ้าย คอยได้กะแค่คอย นั่นละอ้าย...........

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •