ตื่นมาเช้าวันที่ 14 มื่อนี้เป็นวันสำคัญครับ คู่บ่าวสาวเพินกะคึดพ้อวันวาเลนไทน์ ส่วนผู่ฒ่าเพินกะว่าวันมาฆะบูชา
ลุกขึ้นได้กะเกือบบ่าย 2 อาบน้ำกินข้าวแล้วกะพากันออกไปหาเฮ็ดบุญอยู่วัด
ตักบาตร 108 ตักบาตวันเกิดครับ
เทศอวยพร ดูดวงชะตา
ยกพระเสียงทาย เสี่ยงเซียมซี
มีซุ้มสอยดาวการกุศลนำพร้อม
ไหว้ธาตุพ่อใหญ่แม่ใหญ่
ตกค่ำมากะมีพิธีเวียนเทียนรอบองค์พระธาตุ
หลังจากนั้นกะเป็นคิวของมหรสพครับ คืนนี้เป็นคืนปิดท้าย หมอลำใหญ่อันดับ 1 จากทางขอนแก่น ประถมบันเทิงศิลป์
กว่าสิได้เล่นกะปาเข้าไปเกือบ 5 ทุ่ม ย่อนเพินประกอบพิธีสงฆ์บ่ทันแล้ว
มื่อนี้ซอดแจ้งสมใจอยากครับ เพราะว่าได้นอนมาเต็มอิ่มแล้ว แต่ความม่วนกะแลกมาด้วยความหนาวพี่น้อง
หมอลำเซา 7 โมงกว่า เกือบ 8 โมง เพินเลสให้ย่อนว่าเล่นเดิก เต้นจนขาลาก
สุดท้ายลากันด้วยภาพนี้ครับ เป็นยอดสรุปรายรับ-รายจ่ายในงานปีนี้
หลายคนกะคิดว่ารายจ่ายไปใสคือหลายแท้ แต่ค่าหมอลำ 3 คืนกะเจ็ดแสนกว่าแล้วครับ สิถามต่อว่าจ้างมาเฮ็ดหยังสั่นน่ะ
ทางกรรมการหมู่บ้านเพินกะเคยหยั่งเบิ่งแล้วครับ หมอลำดีพี่น้องบ้านอื่นกะมาหลาย เพินพาลูกหลานมาเฮ็ดบุญ
แล้วๆกะถือโอกาศเบิ่งหมอลำนำพร้อม อิ่มเทิงบุญเทิงได้ม่วนนำเนาะ
พ้อกันใหม่ปีหน้า ตรงกับวันที่ 1-4 ก.พ. 58 หมอลำกะเฮ็ดสัญญาข้ามปีไว้แล้วครับ
2 ก.พ. ยังว่าง กำลังติดต่อมนต์แคน
3 ก.พ. เบิ่งไหมไทย หัวใจศิลป์
4 ก.พ. เบิ่งระเบียบวาทะศิลป์
Bookmarks