กำลังแสดงผล 1 ถึง 7 จากทั้งหมด 7

หัวข้อ: อ่อมอิปูครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    อ่อมอิปูครับ


    มื่อนี้บ่าวหยกมีแนวกินบ้านเฮามานำเสนอให้พี่น้องบ้านมหาเฮาได้เบิ่งกันอีกเมนู นั้นกะคือ "อ่อมอิปู" ครับ
    หลังจากที่ได้นำเสนอป่นอิปูไปแล้วแต่ช่วงต้นเดือน ได้กินปูแทบทุกเมนูเลยกะว่าได้
    อิปูเอาแซ่น้ำแข็งลงมาแต่บ้านเฮาตอนปีใหม่พุ้นล่ะ เอาลงมาเฮ็ดสู่อ้ายกินยุ กทม ย้อนอ้ายเพินบ่ได้กลับบ้านนำ

    วัตถุดิบ : ปูนา ต้นหอม ผักชีลาว ผักอีตู่ หัวซิงไค หอมแดง พริกแห้ง
    เครื่องปรุง : ผงนัว น้ำปลา น้ำปลาแดก เกลือ



    หลายเติบครับ ถ่าสิขังใส่คุลงมากะย้านมันตายเน่า เลยเอาแช่ใส่ถังน้ำแข็งมา ฮอด กทม กะเข้าช่องฟิชอีก 3 มื่อ
    ย้อนมันบ่ทันมีเวลาเฮ็ดกิน

    อ่อมอิปูครับ


    ล้างปูให้สะอาดครับ บ่ซั่นมันสิหัดดินทราย แกะกระดองปูออก เอาหางช้อนควดมันปูออกใส่หม้อครับ

    อ่อมอิปูครับ


    ส่วนที่เป็นโตของอิปูเฮากะเอาใส่ในครก ตำให้แหลก

    อ่อมอิปูครับ

    อ่อมอิปูครับ


    จากนั้นตักออก เติมน้ำลงไปจัก 2 ถ้วย กรองด้วยตะแกรงเอากากปูถิ่ม เอาแต่น้ำคาว+มันปูมาอ่อม

    อ่อมอิปูครับ

    อ่อมอิปูครับ


    ตำเครื่องอ่อมครับ หัวซิงไค พริกแห้ง หอมแดง เกลือนิดนึงแล้วตักใส่หม้อ
    ปรุงรสด้วยผงนัว น้ำปลา น้ำปลาแดก แล้วยกขึ้นตั้งไฟ

    อ่อมอิปูครับ

    อ่อมอิปูครับ


    ล้างผักผักชีลาว ผักอีตู่ ต้นหอม หั่นเตรียมไว้ ปล่อยให้หม้อเดือดแล้วจั่งใส่ผักลงไป

    อ่อมอิปูครับ

    อ่อมอิปูครับ

    อ่อมอิปูครับ


    พอผักสุกกะซิมรสชาด แซบแล้วยกลงตักใส่ถ้วยเสริฟได้เลยครับ

    อ่อมอิปูครับ

    อ่อมอิปูครับ


    เว่าพื้นอ่อมอิปูถ่าได้กบไง (กบจำศิล) ใส่นำหนิเข้ากันปานหยัง แต่น้อยไปก่นปูนำแม่กะได้กบไงมานำ ซูมื่อนี้หายากแล้วครับ
    บางสูตรเพินกะใส่ผักแก่นขมนำ น้ำแกงอ่อมสิขมอำลำ แต่แม่บ้านผมเพินบ่มักขม เลยบ่ได้ใส่

    กระทู้นี้เอาไว้ซำนี้น้อครับ ถ้าพ้อกันอีกกระทู้หน้า ขอบคุณบ้านมหาสำหรับพื้นที่นำเสนอ ซำบายดีซูคนครับ

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ยากเติบกว่าสิได้กิน พอเฮ็ดแล้ว คือจั่งขั่วไข่เนาะ

  3. #3
    แบ่งปันความรู้และประสบการณ์
    วันที่สมัคร
    Mar 2013
    ที่อยู่
    ขอนแก่น ประเทศไทย khonkaen thailand
    กระทู้
    141
    พ่อใหญ่เซียงเบ้า หิวเข่าหลายขอจกแล้วกะจ้ำอ่อมอิกะปูก่อนหมู่ กะว่ากินอิ่มแล้วจั๋งสิล้างมือ มา มา หยับเข้ามา กินงายนำกัน 555

  4. #4
    ตาแซบขนาดค่ะ ยกนิ้วให้ความอร่อยเมนูนี่

  5. #5
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185
    อ้ายคนตระการ : มันปูจับกันเป็นก้อนครับ บ่อยากบอกเลยว่ามันล่วงน้ำ
    ใส่น้ำหลายโพด พลาดไปหน่อยนึงครับ

  6. #6
    ศึกษาหาความรู้ สัญลักษณ์ของ มาลัยศรี
    วันที่สมัคร
    Oct 2012
    ที่อยู่
    ฺกรุงเทพฯ
    กระทู้
    80
    บล็อก
    1
    อีกเมนูหนึ่งเอาไปลาบเด้อค่ะ แซ่บคั่กหลาย น้องสาวเฮ็ดให่กิน ดึงหูกะบ่ออกพู่นแหล่ว ตั้งไฟอ่อนๆไว่ ไห่มันบกน้ำแล่วกะยกลงจากไฟ ใส่เครื่องลาบคือเฮาลาบหมูนี่ล่ะ แซ่บเด้อเมนูนี่ ลองเมิ่งค่ะ นำมาแบ่งปันกัน

  7. #7
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    เมิ่ดไป่น้ออออออออออซิมนำแนจักถ้วย เป็นตาแซบคัก

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •