กำลังแสดงผล 1 ถึง 5 จากทั้งหมด 5

หัวข้อ: มรดกอิสาน ตอนที่ ๑

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    มรดกอิสาน ตอนที่ ๑

    เพื่อนสมาชิคบ้านมหาทุกๆท่านครับ ผมได้ไปที่ร้านขายหนังสือแห่งหนึ่งบังเอิญไปเจอหนังมรดกอิสานจึงได้หยิบมาเปิดอ่านดูปรากฏว่าเป็นภาษาอี่สาน คล้ายกับเป็นคำผญา ในเนื่อหานั้นเป็นคำสอนในทางธรรมะ เห็นว่าน่าจะเป็นประโยชน์มากสำหรับเพื่อนสมาชิค ชาวอี่สานบ้านมหา ผมจึงอยากจะนำเอาสิ่งที่มีคุณค่านี้มาถ่ายทอดให้ท่านทั้งหลายได้อ่านจนกว่าจะจบเล่ม โดยจะแยกเป็นหมวด ๆไปดังนี้
    เผยความในใจผู้เขียน

    ความในใจอยากสิเอื้อน เขียนออกเป็นหนังสือ
    ถือเป็นเพียงหนังหา ย้อนว่าเป็นภาษาเว้า
    อภัยเด้อเมธาเจ้า ฝูงแตกฉานภาษาศาสตร์
    เทื่อผิดพลาดวาทข้อ ขอความพลั้งเป็นยอดครู
    คนที่เก่งรอบรู้ นิรุกติศาสตร์ในโลกา
    แม่นเจ้าของภาษา บ่อื่นไกลสิใด๋จ้อย
    เมื่อสิเรียงสำนวนถ้อน เขียนเป็นเสียงโพดแสนยาก
    ภาคอี่สานข้อยเจ้า อัษรเค้านั้นบ่มี
    แนวพาแต่งได้เทื่อนี้ หนีบ่รอดอัษรไทย
    ให้ถือเป็นธรรมดา อย่าว่าเฮียมผู้เขียนด้อย
    อาจสิเฮียนมาหน่อย หือจั้งใด๋บอกบ่ถืก
    ส่ำปากกืกพ้อห้อแบงค์ อาศัยซี้เด่แต่มือ
    สิเอาคำเก่าเก่าฮื้อ มาพือแต่งแปลงสาร
    ย่านลูกหลานเกิดภายลุน สิขุ้นเคืองสำเนียงเค้า
    ชาวอี่สานสมัยนี้ ภาษาเดิมเริ่มเข้าป่า
    การศึกษาเด่นก้าว พากันเว้าตั้งแต่ไทย
    เฮียมผู้เขียนจั้งขอใช้ ข้าวจ้าวแน่ข้าวเหนียวนำ
    ฮ่าเสียคำแต่เดิมมา อย่าด่าเด้อบูฮานเอ้ย
    อ่านเผยความในใจแล้ว ความตำอิดอย่าลืมอ่าน
    ตามด้วยหมวดภาษิตสาร ตรวจทานซ้อยผู้ข้าบ้างเทื่อบกหว่างโปรดแก้ไข แด่ถ่อน

    อย่าลืม ติดตามตอนต่อไป นะครับ


  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: มรดกอิสาน ตอนที่ ๑

    นั่งหน้าฮ้าน ถ่าฟังยุเด้อ...จารย์เอ้ย ...

    ปล...วัยรุ่นใจฮ้อนเด๋ ...อย่าช้าหลายเด้อ

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: มรดกอิสาน ตอนที่ ๑

    ต่อตอนที่ ๒
    ความตำอิดตำก่อ
    ก่อนอื่นขอกราบก้ม ธุลีบาทพระสัมพุทธ
    จอมวิสุทธิ์สัตถา ศาสดาองค์ล้ำ
    อย่าซุมีกรรมต้อง อันตรายบังเบียด
    บ่ได้หมายเปลี่ยนปิ้น คำสอนให้แปไป
    พุทธศาสนสุภาษิตไซร้ อันศัพท์อีกฐานกรณ์
    กอยเป็นคำบาลี บ่ให้กลายเป็นบาล้าง
    ยังคงมูลเดิมไว้ แปลไทยก้อคือเก่า
    เพียงขยายเอ่ยเว้า เป็นเสียงถ้อยถิ่นอี่สาน
    สองภาษิตท้อนั้น แต่ละหมวดสรรมา
    จากตำรานักธรรมตรี ล้วนแต่มีสายซ้อย
    ศูนย์รวมสงฆ์ชาวเชื้อ ลูกอี่สานในกรุงเทพ
    พากันละถิ่นที่ มาทนสู้ฮ่ำเฮียน
    เพื่อนที่ดีบ่มีฆ่าเพื่อน คอยเพียรฮักกันตะผอง
    น้องอ้ายดีบ่ซังกัน หาสิ่งกูลหนุนเกื้อ
    ดุจศูนย์รวมสงฆ์อี่สานก้ำ หากองทุนไว้ถ้าจ่าย
    ซ่อยเหลือกันยามยากไฮ้ บ่ไลถิ่มปล่อยป๋า
    อนาคตนั้นน่า มันบ่แน่นอนหยัง
    บางองค์อาจเป็นสงห์ดัง ดั่งที่มีมาแล้ว
    พุทธศาสนภาษิตนี้แหล่ว พ.กวีแต่งมาฝาก
    แด่ พระมหาโกวิทย์ท่าน ประทานไว้เผื่อแผ่ผาย
    เทื่อมีไผคิดฮอดบ้าน ได้เปิดอ่านพอคลายอุก
    ทุกข์ก็ทนอดเอา อย่าซุพากันคร้าน
    พี่น้องเฮาอยู่ทางบ้าน ยังพากันเอาใจซ่อย
    คอยหล่าคำสิต่าวโค้ง ไปยามเยี่ยมบาดซื่อดัง
    แต่บาดเทื่อได้ขีดบั้ง อย่าท่าองบ่คือหลาย
    คนสิหัวขัวญหลัง ดังมหาแดงท่าน
    อวสานลงไว้ บั้นตำอิตลิขิตแต่ง
    ฝากฮักแพงทุกถ้วนหน้า บรรดาพ่องเพื่อนอี่สาน สำราญเด๊อ..............

    อย่าลืมติดตามตอนต่อไปเด้อครับ

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: มรดกอิสาน ตอนที่ ๑

    ตอนที่ ๓
    หมวดตน
    ชนะตนนั้นแหละเป็นดี

    ชนะหยังในโลกนี้ ยังมียามแพ้อีกเทื่อ
    เมื่อชนะมื้อนี้นั้น ในวันหน้าอาจแพ้เขา
    ชนะตนเพิ่นเอ่ยเว้า ว่าก้องเกีรติศักดิ์ศรี
    มีแต่สุขกับสบาย ตลอดไปบ่ตกต้อย
    กิเลสคอยผาญปล้น เช่นปวงชนให้ปี้ป่น
    ดูว่าหลายหลากล้น ไผหลอนแพ้แม่นอ่อนแอ
    ชนะแล้วบ่ต่าวแพ้ คือชนะโตเจ้าของ
    เฮาทั้งผองเกิดเมืองพระ ชนะตนให้มันได้เด้อ

    คำว่าตนเพิ่นคอยแก้ ได้แก่ส่วนกุศลกรรม
    ที่เฮาทำฌฮาเฮ็ด เฮาะฮอมทอมไว้
    ทานมัยอีกศีลเพี้ยง ภาวนาพร้อมพาบ
    พาให้ม้มบาปฮ้าย ย้อนเฮาไดพึ่งพิง

    คันฮู้แล้วอยู่ซุนิ่ง ว่าตนแม่นความดี
    ให้มีศีลมีทาน ตื่มทวีอย่าตคาวุ่น
    บาดเฮาตายไปพุ้น สิเพ็งแสงบ่หมองหม่น
    ตนเพิ่งตนได้คักแท้ ฮีบทำสร้างก่อกุศล เจ้าเอ๊ย

    หมวดประมาท
    ไผผู้บ่ประมาทม้าง ปิดทางมอดมรณ์มุด
    สุดที่แสนวิเสโส โสดบ่มีหยังเท่า
    กายกรรมบ่มุมเม้า วจีกรรมบ่มัวมืด
    มโนกรรมบ่คิดมั่ว หนทางม้วยบ่ได้มอง
    เมายศศักดิ์สิ่งเอ้ย้อง พาให้มืดมัวมหันต์
    เมาพนันพ่งเมาวัย เพศตรงกันข้าม
    อีกทั้งเมาสุราน้ำ อย่าไปเมาฟ้าวหลีกห่าง
    ย้อนความบ่ประมาทม้าง เป็นทางย้ายที่บ่ตาย เจ้าเอ๊ย
    สุนทรธรรมนี้แม่นถ้อย ปัจฉิมวาทพระสัมมา
    เทศนาตรัสสอน ก่อนสิวางสังขารสิ้น
    เฮาได้ยินอยู่เริงเรื่อย มหาคุณสุดสิเอ่ย
    บริษัทสี่เอ้ย พระองค์ให้มั่นระวัง
    เอาไตรลักษณ์เป็นที่ตั้ง เพ่งให้คักอย่าหนีหลัก
    ศาสดาขอผ่อนพัก ฝากแต่ธรรมวินัยไว้
    ทรงห่วงงใยย่านเฮาหล่ง ลืมหลงแนวประมาท
    ปัจฉิมโอวาทอ้าง ไผฝังฮู้อย่าซุเผลอ เด้อ

    โปรดติดคามตอนต่อไป




  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: มรดกอิสาน ตอนที่ ๑

    หมวดกรรม
    กรรมชั่วมีตั้งแต่ด้อย ดุจจะดังไฟปะลัย
    ไหม่เผลาผลานคนที่ทำ ให้ทั่งเมหมองมั่ว
    บาดเมื่อไฟบาปฮ้าย ไหม่จี่เผาผลาญ
    ย้านแต่โอยโอยคราง ดังโขมยลงท้อง
    ผองชาวเฮาตอนพุทธแท้ อย่าแวไปข้องเกี่ยว
    เดี๋ยวสิได้โอดโอ้ย โหยฮ้องบาดเทื่อหลัง เจ้าเอ๊ย


    ปลูกต้มพร้าวได้หมากพร้าว ปลูกพืชพริกได้ผลพริก
    อีกปลูกหยังก่อคือเดียว ต้องได้ผลแนวนั้น
    คันสิเปยเฉลยย้ำ ส่ำไผดู๋ล้างซ่วย
    ช่วยให้ผิวผ่องเกลี้ยง งามโก้น่ฮักแพง
    เฮ็ดชั่วนั้นเพิ่นก่าวแจ้ง ซ้ำกับเกือกขี้ตมเลน
    แม่นบ่เหม็นคาวตม ต่อนโตเธอยอดเปอะเปื้อน
    แหนงสู้เพียนทำดีไว้ ไลวางเวรเว้นชั่ว
    ดีได้หัวชั่วได้ไห้ สิอยากได้อันได๋ น่อคนเอ็ย

    ยังมีต่อ อาจจะพิมท์ผิดแน่กะขออภัยเด้อ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •