ปิ้งหนูพุก ตอนกลับบ้านปีใหม่ครับ

[หยก ยโสธร]

เป็นอีกเมนูครับ ที่ได้กินตอนกลับบ้านปีใหม่หว่างหั่น เก็บภาพมาฝากพี่น้องบ้านมหาผุเพินบ่ได้เมือบ้าน หรือว่าเมืออยู่แต่บ่ได้กิน
หนูพุกโตนี่ น้องชายหล่าไปใส่บ้วงได้มาโตใหญ่เติบ ถ้าซื้อเพินโตนี้สิตกอยู่ประมาณ 120 บาท (หลกขนผ่าท้องให้แล้ว) แพงกว่าไก่พุ่นเด้อครับ

วัตถุดิบ : หนูนา หรือหนูพุก (หนูนำตลาดบ่เอาเด้อ ) เกลือ กระเทียม ผงนัว


ได้หนูมาแล้ว กะหลกขน ลนไฟเอาขนบั่วออก ผ่าท้องเอาเครื่องในออก ตัวหัว ตัดหาง ตัดตรีนออกนำ แล้วล้างน้ำให้สะอาด




หลังจากนั้นเฮากะหมักเครื่องครับ มื่อนี้หมักแบบโบรานบ้านเฮา ใส่แต่เกลือ กระเทียม กับผงนัวกะพอครับ บ่ได้ใส่พริกไทยกับซอส




หมักได้ที่แล้วเฮากะเอาขึ้นย่างเทิงเตาถ่าน ใช้ไฟปานกลางเด้อครับ เดี๋ยวสิใหม้ก่อนสุก








พอหนูสุกแห้งดีแล้ว กะยกลงแกะใส่จานกินกับข้าวเหนียวฮ้อนๆ แจ่วพริกผงจักถ่วยบีบบักกอกใส่นำ บ๊ะ เข้ากันขนาด
ลากันด้วยภาพนี้เนาะครับ เอาไว้พ้อกันกระทู้หน้าน้อ

[ทิดจ่อย]

นี่กะเมนูมักอีกคือกัน กินบ่อมีเบื่อ แต่น้อยพ่อพาไปนอนนาเฝ้าข้าว ได้นอนซุ้มผุเดียว เลาไปหา
ยิงหนูมาย่างให้กินไปโรงเรียนยามเซ้า ทุกมื้อนี้คันมีเวลากะไปหายิงมาผัดเผ็ดยุกินกับเบียร์เย็นๆ
บ่อค่อยได้กินย่างคือสมัยเป็นเด็กน้อย เพราะหาได้หน่อยย้านบ่อคู่แข่วกัน อิ อิ อิ

[คนตระการ...]

เป็นตาแซบอยู่ดอก แต่ก่อนกะว่าแม่นคักอยู่ หาไส่บ่วง ไต้หนู
พอมาอยู่กรุงเทพแล้ว เห็นหนูกะเลยย้าน 5555
เลยเว้นหนู กับ เอี่ยน

[คนภูหลวง]

เดี๋ยวนี้ทางบ้านดับแนวเบิดแล้ว เดี่ยวนี้เพิ่นพากันเหมารถไปใส่แฮ้วเอาทางจังหวัดน่านมาขายโตละ 120-180 บาท ไปคืนเดียวหักค่ารถรายได้เหลือคนละ 2000-3000 บาท ถือว่าใช้ได้ทีเดียว

[พ่อใหญ่เซียงเบ้า]

เป็นอีกแนวหนึ่งที่พ่อใหญ่เซียงเบ้า บ่อยากให้เซลล์มาชวนชิม ย้อนว่าอยากซิมผู่เดียว เพราะว่ามันแซ่บหลาย มักขนาดครับปิ้งหนูตามท้องไฮ่ท้องนา ตามธรรมชาติ ส่วนหนูที่อยู่ในเมืองซุมหนูท้องลาย บ่กล้าไปใกล้ ย้อนว่าอันตรายครับ 555

[จ่าเหลือง]

นี้ อีกเมนู สุดยอด ของแชบอิสาน :*-:*-

[คุณฉุยเลย]

เฮ็ดหยังกินกะแซบครับ โตใหญ่ขนาดนี้ บ้านผมหมกใส่หยวกกล้วย แจกกันได้กินหลายครัวอยู่ แต่ถ้าปิ้งกะกินผู้เดียวพอแล้ว ของหายากเนาะ

[พล พระยาแล]

เป็นตาแซบแถะครับ...บิมาให้กินกับข้าวเหนียวฮ้อน ๆ จักขาแนครับ

[pui.lab]

ป๊าสสส ตัวใหญ่แท้ะ สับๆผัดใส่กระเพราเผ็ดๆ

[หลอดปอดป่อง]

บ่ได้กินโดนแล้ว หนูพุกหนิ เห็นแล้วน้ำลายแตก