สิให้เว้าแนวได๋อ้าย จั่งสิครายจากความห่วง จั่งสิครายจากความหวง หลงติดบ่วงฮักอ้าย หม่องสิย้ายกะบ่มี
ในชีวีบ่เคยพ้อ ผู้ได๋น้อกำหนดไส่ มะซ่างเฮ็ดให้หัวใจ บ่ห่างไปจากอ้าย จึงยอมพ่ายอยู่ทุกทาง
หรือแม่นความอ้างว้าง ได้นำทางมาพ้อพี่ เฝ้าคิดฮอดทุกนาที เฝ้าบ่หนีจากฮักอ้าย คันตายแท้แม่นบ่ลืม
ได้หลงฮักหลงปลื้ม จนหลงลืมผู้เว้าไส่ เขาสิว่าแนวได๋ บ่สนใจซ้ำดอกอ้าย สิขายหน้ากะซ่างตาม
ขอเพียงอ้ายบ่ห้าม สิตามรักบ่มีถอย สิตามคอยด้วยความหวัง สิตามฟังทุกความเว้า
คำว่าอ้ายฮักเจ้า สิเอามาจากไสน่อ สิเอามาจากไสน้อ คนที่รอคำฮักอ้าย บ่เคยพ่าย ซ่ำเวลาอ้ายเอ๊ย
Bookmarks