จำได้ว่าช่วงหน้าฝน เคยเอาภาพไฮ่มันสำปะหลังมาให้พี่น้องเบิ่ง ตอนนี้ได้เวลาในการถอนมันแล้ว
จั่งมาชวนพี่น้องไปถอนมันนำกัน ไปเห็นไฮ่มันโลดตกใจพี่น้อง มาคือบ่อคือตอนนั้น
มาตอนนี้หล่ะมีตะหญ้า แม่นข่อยปลูกมันหรือหญ้าน้อนี้ ตัดลำมันกะหนื่อยแล้ว
ยังได้ถางหญ้านำ แดดกะแดด เบิ่งเอาตามภาพนี้หละีพี่น้อง
หม่องบ่อมีหญ้ากะไคแหน่ พอตัดม่วน
[COLOR="rgb(0, 100, 0)"]เหมื่อยหลายกะนั่งพักเซามีแฮง [/COLOR]
นั่งเผามันกินถ่าผุ้มาส่งข้าว คันมาซ้าล่ะมึ...... กล่องข้าวกะให้ใหญ่ๆ เดอ คันน้อยล่ะ มึ....
นี้คือหมากมัน มันสำปะหลังเผิ่นบ่อมีตะหัวเด เผิ่นมีหมากมีหน่วยนำ
หลังจากตัดลำเรียบร้อยแล้วกะเอาลำมันไปเก็บไว้เป็นต้นพันธุ์ปลูกอีกบ่อจักเดือนข้างหน้า
แล้วกะเผาหญ้าแห้งเผื่อการถอนสิง่ายขึ้น
[COLOR="rgb(0, 100, 0)"]ทีนี้กะเอิ้นพี่น้องมาส่อยถอนมันซั่นแหล่ว
[/COLOR]
[COLOR="rgb(0, 100, 0)"]ดินไฮ่นี้เป็นดินแข็ง ดินร่วนปนทราย เป็นไฮ่ดินขาว มันกะหัวบ่อใหญ่ บ่อคือไฮ่ดินแดง
ทางพื้นที่ อ.กันทรลักษณ์ และพื้นที่ อ.ขุนหาญ/ภูสิงห์
ต้องใช้อุปกรณ์ในการถอน เอิ้นว่าดั้ม (ดั้มมัน)[/COLOR]
[COLOR="rgb(0, 100, 0)"]นี้คือด้วงลำมัน คันได้หลายกะเป็นอาหารโปรตีนอย่างดีเลย แซบเป็นตาหน่าย[/COLOR]
[COLOR="rgb(0, 100, 0)"]ถอนไปถอนมากะย้านพี่น้องเมื่อยย้านบ่อแล้วง่าย เฒ่าพ่อเลยไปบอกรถไถเขามาขุดให้
ใช้ผานพิเศษสำหรับขุดมัน ไถไปตามคูที่ปลูกมัน เฮากะแยกย้ายกันเก็บออก
วิธีการนี้กะได้แหน่เสียแหน่คือกัน คือหัวมันสิขาดแล้วดินกะถมแหน่ นี้ล่ะเผิ่นว่ามักง่ายได้ยาก [/COLOR]
[COLOR="rgb(0, 100, 0)"]หลังจากถอนเรียบร้อยกะทำการตัดหัว เผื่อสิบรรจุเข่งขนขึ้นรถได้ง่าย[/COLOR]
[COLOR="rgb(0, 100, 0)"]หัวมันอีพ่อใหญ่บ่อครับ [/COLOR]
[COLOR="rgb(0, 100, 0)"]มีวิทยุฟังนำเด คึดฮอดตอนเป็นเด็กน้อยไปดำนา ได้ยินแต่เสียงวิทยุเส็งกันอยู่ตามท่ง[/COLOR]
[COLOR="rgb(0, 100, 0)"]ทีนี้กะทำการขนส่ง เอาไปไว้หม่องเฮาสิตากแห้ง (กรณีที่บ่อขายหัว) บักน้อยๆ นี่ ไปมื้อใด๋มันกะไปนำ[/COLOR]
[COLOR="rgb(0, 100, 0)"]ใหญ่ขึ้นมันสิดุสิหมั่นจั่งซี้บ่อนอ บ่อย้านแดดย้านลม[/COLOR]
[COLOR="rgb(0, 100, 0)"]เสียดายบ่อได้ภาพตอนเครื่องฝานมัน หรือเครื่องสีมัน เป็นวันทำการเมือฮอดบ้านเผิ่นสีแล้วจนเก็บเครื่องเรียบร้อย
ได้แต่ภาพตอนตากมันมาให้พี่น้องเบิ่ง
ถนนนี้เป็นถนนที่บ่อค่อยมีรถสัญจรกะเลยสามารถตากมันข้างๆ ได้โดยปลอดภัย[/COLOR]
[COLOR="rgb(0, 100, 0)"]ขอบคุณบ้านมหาที่ให้พื้นที่ในการแลกเปลี่ยนเฮียนฮู้วิถีการทำมาหากินกับพี่น้องหลายๆ พื้นที่
ในอาชีพเดียวกันอาจสิเฮ็ดบ่อคือกัน ขอบคุณครับ[/COLOR]
Bookmarks