กำลังแสดงผล 1 ถึง 2 จากทั้งหมด 2

หัวข้อ: ผญา.........บ่อยากลาจาก.........

  1. #1
    manu7
    Guest

    ผญา.........บ่อยากลาจาก.........

    บ่อยากลาจาก
    ปลาสิไลลาน้ำคำเอยสิเอิ้นสั่ง ชั่งสิไกลลูกโต้นคนสิไห้แอ่วนำ
    คำสิไกลสายสร้อยกลอยมันสิลาป่า หมาสิลาเข้าปั้นกระสันให้แอ่วนำ
    ปูปลาสิลาน้ำเข้าก่ำสิลาหนอง บัวทองสิลาบึงบ่าวพี่ชายสิลาน้อง
    หนองสิลาน้ำนาทามสิลาท่ง ผมป่งลากระโด้นหวีสิซันบ่อนใด
    นับมื้อไกลกันแล้วหัวเฮือสิลาฝั่ง ดอกสมั่งลาจากต้นฟานเอยสิลาหน่าง
    หมากข่างไกลหมากกลิ้งซิงสิไห้ต่อนกทา กาสิไลไก่น้อยอ้อยสิห่างฮามสวน
    ดวนดันหอมสิห่างกอไกลต้น ฝนสิลาฟ้าปูปลาสิลาบวก
    ฮวกสิลาแม่น้ำนางน้อยค่อยอยู่ดี ปลีสิลากล้วยควายบักเลสิลาท่ง
    ด้งสิลาม้อนสวนมอนสิลาจ่อ ปอสิลาเชือกอ้อง ควายนั้นค่อยอยู่ดี
    สีสิลาหน้า บาทาสิลาเกิบ เสิบสิลาปี่แอ้ แคนไค้ขลุ่ยซอ
    นอสิลาช้าง เสือสางสิลาป่า สาสิลาหญ้ากวยยาสิลาข้วน
    ทวนสิลาหญ้าฝาเฮือนทังดวด ติบนวดลากะเช้าบอกปูนนั้นค่อยอยู่







  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อ้ายผุคิงกลมเกลี้ยงสำเนียงสิลาจาก
    นาคสิลาฝั่งน้ำนทีกว้างว่าฝั่งของ
    กลองสิลาจากบั้นเสียงซอว่าแคนปี่
    อ้ายสิหนีจากน้องให้ญาอ้ายว่าอยู่ดี
    ยามสิหนีจากบั้นลาไปให้ไกลห่าง
    ห่างกะห่างแต่ซ้วนผะอวนอ้ายนั่งใจ
    บ่มีวันลืมได้ไกลวันกิโลห่าง
    แต่ว่าใจยังอ้างอยู่ใกล้บ่ห่างไกล..... แจมนำแหน่อ้าย อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •