กำลังแสดงผล 1 ถึง 8 จากทั้งหมด 8

หัวข้อ: ................ถามข่าวสาวนักเรียน..........................

  1. #1
    เซียงข่อล่อ
    Guest

    ................ถามข่าวสาวนักเรียน..........................



    เจ้าผู้ทรงผมเหี่ยนสาวนักสิฮู้บ่ (นางเอ้ย). ได้ยินเสียเพียงแรกพ้อพี่รอถ้าว่าสิถาม
    เห็นเจ้าหัวยุ้มย้ามหน้าเปิ่นเวิ่นเกินสำอางค์ แนมนิวนางบ่มีแหวนอยากเกี่ยวแนเคียงใกล้
    เขียนจดหมายบรรยายไว้เห็นได้ได๋บ่กล้าส่ง เอาไปวางไว้หน้าซั้นภารโรงซ้ำกวาดใส่ถัง
    หัวอกอุกอั่งมั่งนอนั่งเป็นเอาหนัก บ่ได้เผยความฮักย่านพี่ซายนี้ตายเมี้ยน
    แนวว่าโตเสียมเหี๋ยนประสงค์หาแต่ดินแก่น ชาติโตเสียมบ้องตื้นประสงค์ทึ้นใส่แต่โพน
    ฮักฉงหลายฮอดสิล้นหลูโดนพี่บ่น้อนาง เจ้าผู้คีงกลมบางบ่ซ่วงสรางแต่ทางอ้าย
    พี่มันจนคนขึ้ฮ้ายจิตใจหมายหมั่นเที่ยง เป้นจั่งได๋กะสิเสี่ยงขั่นสมแม้งสิแต่งตาม
    พี่เผลอใจตั้งแต่ต้นเจ้าสิว่าแนวได๋ สาวนักเรียนแววตาใสเสื้อขาวกระโปรงสิ้ว
    เส้นผมปลิวยามเดินก้าวถือกระเป่าเว้ากะม้วน คือสิเกรดสี่ถ้วนการเรียหล่าจ่าจั่งได๋
    ภาษาเฮากะเว้าได้อีกฝาหรั่งอังกฤษ เล่นกีฬาเทนนิสวิทยาตำราเว้า
    ฮอดเวาลาเรียนเข้าขาดบ่เคยนั่งหน้าหมู่ (พุ่นแล้ว) งานดู่ครูแฮ่งย้องพี่คนจ้องชื่นกระใจ
    คึดอยากมาอยู่ใกล้เว้าพาส่งแลงพากลับ (เบิ่งเด้) พ่อแม่นางสิยอมรับได้บ่นอสิขอร้อง
    บทผยาภาษาพ้องอ่านลองดูสิฮู้เรื่อง จารึกมาจากเบื้องหัวใจอ้ายอยากหม่ายหญิง




  2. #2
    เซียงข่อล่อ
    Guest

    Re: ................ถามข่าวสาวนักเรียน..........................


    .........ฝากบอกสาวทาง ม.สารคามนำแน่เด้อ...........เซียงข่อล่อท่ามาดำนาซอยอยู่เด้


  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ................ถามข่าวสาวนักเรียน..........................


    ...เซียงเอ๊ยเซียงข่อล่อเพิ่นถามต่อสาวนักเรียน
    จั่งแม่นมาเพียรถามฮ่ำฮอนนำสาวคนโก้.... อิอิอิ


  4. #4
    เซียงข่อล่อ
    Guest

    Re: ................ถามข่าวสาวนักเรียน..........................


    สาวนักเรียนได๋บ้าง สาวนางเห็นใจพี่
    เซียงข่อล่อน้อยผู้นี้ อาสาเข้าฮ่วมเอือน
    คันนางบ่มักคนโง่ บ่โสเอาคนด้อย
    คนที่เฮียนมาหน่อยน้อย โตข่อยสิเลาหนี

    อันความฮักใผคนนี้ บ่มีที่ปริญญา
    บ่มีที่การศึกษา มาจากใจ พู้นเด้เจ้า..................

  5. #5
    rattiganwongtong
    Guest

    Re: ................ถามข่าวสาวนักเรียน..........................

    ฝากสาวสารคามผู้ใดล่ะอ้ายน้องกะสาวสารคามจ้า

  6. #6
    เซียงข่อล่อ
    Guest

    Re: ................ถามข่าวสาวนักเรียน..........................

    Re: ................ถามข่าวสาวนักเรียน.......................... กระทู้ต้นฉบับโดยคุณ rattiganwongtong
    ฝากสาวสารคามผู้ใดล่ะอ้ายน้องกะสาวสารคามจ้า
    ฝากสาวเอกบัญชี ปี 3 เด้อ ม. สารคาม สาวศรีสะเกษว่าซั้น

    อยากเด้อยากฮู้ใจเจ้า สาว ม. สารคามสิว่าบ่ พี่บ่าวเซียงข่อล่อยังรอเจ้าให้ต่าวหา
    อ้ายอยากถามเทิ่งฟ้า ถ่านเทพพยาแถน ที่อยู่บนเมืองแมนดินแดนสวรรค์กว้าง
    คันบ่าวซายพอได้ล้วงฮู้เถิ่งความคิด ฮู้ว่าในดวงจิตหมอบพระนางยังมีอ้าย
    หรือว่าผีสางห้ายเอาใจนางไปแล้วนี่ ให้อ้ายคนผู้นี้คอยถ้าแต่คิดถึง

    ความคิดถึงนี้ มันคือเป้นจั่งซี้น้อ...............................บ่รู้ว่ามีความสุขหรือว่าทรมาน

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ................ถามข่าวสาวนักเรียน..........................

    บัดใด๋แท้แม้นเพิ่นมักสาวนักเรียน จั้งได้เวียนถามหาจ่ายผญามาทางพี่
    เอาให้ดีเด้อเจ้าสาวนักเรียนผู้เพียรพราก ยากปานใด๋กะให้สู้เส็งแต้มต่อวิชา
    อานาคตข้างหน้าสิได้ฮุ้งเฮืองใส ในขบวนวิชาการได้ผ่านเห็นเป็นแจ้ง
    ถึงเวลาเลิกเรียนแล้วให้ฟ้าวฝั่งกลับเคหา ทวนตำราให้จริงจังย่าห่วงทางบ่เป็นเรื่อง
    อย่าสุเอียงไปทางข้างแนวบ่ดีมันบ่แม่น เว้าเรื่องซู้เรื่องแฟนยังบ่ทันได้พร้อมอย่ายอมให้ท่าผู้ใด๋

    ป.ล. เบิ่งดีๆเด้อเซียงข้อล้อเอ้ยฮ่าถืกหลานสาวข้อย หลานสาวข้อยเรียนอยู่ ม. สารคาม แต่ปีสุดท้ายแล้วคือมสิบ่แม่นดอกตี้คือว่า อิๆ


  8. #8
    เซียงข่อล่อ
    Guest

    Re: ................ถามข่าวสาวนักเรียน..........................


    สาวนักศึกษาเอย...............
    อยากฝากคำจาเว้า ส่งขาวไปถามหา
    อยากฝากคำนำกา ไปบอกจาว่าคิดฮอด
    อยากฝากคำไปหยอด ให้หัวใจได้ซุ่มซื่น
    ให้เจ้ายื่นสู้ยาก ทนความยาก หนักการเฮียน
    อ้ายผูความฮู้เหี่ยน สิคอยเพียรถ้าเจ้าอยู่
    สิคอยดู๋บ่มีท้อ รอเจ้าได้ตาวหา เด้สาวเอย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •