หน้าที่ 13 จากทั้งหมด 13 หน้า หน้าแรกหน้าแรก ... 3111213
กำลังแสดงผล 121 ถึง 123 จากทั้งหมด 123

หัวข้อ: กลอนผญาขำๆ

Blogger
  1. #121
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    136

    นางเอ้ย
    อยากแนะนำ ทองคำก้อน ตอนเลือกคู่ ดูให้คัก
    อย่าฟ้าวหลง ปลงใจมัก ปักหมุดใจ ฮักไผง่าย
    เผื่อรักรวน หวนทำร้าย สิเป็นม่าย แต่วัยเยาว์
    ควรไตร่ตรอง ลองก่อนเอา คันเร้าใจ ค่อยไปต่อ
    การพนัน ติดพันบ้อ ล่อสุรา ยาเสพติด
    สิ่งเหล่านี้ พลิกชีวิต เป็นพิษภัย ให้รักล่ม
    อยู่กินไว ไปบ่ม้ม สิขื่นขม บัดโฉมเผย
    หน้าตาหล่อ ล่อกันเลย คารมเอย หลงเชยชื่น
    สันดานดิบ มันหยิบยื่น บัดตื่นมา เป็นซาตาน
    จากฮักหลาย กลายเป็นพาล ร้างรากัน ปันหลานน้อย
    ความขื่นขม เป็นปมด้อย เกิดรอยด่าง กลางดวงใจ
    เห็นควรลอง ก่อนจองใคร เดือยน้อยไป หรือใหญ่เกิน อิอิ โอ้ย
    เห็นควรลอง ก่อนจองใคร เบื่อเมื่อใด เอาไปเทิน อิอิ
    เห็นควรลอง อย่าป่องไว บ่เร้าใจ ทางไผมัน เหอๆ


    ซื้อแกง บ่ได้ลองชิม อาจเทถิ่ม เมื่อลิ้มรส แหๆ


  2. #122
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    136



    พี่น้องเอ้ย
    อุกอยู่ใน ไผสิฮู้ คนอยู่ใกล้ เฮ็ดให้เคือง
    จับจ่ายเพลิน ใช้เงินเปลือง คิดเรื่องผลาญ โครงการไว้
    มีเงินแหน่ แวะซื้อใช้ ทั้งไม้ดอก บอกสวยงาม
    ว่านมงคล หลากล้นหลาม โถถางคราม ตามซอกบ้าน
    อยู่แล้วรวย อวยชัยท่าน ป้ายโชคหมาน อ่านปลอบใจ
    กระดิ่งทอง เสียงก้องใส โมบายเติม เสริมฮวงจุ้ย
    ทุกสิ่งอย่าง ซ่างขุดคุ้ย เชื่อคำคุย ลุยเสาะหา
    ลืมน้อมนำ คำหลวงตา ผลนั้นหนา มาจากเหตุ
    รอโชคช่วย รวยทองเพชร ของวิเศษ เฮ็ดให้เจ้า
    คิดบ่เป็น เห็นแล้วเศร้า เว้ากะเถียง ต้องเลี่ยงหนี
    ชั่งหูเบา บ่เข้าที ยินว่าดี ตาซี้ตาซัน อิอิ
    ชั่งหูเบา บ่เข้าที ยินใด๋ดี บ่มีคร้าน
    เมียเป็นใหญ่ อยู่ในบ้าน ท่านใด๋นำ เป็นธรรมเนียม
    กดเชิงชาย ให้อายเหนียม เจียมจำทน เป็นคนใช้ เหอๆ


    (โมบาย ลักษณะเป็นกระดิ่งแขวนอยู่)
    โอยน้อ ผักสวนครัว รั้วกินได้ เช่น พริก ขิง ข่า กระชาย ชี หอม
    สลัด สระแหน่ ปลูกในที่ว่าง ใส่ราง โถ กระถางก็ดูสวยงาม กินได้
    สำหรับว่านโชคมงคล วาสนา นางพญา มหานิยม กินบ่ได้
    เหมาะสำหรับให้คนขายปลูกเอาไว้บูชาเองเด้อนางเด้อ แหๆ
    แก้ไขครั้งสุดท้ายโดย จำจน; 04-07-2020 at 19:03.

  3. #123
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    136



    พี่น้องเอ้ย
    ย่อนเกิดดน จนผมเพี้ยน เปลี่ยนขาวหงอก สีดอกเลา
    เทียวย้อมปก โกรกสีเทา ให้เขาเห็น เป็นแฟชั่น
    ใจยังห่าว ใส่สาวขั่น ต้องมาดมั่น ทันสมัย
    จีบทางเฟซ เดททางไลน์ สู่จุดหมาย ไปรีสอร์ท
    บ่หวังใจ ขอได้กอด เอวคอดกิ่ว หลิ่วตาโอ้ย แหๆ
    บ่หวังใจ เพียงได้กอด กะยอดเยี่ยม กระเทียมเจียว
    สิจริงจัง หยังนักเชียว เดี๋ยวกลับต๊าว บ้านเก่าแล้ว อิอิ
    มีสาวใด๋ ใจผ่องแผ้ว ที่ออกแนว ทาสแมวหมา
    สงเคราะห์ชน คนชรา ชวนป๋าไป ที่ใจชอบ
    กุศลบุญ สิหนุนตอบ มอบแทนคืน ได้ขึ้นสวรรค์ นางเอ้ย เหอๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •