กำลังแสดงผล 1 ถึง 6 จากทั้งหมด 6

หัวข้อ: โดยส่วนตัวแล้วเว้าผญาบ่เป็นดอกแต่ชอบฟังแล้วกะจดจำมา ม่วนดี อยาจจะมีผิดบ้างกะต้องขออภัยเด้อครับ

  1. #1
    แบ่งปันความรู้และประสบการณ์ สัญลักษณ์ของ spartan
    วันที่สมัคร
    Sep 2008
    กระทู้
    53

    โดยส่วนตัวแล้วเว้าผญาบ่เป็นดอกแต่ชอบฟังแล้วกะจดจำมา ม่วนดี อยาจจะมีผิดบ้างกะต้องขออภัยเด้อครับ

    #ผญาเว้าสาวแข่งกันพะนะ#
    -มีสองซ้อนซอนสามมันบ่เบื่อมีสี่ซ้อนซอนห้าห่าบ่กิน
    -ตึกแหได่ปลาไข่เอาผัวใหม่ได่ลูกพร้อมมันจั่งได่ซอยแฮง
    -ใจประสงค์ซ่งกางเกงกะได่ซื้อนุ่งตัวหล่ะนาง ใจประสงค์นาดน้องนางหล่าพี่จึงมานี่แล้ว
    -ใจพี่ซายนี่เปรียบดังหินหนักมื่น ถิ้มลงน้ำจมปึ่งบ่ปิงพู้นแล้ว
    -ไผสิเหลียวเห็นใส้ หัวใจนกขี้ถี่ ลังเถือฝังเกี่ยวไว้ในหั่นตั้งหมื่นดวงสิฮู้บ่
    -ก้ำฝ่ายพี่จั่งฮักแนจริงๆบ่เคยลวงคนหญิงให้ร่ายทางฟังเว้า พี่นี่หนาปรารถนาห้อย นำหอยทุกบาดย่าง ปรารถนาหยาดน้ำนำเจ้าอยู่ทุกยาม
    -ใจประสงค์ต่อไม้อ้ายจั่งได้แบกขวานมา ใจประสงค์ปลาอ้ายแต่งหวิงลงซ่อน ใจประสงค์ม่อนอ้ายเก็บมอนมาใส่ ใจประสงค์ทองใบอ้ายจั่งดั้นป่าไม้มาหาหล่าแก่นสมรนี่แล้ว
    -อย่าไปฟังเด้อหล่าอันวาจาเว้าร่าย ซาดผู้ซายหลอกต้มอย่างมโข่งไปเซื่อเขา
    -คันบ่ฮักบ่เว้าคั่นบ่เอาบ่ว่า รับฟ้าผ่ากะได่ ให้ไฟไหม้สิรับเอาเดะ
    -อ้ายใจประสงค์สร้างสะพานทองเทียวท่อง ขอใจน้องสองสร้างซอยเฮียงแนเปียง ห่าได้เป็นขัวข้ามสะพานทองเทียวไต่ ติดต่อไว้สะพานข่วมฮวมกัน คิดอยากแปลงทางดั้นมาถึงกันเซ้าค่ำ เทียวหลั่มเยี่ยมแลงเซ้าส่งแกง จิตมาดแม้งอยากขอขอดไมตรี พี่อยากเทียวทางนาฮ่วมพะนางดูบ้าง คิดอยากฝังศพเมี้ยนนำนางมามอบ ถอบกระดูกเข้าให้เป็นซี้นต่อนเดียวเบิ่งเด้
    -คั่นบ่ฮักบ่เว้า บ่เอาเลามาปลูก บ่แม่นเซื้อซาดอ้อยกินแล้วบ่ฮ่อนหวาน อันวาใจประสงค์แล้วเมืองแกวสิดั้นฮอด สายตาต้องหน่วยแก้วอยู่ในถ้ำสิก่นหา
    -อ้ายนี่คือขาว เข็ง ค่อนกลางนาน้ำเขินขาด ฟ้าบ่เทหยาดน้ำมาให้กะส่วนกรรม กระต่ายน้อยคอยส่องแต่แสงจันทร์ จันทร์บ่กรุณามันย่านส่วนมรณาเมี้ยน พี่นี่คิดอยากหว่างฝังกกไว้เถิงโพนนาค หยั่งฮากไว้กลางน้ำปลวกบ่เจาะผู้นเดะ
    -คั้นอยากเห็นใจอ้ายให้มึนตาใส่น้ำแจ่ว น้ำแจ่วแสบจั่งไดใจอ้ายกะจั่งซั้นกะคือด้ามดั่งกัน
    -อ้ายนี่เปรียบคือจอกอยู่น้ำฮากหยั่งบ่ถึงดินใหลเวินไปเวินมากะบ่มีเฟือยค้าง ว่าอยากใหลมาค้างตักพะนางสิได่บ่ ดำข่อหล่อผู้จั่งอ้ายตาซ้ายให้หล่ำมองแนเปียง
    -ความรักความฮักมาแล่นกุ้มมันคือซุ่มงุ่มหัว ความรักความฮักมาพอๆคือกะทอคุมไว้
    -อ้ายนี่เปรียบคือนกจิบน้อยหากปีกแหล่ลายเหลือง บินมาจับตอเฟืองผู้เดียวบ่มีคู่ อ้ายผู้บินท่อมๆตอมดอกบัวบาน บินพานๆดังขีเถิงเซ้า อ้ายฮักเจ้าก้มกราบไหว้เคลือตัดเคลือใต้เครือเทิงพัดมาพาดตัดขาดแล้วหยางสิย้อยกะบ่มี
    -เจ้าผู้แนวนามช้างหางยาวสนุกแกว่งแท้น้อ อ้ายมันเชื้อไก่กุ้มหางสั้นแกว่งบ่เป็นซั้นแหล่ว
    -พอแต่เหลียวเห็นหน้ามะคืออินทร์หลอมหล่อแท้น้อ ลออตาท่าแย้ม ยามยิ้มมะซางงาม ยามเจ้าเว้าย้ามๆซายมักจนหลงใหล เสียทอไดกะตามมันว่าแต่ได่นอนซ้อน นางเอ้ยเจ้าผู้ท้ายหล่วมหล่วยควายเถิกตอนเมืองขอนแก่น แมนไผเด้สิได่ขึ้นคาบท้ายบายแซ่เข้าใส่หลังซั้นแหล่ว
    -เจ้าผู้ซายหลายท่างจนใจผู้สิใส่แท้น้อคั่นสิใส่ท้างเหนือผัดเสียดายท้างใต้คั่นสิใส่ท้างใต้ผัดเสียดายท้างเหนือ ใส่หัวมันดอกโยนแม่มมันใส่หนามนิ่หล่ะ
    -ก้ำฝ่ายพู้นเพิ่นนั้นวาจาต้านหวานมาบ่มีแนวท่อ เคลือกอฮอเปรียบบ่ได้ หวานฮ้ายกว่าบักโก คั่นนางฮักอ้ายให้ซื้อของมาฝากเด้อ หล่า555
    -อ้ายนี่เปรียบคือรถจี๊บเฒ่าจอดเซาอยู่ข้างโรงเลื่อย ซื้อกะบ่มายขายกะบ่ออก ดอกกะบ่ได่เลยจอดไว้เป็นเศษเหล็กซั้นแหล่ว
    -นางเอ้ยก้ำฝ่ายผู้นเพิ่นคือรถจิ๊บเฒ่าจอดเซากะไคอยู่ ก้ำฝ่ายอ้ายนี่ตี้คือปลาทูแม่ค้าตกค้างบ่ได่ขายคนบายขึ้นบายวางแล้วกะว่า “พวกแม่ค้าเอาปลาเน่ามาขาย”..อิอิ
    .....................นางเอ้ยยยยยย
    ที่มา หมอลำคณะเพชรพิณทอง ชุดโต่งโต่ยผญา

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    ผมกะเว้าบ่อเป็นคือกันครับผญา มักไปหาอ่านคือกัน
    หรือว่าย้อนเว้าผญาบ่อเป็นบ้อจั่งบ่อได้เมียนำเพิ่น 555

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    แมนติ้เอ๋ สมัยนี้ต้องมีบีเอ็มกับเอทีเอ็มเงินสดถึงจะมีเมียได้ ฮ่า
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  4. #4
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197
    เว้าผญา บ่ต้องเป็น
    แต่ BM ต้องมี
    เงินในบัญชี ขาดบ่ได้

  5. #5
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148
    -มีสองซ้อนซอนสามมันบ่เบื่อ มีสี่ซ้อนซอนห้าห่าบ่กิน

    มีหกซ้อนตอนเฒ่า(จังไร) ตายจ้อยค่าบ่มี...

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เว้าถึงคำผญา สมัยสุมื้อคนรุ่นหลังบ่อสนใจอ่าวเอื้อเหลือแต่ผู้เฒ่ายังได้โอ้อ่าวหา พะนะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •