หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: งดเหล้าเข้าพรรษา

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    งดเหล้าเข้าพรรษา


    .......................น้ำเอยน้ำหยังเด่ กินแล้วเซยั้งบ่ออยู่ น้ำถิ่มเพื่อนถิ่มหมู่
    น้ำฆ่าคนกะได้ ไทยเฮาเอิ้นว่าสุรา..............................
    พี่น้องเอย ตกปีสองพันห้า ประชาเฮาเป็นแนวใหม่ จักงานน้อยงานใหญ่
    ต้องเอาเหล้ามาตั้ง นั่งล้อมจั่งแม่นงาน
    โดยเฉพาะเขตบ้าน สถานถิ่นดินอิสาน จักงานสุขงานทุกข์ เอาเหล้าผองกันทั้งสิ้น
    ลางคนกินเมาแล้ว ลืมเลยเฮ็ดหยังอยู่ ลางคนเมาแล้วหาขู่ อันฒพาลฮอดเด็กน้อย เขาเลยค้อนล่ำกะบาน
    ลางคนเมาแล้วหน้าด้าน ฮะฮานเพิ่นบ่ออายโต เว้าโวโวเสียงดัง ตังค์บ่อมีพอแบงก์
    สตางค์แดงบ่อแก่นไท้ แนวมีเงินบาทได๋ ไปป่อนให้แต่ขวดเถื่อน
    ฟังบ่อนอเขาเตือน โฆษณาซู่มื้อ แลงเซ้าอยู่บ่อเซา
    มีแต่ จน เครียด กินเหล้า ยามมันเมาสิจนตื่ม เจ้าอย่าลืมเด้อพี่น้อง ศรัทธาท่าน..........แม่นสู่คน
    เขาจั่งรณรงค์ให้ ชาวไทยทั้งน้อยใหญ่ เข้าพรรษายามได๋ ให้พากันงดเหล้า อย่ากินแท้แค่สามเดือน
    ปฎิบัติอย่าให้เปื้อน ฮีตเก่าคองหลัง ตั้งแต่พระธรรมมัง ตรัสกลอนสอนชี้
    สุราเมรมณีศีลห้า ปาณาอย่าได้ขาด ฮู้ตักบาตรหยาดน้ำ แลงเช้าแม่นคู่ศีล
    ทุกหัวเมืองตลอดสิ้น ได้ยินบ่อมันเป็นไป กินเหล้าเมาพากันตาย ขี่รถยนต์ซนกันม้าง
    คันเหล้าดีเพิ่นคือสิบ่อสร้าง จตุคามนอพ่อใหญ่ คือสิเฮ็ดขวดใส่ เหล้าขาวลงไว้หั่น คาถาพร้อมสิยัติไป
    ให้เจ้าจำเอาไว้ ชาวไทยทั้งน้องพี่ เข้าพรรษานอปีนี้ อย่ามีเหล้า............เข้ามาครอง..........................พี่น้องเอ้ย

  2. #2
    maxlinee
    Guest

    Re: งดเหล้าเข้าพรรษา

    คิ้วอีหลี คัก คัก เป็นหมอลำเก่า บ่นอนี่

  3. #3

    Re: งดเหล้าเข้าพรรษา

    ขอสนับสนุนงดเหล้ายามเข้าพรรษา
    ขอเชิญซุมเฮามาเฮ็ดบุญหนุนไว้
    เป็นการยกระดับจิตใจ
    เป็นการสร้างอริยทรัพย์ไว้ในภายหน้า

    เข้าพรรษา พระสงฆ์องค์เจ้า
    อยู่เฝ้าวัดบ่อได้ธุดงหนี
    เป็นโอกาศได้ถามปัญหาธรรมนำส่องชีวี
    เปิดวิถีสู่ดินแดนพุทธธรรม
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    Re: งดเหล้าเข้าพรรษา

    แม่นล่ะท่าน เพิ่นว่าเฮ็ดบุญสร้าง หลวงหลายบ่อหนักหน่วง นอท่าน
    บ่อคือเฮ็ดบาปไบ้ หลายแท้คนแฮ่งซังเนาะ

    .........ฝากไปหาบ่าว maxlinee เด้ออั่นผมบ่อแม่นหมอลำเก่าดอก หัวก่อหัด อายุหัวก่อซาวเดียวข้าน้อย........

  5. #5
    maxlinee
    Guest

    Re: งดเหล้าเข้าพรรษา

    เห็นคล่องไปเบิดอาโลด ทองคำ เอ่ย

    งดได้จั่งใด๋ไผ๋เขากะกิน สิบ่เบิดทุกสิ้นกินให้มันลืมคราว
    ผุสาวเขาปะย้อนว่าโตฮ่ายเฮ็ดโตบ่สมชาย เข็มกลัดบ่มีพร้อม
    ยอมเป็นคนที่บาปตราบใด๋ทียังอยู่กินให้มันได้ฮู้สู่เซ้าบ่ให้กลาย
    ให้มันตายไปโลดตับแข็งกะตามส่างบุญบ่ได้ฮวมทางหยางเคียงกับน้อง
    เข้าพรรษามาแล้วแซวแซวคนเขาว่า มึงนั่นคนบาปหนาพรรษากะบ่เว้น
    เป็นจั่งเวรกรรมสร้างนำทางให้บ่ล่องล่องกะลอ่งน้ำเหล้าเข้าคออยู่สู่มื้อ
    ถือว่าบุญเฮาฮ้ายฮักไผ๋กะเสียเส้น จั่งเอาเล่นมาเหล้าจั่งเอาเหล้ามาเล่นเป็นนอดอกหมู่ซ่อน
    สะออนฮ่ายแม่นไผ่สิเลิกแหน่ สิบนิ้วดอกแปแปสิยอยกดอกเหนือหัว สาธุขั้นไผ๋เลิกได้

    .............................ถ่าคนมาต่อจักบาทเบิงดุ บ่คล่องปานใด๋แต่ใจมันรัก.ผญา



  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    Re: งดเหล้าเข้าพรรษา

    สิต่อว่าจั้งใด๋ดีน้อบาดนี่น้อ เอ๋า!! สิลองต่อเบิ่งเด้อ

    อันว่าเหล้ายานี้คันกินเป็นกะดีอยู่ กินให้มันพออยู่ มื้อละเล็กละน้อยพอกินข้าวโล่งคอ
    แต่บางคนเพิ่นหากกินเอากะด้อ จนคอเงี้ยงเอียงบ่กลับ เอาจนหลับคาวงให้หมู่หามเมือบ้าน
    ผู้ลางคนยามเพิ่นเมาแล้วเพ่นพล่าน อันธพานหากวนหมู่ เมาแล้ววางท่าบู๊บ่มีย่านแม่นผู้ใด๋
    ผู้ลางคนบัดยามเมากะแห่งแย่ นอนแผ่พอปานหมู ปล่อยให้หมาเลียคางกะซ่างเป็นปานนั้น
    คันเซาได้กะเซาถ่อนผู้ข้าขออ้อนวอน นี้บ่แม่นสอนสั่ง หวังความดีฝากหมู่เจ้าคันเซาได้ให้ละวาง ซะเด้อ

    ..................คันพอเซาได้กะเซาซะเด้อ maxlinee เอ้ย คันอกหักกะกินแน่จั้กหน้อยพอเซาคิดฮอดเขา อิๆ
    จงเอาชนะในความยาก มิฉะนั้นความยากจะชนะท่าน

  7. #7
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    Re: งดเหล้าเข้าพรรษา


    ...หันทางได๋กะขี้เหล้า เพิ่นกินส่งเข้าพรรษา
    ผัดเบิ่งไปเบิ่งมา เข้าพรรษาผ่านมาแล้ว ยังกินซ้ำบ่มีเซา


    ........ไปเที่ยวงานบุญแห่เทียนอุบลฯ มา คำผญากะจั่งแม่นลืมแล้ว แต่งบ่คล่องปานได๋...เดี๋ยวไปฝึกฝีมือสาก่อนจักหน่อยเด้อจ้า.....
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  8. #8
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    Re: งดเหล้าเข้าพรรษา

    ว่าให้เพิ่นอยู่ดอก แต่เพิ่นพ่นตอกกลับมาวา
    สุราเหล่า กินเมาฮ้องโฮ่ กินบ่เฮบ่อฮ้อง มันเสียแป้งผู้เพิ่นทำ
    แม่นนั่นแหล่วมันสิปล้ำ คอลงมาจูดจี่
    กินเสียนาเสียที่ กินเสียเฮียนเสียบ้าน ซ่างบ่อย้านหมู่เพิ่นหยันนอ
    ผู้ลางคน นั่งรับศีลจ้อก่อ บ่อพอคาวเป็นแนวใหม่
    พอแต่ออกจากวัดได้ เบิ่งใหเหล้าท่อกระบุง
    กินหลายๆจนท้องปุ้ง บ่อแม่นพุงแต่ตับใหญ่
    ลูกหลานห้ามลงไป บ่อใส่ใจอีกซ้ำถลำซื้อ ตื่มใส่กลม
    ว่าแม่นบ่อทันม้ม พอพรรษาแล้วพ่อใหญ่
    เห็นแต่ไทพี่น้อง เพิ่นหาไม้ต่อโลง ถ่อนแหล่ว

  9. #9
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    อันสุราเมรัยใครเสพติด
    พาชีวิตให้มืดมนจนฉิบหาย
    หนึ่งทรัพย์สินของตนนั้นพลันวอดวาย
    สองอาจตายจากทะเลาะเพราะความเมา
    สามเจ็บป่วยด้วยโรคาพยาธิ
    สี่คนตำหนินินทาพาอับเฉา
    ห้าหน้าด้านหนักหนาเวลาเมา
    หกโง่เขลาปัญญาหดหมดสิ้นเอย...

    บทประพันธ์จากพระอาจารย์ พระพยอม กัลยาโณ วัดสวนแก้ว นนทบุรี
    สาธุ....เด้อ ขะน้อย

  10. #10
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    ผู้ได๋เฮ็ดได้กะดีครับ สนับสนุนเด้อ...

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •