-
แบ่งปันความรู้และประสบการณ์
อ้ายเอ้ย
คำสัญญา ผ่านมานั้น คิดว่าฝัน ให้ผันผ่าน
อย่าเก็บไว้ ให้รกบ้าน ลืมมันเถาะ เนาะพี่ชาย
น้องมีแฟน แทนที่อ้าย ตอนออกใหม่ ในพรรษา
ท้องป๊องพี แล้วพี่จ๋า ลืมนางสา อย่ารื้อฟื้น เหอๆ
-
แบ่งปันความรู้และประสบการณ์
นางเอ้ย
อ้ายบ่มา เว้าจาเล่น เต็มใจเป็น เดนของเพิ่น
พร้อมมื้อใด๋ ให้เรียกเอิ้น แต่เงินให้ อ้ายบ่มี
เหอๆ เงินค่าดองอ้ายบ่มีเด้อ
-
แบ่งปันความรู้และประสบการณ์
นางเอ้ย
ให้นวลน้อง คองคอยถ่า คิดทางหา ป๋าเพิ่นอยู่
ตั้งแต่ไล ไกลยอดชู้ มาทนสู้ อยู่เมืองหลวง
จากวันเดือน เลือนลับล่วง ควงคนใหม่ เพราะใจเหงา
คิดว่าเป็น เล่นชั่วคราว แต่ว่าสาว เอาจริงนั้น
ตั๋วทั้งออย พร้อมค่อยหมั้น ปานฮู้ทัน ย่านชิ่งหนี
หอบเสื้อผ้า มาอยู่นี่ อ้ายหมดที่ สิบรรยาย เหอๆ
อ้ายยังฮักเจ้าเด้อ ถ่าอ้ายเด้อ ป๋าเพิ่นได้ สิรีบไปขอเด้อ
แก้ไขครั้งสุดท้ายโดย จำจน; 16-04-2018 at 18:02.
-
แบ่งปันความรู้และประสบการณ์
นางเอ้ย
อยู่เหงาๆ สาวค้างบ้าน มันบ่ม่วน ชวนให้หลอน อิอิ
โอ้ยเนาะ
ไผอยู่เหงา สาวค้างบ้าน ขึ้นคานให้ ใจเหนื่อยอ๊อน
อยากมีคู่ อยู่ซูซ้อน ขอเบอร์ก๊อน ให้นอนรอ
สิฮัลโหล โทรมาขอ ที่อยู่ห้อง หอเฮือนเจ้า
รบกวนเพิ่น โอนเงินเข้า เอามาไว้ เพื่อใช้จ่าย
เป็นค่าตั๋ว รถทัวร์อ้าย เฮาสิได้ ก่ายสัมพันธ์ เหอๆ
โอนเข้าบัญชี เติมค่าโทรให้ก่อนเด้อ อ้ายสิบึ่งมาหา
-
แบ่งปันความรู้และประสบการณ์
พี่น้องเอ้ย
คันแม่นทุกข์ มันอุกยิ่ง ปล่อยทิ้งไว้ ไปรวยสา
เลี้ยงเป็นแนว คือแมวหมา เป็นปัญหา ว่าบ่สิ้น
ถ่วงน้ำไป ให้ด่าวดิ้น หมดสิ้นทุกข์ คงสุขใจ
อย่าให้เหลือ เป็นเชื้อไฟ เผาผลาญใจ ให้เฮาฮ้อน อิอิ
คั้นคอตัวทุกข์ให้เยา เอาใส่หม้อล่องลอยปล่อยไปตามน้ำให้สูญพันธุ์
อย่าสิได้มาแผ้วพาลกล้ำกราย พี่น้องบ้านเฮาสิได้มีความสุขกันเนาะ เหอๆ
เยี่ยมชมที่นี่ http://sirsakchai.blogspot.com/
แก้ไขครั้งสุดท้ายโดย จำจน; 29-12-2017 at 17:21.
-
แบ่งปันความรู้และประสบการณ์
อ้ายเอ้ย
อดีตกาล มันผ่านพ้น อย่าบ่นมา รื้อหาเหตุ
สิย้อนมา เกิดอาเพศ เฮ็ดชนวน กวนน้ำขุ่น
ให้เหยียบไว้ ใต้ตีนพุ้น อย่าวุ่นวาย กลายเป็นความ
ถ้าถึงหู ผู้ที่สาม สิทำลาย ระคายได้
ความฮักน้อง สิหมองไหม้ กลายระทม ล่มสลาย
ครอบครัวแตก และแยกย้าย ส่งผลร้าย ให้กับนาง
หาผู้ใหม่ ไว้เคียงข้าง จงลืมนาง วางความเก่า
อดีตกาล หวานแต่เค้า ถือข้อยเจ้า เอาประสบการณ์ เหอๆ
-
แบ่งปันความรู้และประสบการณ์
สาวเอ้ย
ฮู้ถึงคราว หนาวบ่หล่า ข้างกายา หาแล้วไป๊
คนนอนเฮียง เคียงชิดใกล้ ให้กอดฟรี มีไป๊น้อ
หากนวลนาง ยังบ่พ่อ มีคนหล่อ ขอสมัคร
มอบไออุ่น ให้หนุนตัก ได้ทักทาย ให้คิดฮอด
ยามไกลตา โทรมาหยอด ได้ออดอ้อน ป้อนคำหวาน
เป็นแรงใจ ให้ทำงาน ภูมิคุ้มกัน ปัญหาได้
สรรพคุณ หนุนดีฮ้าย ดีต่อใจ ใช้ทุกวัน
ลดไข้ใจ ลดหนาวใจ ได้เฉียบพลัน
เชิญหล่าขวัญ ใช้เป็นยาสามัญประจำห้อง อิอิ
-
แบ่งปันความรู้และประสบการณ์
นางเอ้ย มีแต่จา ว่าคิดถึง บ่ซึ้งดอก
แสดงออก บอกโดยตรง คงมีหวัง
หอมแก้มนิด ชิดใกล้กาย ด่าให้ฟัง
อ้ายคงนั่ง ซังถ้อยคำ จำฝังใจ อิอิ
มันสิดัง ข้างในหู อยู่บ่วาย
อ้ายเหม่อนั่ง ซังถ้อยคำ จำจนตาย เหอๆ
คำหวานๆ บ่ค่อยพากันซึ้งดอกสำหรับคุณผู้ชาย
แต่คำเมียด่าพาให้ซึม จำบ่ลืมจนฮอดมื้อตาย อิอิ
แก้ไขครั้งสุดท้ายโดย จำจน; 16-04-2018 at 18:01.
-
แบ่งปันความรู้และประสบการณ์
คนผู้จบผู้งามเอ้ย
คันผู้จบ คบกับอ้าย มีแต่ได้ ไร้ทางเสีย
บอกไว้เลย เคยมีเมีย สิได้เคลียร์ ยามเฟียหม่น
บ่ต้องไป ไล่ขุดค้น ก๊นประวัติ ชัดเจนไหม
จงผ่อนคลาย สบายใจ หายกังวล ตัวตนอ้าย
ส่วนว่าดี มีแต่ได้ สิบรรยาย เล่าให้ฟัง
คิดเบิ๊งตี้ ดีอิหยัง สิเอ่ยอ้าง ให้นางฮู้
ดีหนึ่งหรือ คือได้คู่ คอยดูแล แชร์ความสุข
ทั้งพบปะ คละเคล้าทุกข์ คลุกกันไป หลายรสชาติ
สองการเงิน ดีเกินคาด โอกาสงอก กินดอกผล
ได้ลูกค้า มาอีกคน ไร้กังวล เพราะคนใกล้
อ้ายสิยืม บ่ลืมใช้ ไปลงทุน มูลค่าสูง
รับรองสวย รวยเต็มพุง รายได้รุ่ง พุ่งทะยาน
เพราะหุ้นส่วน ที่ชวนนั้น ภรรยาเก่า เลาแสนดี
โอกาสทอง ลองเบิ๊งตี้ หนี้บ่รั่ว ผัวกะได้ เหอๆ
เยี่ยมชมที่นี่ http://sirsakchai.blogspot.com/
แก้ไขครั้งสุดท้ายโดย จำจน; 29-12-2017 at 17:19.
-
แบ่งปันความรู้และประสบการณ์
อิหล่าเอ้ย
อ้ายอยากถาม ข่าวความเจ้า พ่อเซาคุม เลิกอุ้มไป๊
พ่อวางแส้ แม่เลิกฮ้าย หย่านมได้ โดนไป๊น้อ อิอิ โดนยังน้อ
พ่อวางแส้ แม่เลิกฮ้าย หาเงินใช้ เป็นไป๊น้อ
การเรียนนั้น ผ่านแล้วบ้อ ติดศูนย์ร. ไปบ่ไหว
หรือขาดทุน หนุนนำไป มหาลัย ให้บอกด้วย
อ้ายสิบืน (บ่แม่นอ้ายสิฝืนเด้อ อิอิ)
อ้ายสิบืน ยื่นมือช่วย ด้วยเงื่อนไข ไร้ผูกมัด
เพียงยึดถือ ความซื่อสัตย์ บ่จำกัด อ้ายจัดให้
ค่าห้องหอ บ่พอใช้ เทอมต้นปลาย ให้เว้าจา
อ้ายสิคอย หลอยเมียมา ขอเพียงว่า อย่าปากโป้ง
กุมลับไว้ ให้สุดโต่ง คงฮู้แต่ แค่สองเฮา
อย่าไปสน คำคนเขา ชีวิตเรา เขาซ่อยเฮาบ่ได้ดอกนางเอ้ย แหๆ
เยี่ยมชม Blog ได้ที่นี่ >>> http://sirsakchai.blogspot.com/
แก้ไขครั้งสุดท้ายโดย จำจน; 29-12-2017 at 17:17.
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks