กำลังแสดงผล 1 ถึง 7 จากทั้งหมด 7

หัวข้อ: ลาบหมาน้อย ฝีมืออีแม่

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    ลาบหมาน้อย ฝีมืออีแม่


    สวัสดีครับ พี่น้องบ้านมหา มื่อนี้บ่าวหยกมีโอกาศได้เอาแนวกินทางบ้านเฮามานำเสนออีกเนมูนึง นั้นกะคือ "ลาบหมาน้อย"
    กลับบ้านปีใหม่เห็นเครื่อหมาน้อยที่อีแม่เพินปลูกไว้ข้างเฮือนกำลังงาม เลยคึดอยากกินลาบหมาน้อยฝีมืออีแม่ กะเลยแอ่วเพินเฮ็ดให้กิน
    เป็นสูตรทางยโสธรเด้อ ถ้าเฮ็ดบ่คือกันกะถือว่าแลกเปลี่ยนสูตรกันเนาะครับ

    มาครับ เตรียมวัตถุดิบ เครื่องเปรุง
    - ใบหมาน้อย ข่าอ่อน หัวซิงไค ปลาสำหรับตำป่น หอมแดง ต้นหอม ผักชีจีน น้ำสะอาด
    - เกลือ น้ำปลาแดก ผงนัว พริกผง น้ำปลา

    นี้ล่ะครับ เครือหมาน้อยอีแม่เพินปลูกไว้ ปลูกไว้ข้างแอ่งน้ำหม่องล้างถ้วยแฮงงามครับ ย่อนเครือหมาน้อยมักดินชุ่ม

    ลาบหมาน้อย ฝีมืออีแม่


    มีนี้ให้อีแม่ลงมือเฮ็ดให้กิน เก็บมาจัก 2 กำมือ ล้างให้สะอาด คั้นใส่น้ำสะอาดจัก 3-4 ถ้วย แล้วกรองเอากากถิ่ม
    ถ้าคั้นให้น้ำข้นแฮง กะสิเป็นวุ้นไว บ้านผมเอิ้นมันเป็นโต

    ลาบหมาน้อย ฝีมืออีแม่


    พอได้น้ำหมาน้อยแล้วกะพักไว้ก่อนครับ ปล่อยไว้จั่งซี่ข้ามมื่อกะบ่เป็นวุ้น แต่ถ่าใส่เครื่องปรุงลงไปแล้ว บ่เกิน 5 นาทีเป็นวุ้นเลย
    ผมกะยังบ่ฮู้ว่าเป็นย่อนหยัง ผุได๋ฮู้บอกผมแนเด้อครับ

    ลาบหมาน้อย ฝีมืออีแม่


    หันมาต้มป่นครับ ปลาดุกนา ปลาเข็ง ได้มาจากไปส่อนส่างก่อนหน้านี้ล่ะครับ แบ่งขังใส่ใหไว้ถ่าป่น
    ต้มป่นใส่น้ำปลาแดก ใส่เกลือลงไปนำ

    ลาบหมาน้อย ฝีมืออีแม่

    ลาบหมาน้อย ฝีมืออีแม่


    พอปลาสุกกะแกะเอาแต่เนื้อ ตำป่นคือป่นปลาทั่วไปนี้ล่ะครับ ใส่หอมแดงสด พริกป่น ต้นหอม ผักชีจีน ผงนัว น้ำปลา
    แต่สิปรุงรสให้เข้มข้น(เผ็ด,เค็ม)กว่าป่นธรรมดา กะว่าเวลาเอาป่นลงในน้ำหมาน้อยนัวพอดีบ่ต้องปรุงหยังเพิ่ม แล้วๆกะตักใส่ชามไว้

    ลาบหมาน้อย ฝีมืออีแม่


    ซอยข่าอ่อน หัวซิงไคบางๆ ถ้ามีบักเขือเหลืองกะซอยใส่นำเด้อครับ แต่มื่อนั้นผมหาบ่ได้

    ลาบหมาน้อย ฝีมืออีแม่

    ลาบหมาน้อย ฝีมืออีแม่


    เครื่องครบทุกอย่างแล้ว หาถ้วยออกมาเตรียมไว้ มือถือช้อนถ่า เพราะว่าทางบ้านบ่นิยมกินแบบเป็นวุ้น กะต้องฟ้าวแนจักหน่อย
    พร้อมแล้วนับ 1 2 3 แล้วเทป่นปลาที่ปรุงเข้มข้นไว้ลงไป ลาบหมาน้อย ฝีมืออีแม่ ตามด้วยข่าอ่อนกับหัวซิงไคที่เฮาซอยไว้ลงไป แล้วฟ้าวคนให้เข้ากัน

    ลาบหมาน้อย ฝีมืออีแม่


    ตักแบ่งใส่ถ้วยแล้วลงมือซดทันที ถ้วยไผถ้วยมันบ่ซั่นช้อนมันสิตำกัน มีเวลาบ่ถึง 5 นาทีครับ หมาน้อยสิเป็นวุ้น
    ทางบ้านบ่นิยมกินตอนมันเป็นวุ่นครับ เพราะว่ามันสิแยกน้ำแยกเครื่องออกจากกัน ทางบ้านเพินเอิ้นคายเครื่อง บ่แซบ
    ฟ้าวหลายฮอดบ่มีเวลาถ่ายเอาฮอดวงพาข้าว รูปกะดาย ที่เห็นในภาพนี้ถ่ายหลังจากปรุงเครื่องไปบ่ถึงนาที เร่มสิจับกันเป็นวุ้นแล้ว

    ลาบหมาน้อย ฝีมืออีแม่


    มาเบิ่งแนวกินตื่มครับ กะมีป่นปลา แบ่งออกไว้ถ่าจ้ำ

    ลาบหมาน้อย ฝีมืออีแม่


    ป่นแมงขี่เต่าใส่แมงดา พ่อลุงเพินเอามาต้อน

    ลาบหมาน้อย ฝีมืออีแม่


    ทอดปลาแห้ง กับซิ้นหลอด

    ลาบหมาน้อย ฝีมืออีแม่

    ลาบหมาน้อย ฝีมืออีแม่


    ลากันด้วยภาพนี้น้อครับ ตำบักม่วงส้ม เอาไว้พ้อกันอีกในกระทู้หน้า

    ลาบหมาน้อย ฝีมืออีแม่

    ลาบหมาน้อย ฝีมืออีแม่


    ขอบคุณบ้านมหาสำหรับพื้นที่นำเสนอ สุขซำบายดีทุกท่านครับ

  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    โอ้...ขอบคุณครับบ่าวหยก...
    หมาน้อยเป็นสมุนไพรยาเย็นชนิดหนึ่ง
    คำเตือน..ปาณาติปาตาเวระมะนีสิกขาปะทังสะมาทิยามิ

    เป็นการกระทำเพื่อยังชีพไม่ได้มีการโกรธแค้นเกลียดชังซึ่งกัน สัพเพสัตตา อเวราโหนตุ

  3. #3
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    คงสิแซ่บ ตามคำบรรยายภาพเนอะจ้า ลาบม๋าน้อยว่ะสั้น

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    เป็นตาซดอิหลีเน๊าะเป็นอุ้มลุ้มอยู่พ่ะน่ะ

  5. #5
    ศึกษาหาความรู้ สัญลักษณ์ของ มาลัยศรี
    วันที่สมัคร
    Oct 2012
    ที่อยู่
    ฺกรุงเทพฯ
    กระทู้
    80
    บล็อก
    1
    เห็นตำบักม่วงแล่วน้ำลายแตกหย่าวโลด ยอมรับว่าบ่เคยกินเทื่อลาบหมาน้อยนี่ อยากลองยุค่ะ ขอบคุณที่นำมาให่เมิ่งค่ะ

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    แซบซำไดน่อ คล้ายๆลาบเทาเนาะ
    บ่อทันเคยลองจักเทื่อ บ่อว่าสิเป็นหมาน้อย หรือหมาใหญ่ 555

  7. #7
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    จะแม่นเพิ่นบ่อึดแนวหยากแนวกินเนาะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •