กำลังแสดงผล 1 ถึง 4 จากทั้งหมด 4

หัวข้อ: บัวกลางตม

  1. #1

    บัวกลางตม

    โอนอ..ปทุมมาเหล่าเซื้อ เกิดก่อกลางบึง
    บัวระบัดใบ เบ่งบานเหนือน้ำ
    เกิดจากก้ำ กลางตมใต้ล่าง
    สิ่งโสมมซะล้าง กางก้านกลีบสลวย

    เกษร อ่อนอ่วยซ้วย นวยนาดพรรณะสี
    ยามสุรีย์ สายแสง ส่องแยงยังพื้น
    สะท้อน ผืนแผ่นน้ำ เสมอคำสูงค่า
    ปทุมมา ยิ่งแย้ม แนมแล้วคึดสะออน เดนอ

    คึดทบย้อน เถิงบ่อนตอนกก
    บัวละสิ่ง สกปรก ยกซูเซยก้าน
    อดีตกาล ภยันหน้า ภักษาปลาเต่า
    เสมอ เขลาเหล่าก้อ มรเมี้ยนแต่ตม ว่าเด้ฯ

    บัวกลางตมบัวกลางตมบัวกลางตมบัวกลางตมบัวกลางตม


  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    สำเนียงเรียงร้อยอักษรเหมือนอาจารย์ศรีสะท้านเลยครับ สวัสดีครับอ้ายมีเหตุผล
    แก้ไขครั้งสุดท้ายโดย สหายพง; 29-08-2016 at 15:37.

  3. #3
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,760
    บ่แม่นเด้อครับ..อาจารย์ศรีสะท้าน เพิ่นไปบวชดนแล้วตั๊ว...

  4. #4
    อาจารย์ศรีสะท้าน เพิ่นเป็นปรมาจารย์ผญา เปรียบเสมือนครูของขะน้อยครับ ยกไว้เหนือเกล้า ทุกบททุกบั้นของอาจารย์ศรีฯ ขะน้อยอ่านจนขึ้นใจ แล้วจั่งได้นำฮอยเพิ่นครับ แต่กะยังห่างไกลอาจารย์หลายเติบยุ ด้วยความฮักผญา และกลอนอีสานลายต่างๆ ที่ท่านอาจารย์เคยแนะนำ ขะน้อยพยายามสิบสานอนุรักษ์ไว้ตามฮอยเพิ่น ขอรับ..

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •