ขอยิ้มไส่แน่เด้อฟ้า ฝากส่งหาคนนั้นแน่ คนที่แคร์ทุกก้าวย่าง หว่างใจนี่ที่คิดถึง
อยากจ่องดึงขึงคือป้าย เขียนบรรยายนำฟ้าหม่น ว่าใจคนอยู่ทางนี้ มีเพียงเจ้าเล่าส่งสารน์
ผู้ตาหวานปานน้ำเชื่อม คิ้วดกเหลื่อมปานไหมแม่ ดังนั่นแหม๋-มนปานกล้วย ริมปากส่วยด้วยผ่องเพียง
คิดพ้อเสียงเรียงคำอ้อน ปานฟังกลอนหมอลำเล่า มีแคนเนาสดับป้าง ซ่างม่วนแท้แม้คิดไป
เฮ็ดอันได๋อยู่น้อหล่า ข้าวหรือปลากินแล้วไป่ คนห่วงใยไกลแนบข้าง อยากถามบ้างต่างคำนึง
ไผคนหนึ่งคิดฮอดเจ้า อารมณ์เหงาเข้ามาเกี่ยว ใจดวงเดียวเทียวถามเว้า เหงาคืออ้ายแน่บ่น้อ
ลิขสิทธิ์บน YouTube Credit By : https://www.youtube.com/watch?v=Px8C62pxZzw
Bookmarks