มีเอื้อยเพิ่นเอาเรื่องปลูกเห็ดฟางมาเว้าไว้โดนแล้วผมไปเห็นยุ่ใกล้ๆ บ้านอีกฟาร์มหนึ่งขอเอามาสู่พี่น้องเบิ่งตื่มกัน
ผมไปเจอป้าสงบที่ไร่แตงโมของอ้ายทิดจันทร์ ป้าบอกว่าป้าก็ปลูกเห็ดฟางอยู่ตีนเขาข้างอ่างเก็บน้ำใกล้ๆ นี่เอง
มีเห็ดขายบ่จร้าป้า มีคะ แต่วันนี้เก็บหมดแล้ว พรุ่งนี้จึงจะเก็บได้อีก ป้าขายกิโลเท่าไหร่ครับ 60 คะ
ถ้าขายส่งก็โล 55 บาท ปกติจะขายส่งมีคนมารับเป็นประจำ บร้า มื้ออื่นไปเบิ่งก่อนน้า พอได้ซื้อฝากหลาน
ฟาร์มเห็ดของป้าสงบเป็นแบบโรงเรือนขนาดบ่ใหญ่ปานได๋จำนวนสามโรงตั้งอยู่ตีนเขาพนมรุ้งฝั่งตะวันออก
ป้าบอกว่าทำเห็ดมาปีนี้เป็นปีที่แปดแล้วรายได้พอได้ส่งลูกหลานเรียนจบปริญญาตรี
ป้าเข้าไปเก็บเห็ดให้ ขอเข้าไปเบิ่งนำเพิ่น ป้าดดอกเห็ดงามเป็นตะใส่ต้มยำแซ้บอิหลี ขาวจุ้นพุ่น
ดอกเห็ดฟางหลังจากตัดรากออกแล้วขายปลีกยุ่หน้าโรงเรือนกิโลกรัมละ 60 บาท มีชาวบ้านมาซื้อเป็นระยะครับ
กิจการดีบ่ดีสังเกตุจากนามบัตรลูกค้าที่มาติดต่อให้ไว้ "มีเห็ดแล้วรีบโทรบอกนะป้า"
รายละเอียดวิธีการตามแบบฉบับสูตรของป้าสงบผมสิไปติดตามนำมาเว้าสู่พี่น้องบ้านมหาฟังต่อไปครับ
แล้วกะเห็ดฟางของป้าสงบหลังจากที่ได้ต้มยำและเฮ้ดแจ่วเห็ดกินเบิ่งแล้ว รสชาดดีบ่มีกลิ่นขิวกลิ่นฉุนครับ แซ้บอิหลี
Bookmarks