กำลังแสดงผล 1 ถึง 2 จากทั้งหมด 2

หัวข้อ: วิถีบ้านท่ง หอมกลิ่นใบข้าว

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    วิถีบ้านท่ง หอมกลิ่นใบข้าว

    วิถีบ้านท่ง หอมกลิ่นใบข้าว


    ยินเสียงเพรียกก้อง กระทาดงต๊อกต้อส่ง
    อัสดงสิลับไม้ ใบข้าวโน้มก่องกวย
    หอมฮวยๆ โชยฟุ้ง อบอวลตามท่ง
    จักจั่นดง ฮ้องสั่งซู้ ดังก้องสนั่นมา

    เขียดจานาพองคอเว้า คุยสาวยามใกล้ค่ำ
    แอ็บ แอ็บ ตามป่าข้าว ฟังแล้วกะม่วนยิน
    กาเอี้ยงบินเมือบ้าน คืนคอนดอนป่า
    ูหมู่ชาวนาวางเวียกไว้ คืนบ้านต่าวเมือ

    ฝูงหมู่เด็กหนุ่มน้อย หาปลาจนค่ำ
    บ้างผ่องใส่เบ็ด ดักลอบไว้ ยามไซแล้วสิต่าวเมือ
    สุขใจเหลือหาปลาได้ ยามแลงสิต้มอ่อม
    หุงหาภาช์แลงไว้ คองถ่าพ่อแม่ตน

    เกิดเป็นคนต้องทนสู้ วิถีเฮาบ่อคือเผิ่น
    เดินตามนาป่าไม้ สุขใจแล้วส่ำที่เป็น



    ขอบคุณเจ้าของภาพงามๆ จากเน็ต ครับ
    แก้ไขครั้งสุดท้ายโดย ทิดจ่อย; 06-07-2017 at 12:13.

  2. #2
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เห็นภาพแล้วคิดฮอดตอนเป็นเด็กน้อย กะจั่งซี่หละ ตากแดดจนแหล่ แต่กะม่วนตามประสาเด็กน้อยบ้านนอกครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •