กำลังแสดงผล 1 ถึง 2 จากทั้งหมด 2

หัวข้อ: ปักเบ็ดปลาช่อนนา

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558

    ปักเบ็ดปลาช่อนนา


    ปักเบ็ดปลาช่อนนา

    ปักเบ็ดปลาช่อนนา

    ภาพประกอบต้ะก่อนเกี่ยวข้าวปีที่ผ่านมา
    สระน้ำท้ายนาสองสระที่ได้จากการขุดดินไปถมที่แต่สองสามปีก่อนยังบ่ได้กินปลาเท่าที่ควรเพราะขุดแล้วผัดแล้ง
    ปีบ่แล้งผัดบ่มีคนมาหามาทอดแหกางมองจับปลาให้กินครับ โตกะของเองกะหว่านแหบ่เป็นดำน้ำบ่อึด

    ปักเบ็ดปลาช่อนนา

    เดินเลาะคูสาหว่างมื้อเพิ่นปลุกเถียงเห็นยุบยับๆ เอปลาลูกครอกหยังสิมามียามเดือนอ้าย ค่อยๆย่างลงคูสา
    ก้มเบิ่งใกล้ๆ เอ๋าฝูงปลาดุก เกิดมาพึ่งเคยเห็นฝูงปลาดุกราวๆสามสิบสี่สิบโตโตประมาณหกเจ็ดโตโลว่ายน้ำพันกันลุ้มอุ้มๆ
    เสร็จแท้ละมาบาดลุ่น

    คิดหาหลายวิธีที่จะจับปลา เบิ่งทั้งคลิปไทยคลิบเขมรคลิปแขกเบิ่งแล้วเอ่...ใช้ท่อพีวีซีใช้หน่วยบักพร้าวใช้พัดลมฮ้าง
    เบิ่งแล้วจักแม่นแท้บ่บ่มั่นใจ สิเฮ้ดจั่นกะค้านโจมหว่านแหกะค้านงุมเบ็ดฝรั่งบ่มีนำเพิ่นอยากได้ลอบยืนผัดว่าแพงคัก
    เอ๋าเบ็ดปักสูตรเก่านิละใส่เหยื่อปักถิ่มไว้ได้ไปเฮ้ดธุระอย่างอื่นกลับมาค่อยมายามเอาไปแกงโลด

    ครับว่าแล้วก็ไปตัดไม้ไผ่บ้านสีสุกมาจากโคราช
    บ่แม่นเว้าเกินไปไปงานศพพี่น้องที่อำเภอสูงเนิน สูงเนินเป็นอำเภอหนึ่งที่อุดมสมบูรณ์ข้าวนาปรังไร่ข้าวโพดไร่มัน
    เพราะมีน้ำไหลผ่านตลอดปี มีน้ำจากเขื่อนลำตะคองและอ่างเก็บน้ำซับประดู่ มีน้ำตกกลางท่งน้ำตกวังเณรคนหลายคัก
    ทางด่วนเส้นใหม่ใกล้สิแล้วเสร็จเดี่ยวพี่น้องสิได้ขี่รถผ่านสิได้เห็นคือผมว่าสูงเนินอุดมสมบูรณ์ไปด้วยนาข้าวและพืชไร่
    ดินอุดมสมบูรณ์มีน้ำไหลผ่านตลอดทั้งปีมีลำห้วยและก็มีกอไผ่ ไผ่สีสุกตามริมห้วยและอยู่นาพี่น้องเพิ่นมียุ่กอหนึ่งครับ
    เพิ่นบอกอยากได้เอ็งก็ไปดูหนามมันเยอะนะ มีดโต้ติดรถไปใสบ่เคยลืมเอาไว้สางกิ่งไม้กิ่งหนามยามไปไฮ่ไปนา

    ปักเบ็ดปลาช่อนนา

    ปักเบ็ดปลาช่อนนา

    ถือมีดโต้ย่างเข้ากอไผ่ได้มาลำน้อยยังบ่แก่ดีพอดีมันเนิ้งลงมาทางแจไฮ่นาตัดแล้วแก่ออกไปเดิ่นโอ้แดดแก่ฮ้อนคัก
    อ้ายนายแกไม่ตัดเอาอีก ยายแกถาม โอ้พอแล้วยายแค่นี้ผมก็แก่จะไม่ไหวแล้วรอให้มันแก่ก่อนเดี่ยวปหน้าผมมาแก้ตัวใหม่
    ไม้ไผ่ลำเดียวมีต้ะแกกับแก่

    ปักเบ็ดปลาช่อนนา

    แบกลำไม้ไผ่ผ่าแดดมามาพ้อแบ้ แบ้สิบกว่าโต แพะของพี่น้องเพิ่นซื้อมาถิ่มไว้ให้พ่อแม่เบิ่งไว้ถ่า
    ทำงานอยู่รังสิตนวนครเทียวมาส่องเบิ่ง แบ้น้อยออกแม่แผ่ลูกดีคักเบิ่งแล้วคือสิบ่แม่นแบ้นมดอกโตบ่ซ่ำใหญ่
    โตผู้ขายเนื้อตกโตละสองสามพันขายห้าโตได้เงินหมื่นกว่า ตั้งแต่เอามาเลี้ยงยังบ่ได้เสียค่าอาหารแม้แต่บาทเดียว
    ยามนากะปล่อยเล็มยอดผักกระถินนำสายห้วยยามแล้งปล่อยกินผักหมนำไฮ่นา
    ลองนำเพิ่นเบิ่งครับไผมีเวลามีสถานที่ไผมักกินเนื้อแพะนมแพะ

    ปักเบ็ดปลาช่อนนา

    แบกไม้ไผ่มาอีกบ่ทันฮ้อดเถียง เอ้ายายแบกย่ามอิหยังน้อครับ ผักชีจ้ะ อิหยังผักชีผมงงที่ยายตอบ อะไรผักชีก็ผักชี
    ผักชีเนี่ยผักชีจีนชีหอมเราเนี่ย ถิ่มลำไม้ไผ่ย่างไปเบิ่งใกล้ๆ

    ปักเบ็ดปลาช่อนนา

    ผักชีอิหลีครับ ผักชีหยังละแบบนี้ ผักชีไทยผักชีหอมใส่ลาบใส่หม้อต้มยำผักชีกินกับลาบกับป่นนิละ ใส่ต้มปลาพอดีตั้ว
    เอ่อผักชีจริงๆครับยาย ก็ผักชีจริงๆจะให้ยายว่าผักอะไร ยายไปเก็บมาจากไหน โน้นยายพูดพร้อมชี้มือไปทางป่าหญ้า
    ไหนยาย โน้นวะเอ็งนี้ข้าไปละ โน้นไหน โน้นๆยายย้ำอีกยายก็งงกับผมผมก็งงกับยาย ทั้งภาษาปากทั้งภาษามือ
    แต่ก็ยังไม่เข้าใจกัน ผักชีอะไรของเขาที่เขาชี้ไปนั่นมันแปลงผักร้างถ้าบ้านผมแบบนี้มีต้ะปล่อยควายใส่ถ้อนแหล่ว
    ผมถามญาติว่าที่เห็นสปริงเก้อร์นั้นปลูกอะไร ญาติตอบว่าปลูกผักชี ผมก็เข้าใจว่าอ๋อเคยเป็นแปลงผักชีมาก่อน
    พอเห็นยายแบกย่ามมาบอกว่าผักชีอีกคนผมกะเลยงงครับว่าไปเก็บผักชีมาต้ะใสคือบ่เห็นหนานผักชีคือเห็นต้ะป่าหญ้า

    ปักเบ็ดปลาช่อนนา

    พอเห็นต้นผักชีในย่ามเพิ่นอ้าวแม่นอิหลีค่อยเดินไปซอมใกล้ๆ ต้นผักชีมันลี้อยู่ในป่าหญ้าครับ พี่น้องเพิ่นหว่านผักชีไว้
    อาจสิตั้งใจปลูกง่ายๆแบบนี้ หรืออาจสิบ่มีเวลาดูแลบ่ได้ส่อเพิ่นคักเพราะว่าพี่น้องเองกะยากนำงานคนเสียชีวิต
    ส่วนซุมต้นน้อยนี้เป็นซุมหว่านใหม่หนานทางขวามือใกล้ๆกันกับที่แบ้เล็มหญ้าอยู่นั้นละ

    อีกสองคนที่มาถอนผมถามเพิ่นเพิ่นตอบว่า ฉันสองคนก็พึ่งมาวันนี้แหละไม่รู้จะได้หรือไม่ได้ดอก
    ฟังเพิ่นตอบผมละงงอยู่ตั้งโดนจนเหลาเบ็ดได้พักหนึ่งค่อยมานั่งส่อญาติค่อยอ๋อแต่กะบ่ได้ถามลึกจนเกินไป
    เพราะผู้ที่ถูกถามบ่แม่นผู้ปลูกผู้ทำเป็นลูกๆที่เพิ่นมางานคือกัน
    หลังจากส่อได้ความคร่าวๆ ว่าผู้หว่านหว่านไว้รดน้ำให้ปุ๋ยพอโตแล้วมีผู้มาถอนมาเก็บไปขาย มาเก็บเองเก็บได้ท่อได๋
    เจ้าของแปลงคิดกิโลกรัมละ 40 บาทครับ ผู้มาถอนจะเอาไปขายกี่บาทกะแล้วแต่เพิ่น

    ครับเอามาเว้าสู่พี่น้องเบิ่งว่าบางทีบางเทื่อสิเฮ้ดอิหยังกะบ่ต้องถึงกับเลิศเลอเฮาบอกว่าต้องๆๆๆๆทุกอย่างต้องๆๆๆๆ
    บางคนเพิ่นเฮ้ดถิ่มเฮ้ดหัวไปกะได้กินยุ่คือกันตรงกับหลายๆคนเว้ายุ่ว่าชีวิตมันกะซ่ำนั้นละอย่าไปจิงจังกับมันคักหลาย
    ผมลองเปิดเบิ่งตลาดไทและตลาดสี่มุมเมืองราคาผักชีช่วงเดือนมีนาคมเมษายนตกกิโลกรัมละเกินหนึ่งร้อยบาทครับ
    พอปลูกเล่นยุ่ดอกครับไผมีที่มีน้ำมีเวลาแล้วกะมีหม่องขาย

    แบกลำไม้ไผ่มาถึงฮ่มแล้วมาตัดและผ่าก่อนใส่ดากรถมาเหลายุ่รังสิตเพราะมาผ่ารังสิตไม้มันหมาดมันสิผ่าบ่โล่ง
    ตอนผ่าเสียงดังรำคาญข้างบ้านเพิ่นนำ พอผ่าแล้วเอ..เหลาเล่นแหน่กะดีไม้สดๆเหลาง่ายๆ แค่รังสิตกลับยามได๋กะได้
    ผมนั่งเหลาคันเบ็ดแบบบ่รีบร้อนบ่สนใจว่ามันสิเสร็จหรือบ่เสร็จ เหลาให้เนียนที่สุดมือลูบต้องบ่สดุดมีดบ่คมไปลับมีด
    ส่วนสาวขะแมร์นอนอู่เปลใต้เถียงพี่น้องเพิ่นออกมาปลุกเฮียนน้อยยุ่ท่ง อยู่ติดกับหมู่บ้านเพิ่นหั่นละครับ
    บรรยากาศดีได้ปลาค่อใหญ่แม่ไข่ต้มส้มใส่มดแดงซ้ดน้ำฮ้อนๆคือสิโล่งคอดีคัก

    แก้ไขครั้งสุดท้ายโดย หนุ่มลาวสาวขะแมร์; 09-09-2020 at 19:54.

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    เป็นตาไปนอนเว่นซิดเบ็ดเล่นน้อครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •