กำลังแสดงผล 1 ถึง 3 จากทั้งหมด 3

หัวข้อ: ลืมแล้วฤๅ

Blogger
  1. #1

    ลืมแล้วฤๅ

    โอนอ..นับแต่มื้อ หมากพร้าว สิได้ห่างฮามสวน
    ดอกลำดวน สิห่างไกลไลต้น
    คนสิ ไลลืมถิ้ม มูลมังของเก่า
    มรดกแต่เค้า สิสูญเศร้าเสื่อมสลาย แล้วฤๅ

    แอกสิได้ พรากพ้น หนีจากคอค-ย (ควาย)
    กวยตาแหลว สิห่างมอนลืมม้อน
    แตงสิ จรจากค้าง หญ้านางสิถิ่มอุ่ม
    ผักอีฮุม สิถิ่มต้น คนถิ่มเซื้อเหล่าแนว แล้วฤๅ

    เผียบดั่งแก้ว มณีค่าควรแพง
    หากบ่หันมาแยง ส่วยสีสรงล้าง
    เพียงแค่ วางเอาไว้ สิสดใสเฮืองฮุ่ง เป็นฤๅ
    ฝากแด่ ฝูงพี่น้อง ในห้องให้ฮิ่นตรอง เอาถ่อนฯ

    ลืมแล้วฤๅลืมแล้วฤๅลืมแล้วฤๅ


  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    9,882
    บล็อก
    9
    ลืมแล้วฤา....ยอดผักกะเดา ป่นแจ่วปลาเข่งย่าง
    ..............ลืมแล้วบ่นาง นุ่งผ้าซินลายกับแก้
    ..............ลืมแล้วบ้ มื่อจอบบ่อนปลาบุ้นน้ำ
    ..............ลืมแล้วบ่มื่อนั่น ฟังลำฟ้อนฮอ่นใส่ลำโพงขวา


    แจมนำแน๊ท้าน หม่นไปเรื่อยเปื่อย

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,227
    บล็อก
    23
    อ้ายเอ้ย
    ทางผญาเพิ่นสอนไว้
    บอกฮีตให้ลูกหลานท่อง
    แนวทางดีเฮาส่อยต้อน
    สอนรุ่นน้องให้ค่องจำ

    อันผญาสุมื้อนี้ นับมื้อมีสิหนีห่าง
    คั่นแม่นเฮานำค่อยสู่ สิส่อยยู้คู่แต่หลัง
    ขอพี่ซายและนางต้อง ส่อยประคองฮองฮีตฮ่วม อย่าสิไหลลืมทิ่มหนีหน่ายมโนเฮา.. เด้ออ้าย

    ปล. ม่นคือกัน ^ ^

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •