หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: บรรยากาศออกไปเลาะท่งนา หาเก็บผักกาดตอนปีใหม่ 57 ครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ซำบายดีพี่น้องบ้านมหา มื่อนี้บ่าวหยกเอาบรรยากาศตอนออกไปเลาะท่งนา หาเก็บผักกาดช่วงปีใหม่มาฝากครับ
    เป็นช่วงเวลาค่ำคล้อย แดดอ่อนๆ อากาศเย็นๆ ย่างเลาะท่งนามีความสุขหลาย

    นาท่งนี้มีโอกาศได้กลับไปดำซอยเถ่าแม่ยุครับ หว่างเข้าพรรษา ตามลิ้งครับ http://www.baanmaha.com/community/thread49520.html
    เบิ่งเถียงนา แต่ก่อนนี้เอาไพหญ้ามุงหลังคา แต่หว่าถูกพายุลูกเห็บพัดตอนฝนใหม่จนพัง เฒ่าพ่อเพินเลยเฮ็ดให้แข็งแรงกว่าเก่า
    แล้วกะมุงด้วยสังกะสี ยามแดดฮ้อนๆ สิฮ้อนกว่าเอาไพหญ้ามุงครับ แต่กะมีฮ่มไม้ซอยได้หลายยุ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    นาไฮนี้ หลังจากที่เกี่ยวข้าวออกแล้ว พ่อเพินไถกลบเฟือง แล้วกะหว่านในบักถั่วพร้าเฮ็ดปุ๋ยพืชสดครับ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ซุมลำมัน เตรียมไว้ถ่าเอาขึ้นไปปลูกเทิงไฮอนฝนตกใหม่พุ่นล่ะ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ส่วนนาไฮนี้หลังจากที่เกี่ยวข้าวออกแล้ว พ่อเพินกะไถยกร่อง ลงมันสำปะหลังไว้ ฮอดยามฝนมาช่วง พ.ค. - มิ.ย. พอได้ขุดขายเอาค่าปุ๋ย

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ซุมนี้ยุเทิงโนนหลังเถียงนา ลงไว้ตั้งแต่ดำนาแล้ว บ่งามปานได๋ครับ ดินแก่นโพด เป็นโนนกอไผ่เก่า

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    พุ่นน่ะ ลูกน้อง ว่าแต่เจ้าของย่างออกจากเฮือน ย่างนำก้นต้อยๆ จากบ้านมาโดนปานได๋เพินกะยังจำเจ้าของได้คือเก่า

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ย่างข้ามโนนออกไปอีกนานึงครับ บ่ไกลกัน เป็นนามูลของเถ่าแม่ พ่อกับแม่นาไกล้กัน แต่เป็นสาวไปเลี้ยงงัวนำกันดู๋เลยมักกันว่าซั่น บรรยากาศออกไปเลาะท่งนา หาเก็บผักกาดตอนปีใหม่ 57 ครับ
    นานี้กะได้มีโอกาศได้เมือไปหว่านข้าวซอยเพินคือกันครับ ตามลิ้ง http://www.baanmaha.com/community/thread48896.html
    โนนนี้ แต่ผมน้อยๆนั้นฮกแฮง มีเทิงหนู เทิงจอนฟอน เทิงงูแลนข้ามทางหลายคัก ที่สำคัญเห็ดปลวกเกิดดีพร้อม
    แต่ทุกมื่อสภาพแวดล้อมเริ่มเปลี่ยนแปลงไปตามกาลเวลา สัตว์มาอยูอาศัยกะหน่อยลง

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    พอย่างซอดโนนออกมา แนมเห็นก้อนขี่ไถขาวๆ เพินกะไถกลบเฟืองแล้วกะหว่านในบักถั่วพร้าเฮ็ดปุ๋ยพืชสดคือกันกับนามูลของเถ่าพ่อ
    ส่วนใฮที่รถจอดอยู่เพินจั่งจ่งไว้ถ่าล่ามงัว เดี๋ยวงัวสิบ่มีหญ้ากิน อีกฟากนึงกะเป็นสวนผักครับ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    เฒ่าแม่เพินปลูกผักไว้กินภายในครัวเรือน บ่ได้ปลูกขาย ซึ่งพี่น้องไทเฮือนอื่นเพิ่นกะปลูกคือกัน หน่อยหลายกะแล้วแต่กำลังเจ้าของสิเฮ็ดได้
    ส่วนมากแล้วสิเน้นที่หอมแดงครับ ยามหอมลงหัวแก่จัดช่วงปลายเดือนมีนา แม่เพิ่นกะสิกู้ขึ้นมามัดเป็นจุกๆ แขวนเก็บไว้กินได้โดนข้ามปี
    ผิดกับหอมแดงที่เฮาซื้อนำตลาดนัด ที่แม่ค้าเพินรับมาขาย ซุมนี้เพินสิเน้นยาเร่งให้ผักโตเร็ว เก็บไว้บ่ถึง 2 เดือนกะแฟบแล้วครับ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    อั่นนี้แม่นน้ำส่างครับ เอาไว้สำหรับฮดสวน (รดผัก) แล้วกะไว้ถ่าตักน้ำให้งัว ตักน้ำมาใช้ยามไปนา อยู่บ่ไกลเถียงนาปานได๋
    อยู่บ้านเพินเอิ้นว่า "ส่างโบก" เพราะมีโบกปูนใส่ลงไปป้องกันดินพัง มีน้ำซึมออกมาเบิดปีครับ น้ำลึก 2 เมตรกว่า
    ยามจะใช้น้ำกะเอาตะขอไม้ไผ่ เกี่ยวกับฮวงคุถังตักน้ำขึ้นมา
    ผมว่าอันตรายยุ ย้อนมันพอดีกับผิวดิน ย้านหลานน้อย ย้านงัวน้อยย่างตกลงไปในส่าง เลยบอกอิพ่อให้เพินเฮ็ดฮั้วกั้นไว้
    แต่ข้อดีของมันกะคือ มีกบตกลงไปแล้วขึ้นบ่ได้ พอได้เอาสวิงลงไปส่อนขึ้นมาอ่อมดู๋ยุ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    หอมแดงครับ ตอนที่ผมถ่ายรูปมานี้ ผักอายุได้เกือบเดือนแล้วครับ ปลูกวันที่ 10 ธ.ค. บ่ได้ฉีดยาหยังจักแนว เน้นปลอดสารพิษ
    ปลูกไว้ 12 แปลง ฮดน้ำแปลงละ 6 ถัง หลายกว่านี้แม่เพินฮดบ่ไหว

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    มีผักอีตู่ ไว้ใส่แกง ใส่อ่อม

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ผักชีจีน ไว้ใส่ลาบ ใส่ก้อย

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    นี่ล่ะครับ ผักกาดหอม หรือผักสลัด ยังบ่ทันใหญ่ปานได๋ ผักที่ผมตั้งใจออกมาเก็บไปห่อแปะซะปลาค่อใหญ่
    แม่เพินว่าแบ่งเอาก้านมันเด้อ บ่ต้องหลกมาเบิดต้น มันยังน้อยยุ จ่งไว้ให้มันใหญ่

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    เก็บเอาหลายเติบครับ เกือบเต็มถังสี

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ย่างมาเบิ่งทางโนนเถียงนาครับ หลังจากที่ต้นขามใหญ่ล้มไปแล้วกะบ่มีฮ่มให้เซา ถ้าสิเซาในเถียงนามันกะแคบ อึดอัด
    ยามไปท่งไปนากะเลยได้ย้ายมาเซา แต่งอยากแต่งกินยุฮ่มบักขามน้อยหน้าเถียงนาแทนเอา

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    อุปกรณ์ประกอบอาหารยามไปนาครับ หม้อแหกแตกกะโป๋ ถ้วยชาม ครกสาก ยามสิใส่กินกะล้างอีกเทือนึง
    นี้เพินจั่งเอิ้นว่าเฮ็ดกินยุกับดินกับหญ้า

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ

    ต้นบักม่วงครับ ช่วงนี้กำลังออกดอกทุกต้น ปลายเดือนกุมภา กะเป็นหน่วยน้อย พอได้ใส่ก้อยกะปอมยามไปเลี้ยงงัว

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ


    ค่ำคล้อยลงมาแล้ว ได้เวลาเข้าเมือในบ้านไปแต่งแนวไว้ถ่ากินแลง สิอ่วยเข้าเมือในบ้านแล้วเด้อครับ
    ลากันด้วยภาพนี้ ลูกน้องคู่หูสุดที่รัก ว่าแต่เปิดท้ายรถเพินกระโดดขึ้นไปนอนเองโลด ฮอดบ่ได้อุ้มขึ้น จั่งแม่นฮู้คัก

    บรรยากาศออกไปเลาะท่งนา หาเก็บผักกาดตอนปีใหม่ 57 ครับ

    เอาไว้พ้อกันอีกกระทู้หน้า ขอบคุณบ้านมหา สุขซำบายดีทุกท่านครับ

  2. #2
    แบ่งปันความรู้และประสบการณ์ สัญลักษณ์ของ หลอดปอดป่อง
    วันที่สมัคร
    Jun 2012
    ที่อยู่
    สุดเขตชายแดน
    กระทู้
    209
    มันปลูกปีแรกบ้อบ่าวหยก รึว่าเคยปลูกในนามาแล้ว เป็นหัวดีบ่ เห็นหลายๆหม่อง ไถปลูกมันในนา บ้ฮู้ว่าเป็นหัวดีบ่ ยามขุดรายงานผลแหน่เด้อ 55

  3. #3
    เข้ามาเห็นยามได๋กะยังคึดฮอดบรรยากาศทางบ้านเฮ้าคือเก่าเนาะ....ถึงสิแห้งแล้งแหน่...แนวอยู่แนวกินกะยังอุดมสมบูรณ์คือเก่า....ออนซอนแต่คู่หูสองทหารเอกละครับ บ่าวหยก จะแม่นฮู้หน้าที่คัก :*-

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ดีคักเนาะ เอามันมาปลูกไส่นา ขายได้ทั้งข้าว ทั้งมัน

  5. #5
    บรรยากสศดีแฮงครับ เป็นตาไปหาไล่แย้

  6. #6
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ลูกน้องสองโต๋นี้ ได้ใจคักเนาะจ้า บรรยากาศดี เป็นตานอนเว๊นเนอะจ้า อิอิ

  7. #7
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    อ้ายหลอดปอดป่อง : เว่าพื่นมันที่ปลูกในไฮนาน้อ ผลผลิตโดยรวมสู้ปลูกเทิงไฮบ่ได้ดอกครับ หัวมันยามขุดกะใหญ่กว่าด้ามพร้าจักหน่อยหนิล่ะ ถืกหม่องดินงามกะหัวใหญ่เอาการยุคือกัน ทั้งนี้ทั้งนั้นกะขึ้นอยู่กับการดูแลพร้อม ดู๋เสียหญ้า ดู๋ใส่ปุ๋ยหลายแฮงงาม แฮงหัวใหญ่ .... แต่กะดีกว่าปล่อยที่นาไว้ว่างปล่าวยุครับ :,1-

  8. #8
    แบ่งปันความรู้และประสบการณ์ สัญลักษณ์ของ คนภูหลวง
    วันที่สมัคร
    Feb 2010
    ที่อยู่
    เมืองเลย
    กระทู้
    378
    ลาออกจากงานไปเฮ็ดนาอยู่บ้านสาเป็นหยังละบ่าวหยก มูลมังหลายปานนี้

  9. #9
    เจ้าหน้าที่ประชาสัมพันธ์ สัญลักษณ์ของ บ่าวเอส
    วันที่สมัคร
    May 2011
    ที่อยู่
    หนุ่มอุบล คนพิบูล
    กระทู้
    417
    หน้าแล้งมาเยือนอีกคราแล้วอีสานเรา

  10. #10
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    มีความสุขอิหลีเข้ามาอ่านกระทุ้นิ เห้นถึงความพอเพียง ความสงบ สบายใจ สบายดี ขอบคุณหลายๆที่แบ่งปันค่ะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •