กำลังแสดงผล 1 ถึง 2 จากทั้งหมด 2

หัวข้อ: ตราบ..ซั่วกัลปาวสาน

  1. #1
    ศึกษาหาความรู้
    วันที่สมัคร
    Jul 2016
    กระทู้
    10

    ตราบ..ซั่วกัลปาวสาน

    คิดฮอด คำออดอ้อน หวานอ่อนสะออนอก เดนอ
    เคยยอยก กาพย์กลอนสุนทรเกี้ยว
    เทียวเตาะต้อย คำออยอ้อยอิ่น
    เป็นที่ยินสะออนโอ้ มะโนน้อมเหนี่ยวนำ

    คิดอ่ำล้ำ คะนิงฮ่ำหวนหา
    เลยได้ จาคำควร มอบผะอวนภายพี้
    เป็นที่ ยินดีด้วย ดอมพะไมติ์มึยเมื่อย บ่เด
    สิพอ เกื่อยต่างน้ำ ยอดั้มดื่มนัว บ่นอ

    ย่อนว่า ทัวระคีกฮ้าง ฮามคู่เซยซม คำเอย
    อกระทม เทียวทุกข์ ท่อทะลอนทะลายเยื้อน
    ฝันลางเลือน หลายล้น อยากมีคนเคียงคู่
    ผลาเฮา คันแม่นซู้ อิดูอ้ายอย่าหน่ายแหนง พี่เนอ

    เหมิดมะโนแม้ง สิยอทอบทูลถวาย
    หวังเฮียงกายนิจนิรันดร์ ซั่วกัลป์วะสานสิ้น
    ขอแต่ ดินและฟ้า เทวดาหลิงหล่ำ
    มาซักนำ จ่องให้ สองเฮาได้ฮ่วมเฮียง แดถ่อนฯ
    แก้ไขครั้งสุดท้ายโดย อ้ายมีเหตุผล; 16-07-2016 at 18:02.

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อ่านแล้วคึดฮอดอ้ายสานสะทรี้เลย..
    สำบัดสำนวนอ่านยาก เขียนยากจั่งสิจ้า.. แต่กะม่วนคือกันค่ะ ..ซวดๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •