กำลังแสดงผล 1 ถึง 2 จากทั้งหมด 2

หัวข้อ: คะนิง

  1. #1

    คะนิง

    โอนอ..หนาวเทื่อนี้ เป็นที่ทัวระมาน เดนอ
    ยามลมพานโชยพัด ผ่านพะโยมเฮียวไม้
    ใจเฮียมข้า คะนิงหาแฮงฮอด
    คนเคยกอดแต่กี้ เดี๋ยวนี้หน่ายลืม แล้วฤๅ

    ความปลาบปลื้ม ปางก่อนตอนกก
    เจ้ายังสาธยายยก ฮักเฮียมแฮงอ้าย
    เพ-ลากรายเหิงล้ำ ควมคำยังจำจื่อ บ่เด
    ย่านแม่นคือลมผ่านไม้ พอให้เนิ้งเหนี่ยวนำ

    พี่นี้ คึดอ่ำล้ำ นำแต่อนงค์นาง
    คือเผิ่งคึดต่อดาง คะนิงนางกะโดยด้าม
    ยามห่างหน้า ในอุราเอ้าอั่ง เดนอ
    จักว่ายังฮักอ้าย หือใจย้ายไปฝ่ายเขา แล้วนอ คำเอยฯ

    คะนิงคะนิงคะนิงคะนิงคะนิงคะนิง


  2. #2
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    144
    อ้ายเอ้ย
    อดีตกาล มันผ่านพ้น อย่าบ่นมา รื้อหาเหตุ
    สิย้อนมา เกิดอาเพศ เฮ็ดชนวน กวนน้ำขุ่น
    ให้เหยียบไว้ ใต้ตีนพุ้น อย่าวุ่นวาย กลายเป็นความ
    ถ้าถึงหู ผู้ที่สาม สิทำลาย ระคายได้
    ความฮักน้อง สิหมองไหม้ กลายระทม ล่มสลาย
    ครอบครัวแตก และแยกย้าย ส่งผลร้าย ให้กับนาง
    หาผู้ใหม่ ไว้เคียงข้าง จงลืมนาง วางความเก่า
    อดีตกาล หวานแต่เค้า ถือข้อยเจ้า เอาประสบการณ์ เหอๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •