กลอนผญาขำๆ

[จำจน]

โอน้อ สุขอยู่ไส ไผเห็นบ้าง คือบ่ย่าง มาจั๊งงัว
สิดักรับ จับไปครัว ลาบขมนัว คั่วใส่เพี้ย
ตักมาเปิบ เสิร์ฟให้เสี่ย เถ้าแก่เนี้ย แก้เพลียใจ
ทั้งรวยจน คนเดนตาย ได้รับรส สุขสดๆร้อนๆ เหอๆ

หล่านางเอ้ย
ใกล้สิได้ อ้ายแล้ว สังสิแส่ว แจวหนี
ยังบ่ลอง ของดี หรือผีมา บังตาไว้
บ่ทันส่วง หายปํวงไข้ หมอใหญ่ ยังบ่ได้ฉีดยา
ซ่างหันหลัง สั่งลา บ่ย่านห่า กินคนตี้ อิอิ

หล่านางเอ้ย
คันแม่นน้องฮักอ้าย ฟ้าวขายนา แม่มาแต๊ง
หรือเอาที่เข้าแบงก์ แปลงสินทรัพย์ รับเป็นหนี้
จัดงานใหญ่ให้เต็มที่ มีหยังหนุนเอาบุญแอว
ทั้งเพชรพลอย สร้อยคำ จำทุกแนว
แล้วบันทึก ไว้ระลึกถึง ว่าครั้งหนึ่งในชีวิต เหอๆ

พี่น้องเอ้ย
คนคือกัน ส่างหยันเย้ย เพิ่งเคยเห็น เป็นของแปลก พะนะ
เว้าจอกหลอก แจกแหลก แดกดันเขา สาวขี้ล้าย
สัตว์หายาก ปากดีฮ้าย ทิ้งท้ายว่า ส่างกล้าเกิด
เบิ๊ดแล้วตี้ คำสิเว้า ซ่างหาเหาใส่หัวแท้น้อ อิอิ

พี่น้องเอ้ย
เป็นเรื่องใหญ่ ในโซเชียล เมื่อผมเขียน เรียนเจ้านาย
คราวพบพ้อ บ่ทักทาย คำนับนาย ในวันนั้น
มื้อหลอยเมีย กินเบียร์ปั่น นัดสังสรรค์ วันเมียเผลอ
มิตรสหาย พวกอ้ายเกลอ เจอกันที มีนักร้อง
บ่ระคาย เจ้านายย่อง จีบนักร้อง จองโตเด่น
ผมทำท่า ว่าบ่เห็น นายจองเวร เห็นบ่เว้า
บ่ย่องยอ ต่อหน้าสาว ถึงคราวซวย ด้วยประการฉะนี้ เหอๆ

พี่น้องเอ้ย
ข่าวคึกโครม สาวนมน้อย ให้หมอซ่อย พลอยขื่นขม
พึ่งมีดหมอ เจาะราวนม เต้ากลึงกลม สมใจเจ้า
ความมั่นใจ หลั่งไหลเข้า เป็นสาวมั่น ทันสมัย
โพสรูปทรง ลงออนไลน์ สู่เป้าหมาย เน็ทไอดอล
โชว์อกตูม จนหนุ่มฮ้อน นอนฝันดี อยากตีเข่า
เป็นพริตตี้ เซ็กซี่เต้า พอนมเน่า สาวโดดตึกตาย อนิจจา

พี่น้องเอ้ย
อุกอั๊งเหลือ เบื่อชาวบ้าน ซุบซิบกัน ย่านเฮาฟัง
เห็นหน้าเว้า ปานเล่าหนัง ละครดัง ทางช่องแปด
เม้าท์สนั่น วิจารณ์แซด แชร์คลิปแมส เม้นท์แรดเหลือ
ว่าสงเคราะห์ กะบ่เชื่อ ช่างน่าเบื่อ เอาเหลือใจ
ซ่างขุดคุ้ย คุยขยาย เมียเอาตาย ไผรับผิดชอบ อิอิ

e books รวมกลอนผญาขำๆ
>>> https://goo.gl/gQewrU

e books รวม 19 เรื่องสั้น ชุด เหยื่อ 01
>>> https://goo.gl/JGGQnn

e books รวม 17 เรื่องสั้น ชุด เหยื่อ 02
>>> https://goo.gl/nP91nj