เฮ็ดผ้าป่าเมือบ้าน งานนมัสการองค์พระธาตุกู่จาน 57

[หยก ยโสธร]

ซำบายดีครับ พี่น้องบ้านมหาซูคน 12-14 ก.พ. ที่ผ่านมาบ่าวหยกได้มีโอกาศเมือยามอีกเทือนึง
หลังจากพึ่งกลับไปตอนปีใหม่ได้บ่ทันพอสองเดือน จนพี่น้องทางบ้านว่าเทียวมาบ้านปานทางไปนาเนาะ วาซั่น

วันที่ 11 ก.พ. เป็นมื่อเปิดงาน ตกกลางคืนมากะมีพิธีบวชชี-พราห์ม ซึ่งปีนี้จะพิเศษกว่าทุกๆปีที่ผ่านมา
เนื่องจากว่ามีการทำพิธียกฉัตรขึ้นสู่ยอดองค์พระธาตุ ที่พึ่งจะบูรณะแล้ว
มีรูปตอนทำพิธีจากกล้องอีพ่อมาฝากครับ ย่อนว่าผมกลับบ่ทัน

ประวัตพระธาตุกู่จาน http://www.barameetham.com/index.php...05-21-02-52-22


















เช้าวันที่ 12 ผมทางเมือฮอดบ้าน หลังจากอาบน้ำอาบท่าเปลี่ยนผ้าเปลี่ยนแพรแล้วๆ กะหาแนวกินงายสั่นแล้วพี่น้อง
หนีบ่ม้มเนื้องัวเนาะครับ สมัยก่อนได้กินตะยามบุญเด้ ... ซอยจุ ลวก ย่าง จ้ำแจ่วเพี้ยขมๆ บ๊ะเข้าท่าขนาด

















หลังจากกินข้าวกินน้ำแล้ว กะพากันแกะซองผ้าป่าครับ ผมหาผ้าป่าจากหม่องเฮ็ดงานไปร่วมบุญกับพี่น้องสายอื่นๆ









ยอดเงินจากสาย Utac 3 ที่นำผ้าป่าไปทอดถวายร่วมกับพี่น้องสายอื่นๆในเทือนี้ครับ




ตกแลงมากะไปหาเลาะเบิ่งฮ้านหมอลำ แนวคนมักเครื่องเสียงเนาะ
คืนแรกเป็นคิวของทีมงาน หนึ่ง รุ่งทิวาอำนวยศิป์ครับ หมอลำดังจากทางอีสานเหนือ







เบิ่งหมอลำกะบ่ซอดแจ้งพี่น้อง อยากนอน หนีเข้าเมือนอนตอนตี 2 ย่อนว่าคืนที่ผ่านมากะขับรถเบิดคืน
ว่าสิลุกออกมาเบิ่งหมอลำเรื่องช่วงข่อนแจ้งกะลุกบ่ไหว